AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Zirehli maşında gəzən gürcü “qanuni oğru” “Lotu Quli“ni niyə öldürmək istəyib? - Təfərrüatlar


Tarix 04.02.20, 14:45	Font ölçüsü : - / +

Türkiyədə yaşayan azərbaycanlı “qanuni oğru” Nadir Səlifova (“Quli”) qarşı sui-qəsd planı ilə bağlı yeni təfərrüatlar üzə çıxıb.

AzFakt.com Yenisabah.az-a istinadla xəbər verir ki, sui-qəsd planının başında Nadir Səlifovla ədavəti olan gürcü əsilli “qanuni oğru” Quram Çixladze (Kvejoviç) dayanır.

Yanvarın 31-də Çixladze və onun rəhbərlik etdiyi dəstə İstanbul Polis İdarəsinin mütəşəkkil cinayətkarlığa qarşı mübarizə şöbəsinin əməkdaşları tərəfindən saxlanılıb.

Türkiyə mətbutatının bu gün yaydığı məlumatlarda qeyd edilir ki, iz azdıqmaq üçün Andri Malyi adından istifadə edən Çixladze İstanbulun Sarıyer bölgəsindəki dəbdəbəli villasında ələ keçib. Əməliyyat zamanı bəlli olub ki, Çixladze zirehli avtomobildə gəzir və ciddi şəkildə qorunur. Saxlanılanlar artıq istintaq təcridxanasına köçürülüb.

İddialara görə, Çixladzenin Nadir Səlifovu aradan götürməkdə məqsədi mərhum “qanuni oğru” Rövşən Canıyevin (“Rövşən Lənkəranski”) qisasını almaqdır. Əslində isə gürcü “qanuni oğru”nun “Quli” ilə öz problemi var. Ötən ilin avqustunda İstanbulda Nadir Səlifovla görüşən Quram Çixladze onunla saymazyana danışdığı üçün vurulub. Gürcü qanuni oğrunu vuran qazax əsilli kriminal avtoritet Arman Cumagəldiyev (“Arman Dikiy”) olub. Nadir Səlifov dərhal insidentin qarşısını alıb. Çixladze isə bu olaydan sonra Türkiyəni tərk edərək İsrailə gedib.

Bundan sonra bəzi “qanuni oğru”ların “anti Quli” ittifaqı yaranıb. Nadir Səlifov “qanuni oğru”nun vurulmasına göz yummaqda ittiham edilib. Bu olayla bağlı keçirilən “sxodka”da Arman Cumagəldiyev Çixladzenin “qanuni oğru” olduğunu bilmədiyini deyib. Qazax əsilli kriminal avtoritet bildirib ki, “Quli” ilə görüşdən əvvəl Çixladze ilə rastlaşıb və o özünü biznesmen kimi təqdim edib. Arman Cumagəldiyev əlavə edib ki, özünü biznesmen kimi təqdim edən Çixladzenin “qanuni oğru” olan Nadir Səlifovla saymazyana danışmasını həzm edə bilməyib və ona yerini göstərib.

Lakin Nadir Səlifov məsələnin böyüməsinə imkan verməyib, eyni zamanda Çixladzenin “qanuni oğru” olduğunu bildirib. Bütün bunlardan sonra “sxodka”ya toplaşan “qanuni oğru”lar Arman Cumagəldiyevin təqsiri olmadığı qənaətinə gəliblər. Həmçinin bu olaya görə Nadir Səlifovun ittiham edilməsini əsassız sayıblar.

Lakin məsələ bitməyib. Gürcü əsilli başqa bir “qanuni oğru” Badri Koquaşvili (“Badri Kutaisi”) Nadir Səlifovun “qanuni oğru” titilundan məhrum edilməsi məsələsini qaldırıb. Nadir Səlifova ciddi dəstək verən Suxumi klanının liderlərindən “qanuni oğru” Merab Canqveladze (“Merab Suxumskiy”) və onun yaxın çevrəsi Badir Koquaşvilinin özünün başqa “qanuni oğru”larla problemlərinin olduğunu xatırladaraq bu situasiyada onun kimisə statusdan məhrum etmək hüququnun olmadığını bildiriblər.

Bundan sonra, Badri Koquaşvili Avropada özünə tərəfdar axtarmağa başlasa da, məqsədinə çatmayıb. Gürcü “qanuni oğru” hətta bu məsələyə görə Türkiyə yeraltı dünyasının liderlərindən hesab edilən Sedat Pekərlə də görüşüb. Lakin Nadir Səlifovla isti münasibətləri olan Sedat Pekər ona dəstək verməyib. Sonradan isə Peker açıqlama yayaraq ümumiyyətlə, Koquaşvilinin onunla “Quli” barədə danışmadığını bəyan edib.

Badri Koquaşvilinin çabalarına baxmayaraq “oğru dünyası”nın əhəmiyyətli kəsimi Nadir Səlifova qarşı çıxmayıb.

“Quli”nin “qanuni oğru” titulundan məhrum etməyin mümkün olmadığını görən Quram Çixladze qisasını güc yolu ilə almaq qərarına gəlib. O, əvvəlcə İstanbulda restoranların birində dostları ilə dincələn kriminal avtoritet Məhəmməd Qurbanova (“Maqa Rustavskiy”) hücum edərək onu ağır yaralayıb. Çixladzenin Qurbanovu hədəf seçməsi təsadüfi deyil. “Maqa Rustavskiy” Nadir Səlifovun bacısı oğludur.

Bu insidentdən sonra isə Çixladze dəstə toplayaraq Nadir Səlifovu fiziki cəhətdən məhv etmək istəyib. Lakin İstanbul polisi bu qanlı qəsdin qarşısını alıb.

Xəbərin oxunma sayı : 1306