AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Həbs olunan icra başçısı Aparatdan gələn qonaqlara özü şəxsən qulluq edirmiş - Mahir Quliyevin “uğur hekayəsi”


Tarix 01.05.20, 12:02	Font ölçüsü : - / +

Ona qarşı saxta diplom alması, torpaq sahələrini zəbt etməsi və sahibkarlara qan uddurması haqda ittihamlar var.

Prezident İlham Əliyev aprelin 30-da Mahir Quliyevin Biləsuvar Rayon İcra Hakimiyyətinin başçısı vəzifəsindən azad edilməsi haqqında sərəncam imzalayıb.

“Mahir Quliyev Biləsuvarda hektarlarla torpaq sahəsini zəbt edib. Özünün və yaxınlarının əkin sahələrinə çevirib. Ən çox da sarımsaq əkirdi. Həm də tovuzquşu həvəskarı idi”.

Musavat.com Mahir Quliyevin həbsi ilə bağlı bir sıra təfərrüat, onun icra başçısı olduğu müddətdəki özfəaliyyəti ilə bağlı yeni məlumatlar əldə edib.

Məlum olub ki, Mahir Quliyevə qarşı Cinayət Məcəlləsinin bir neçə ağır maddəsi ilə ittiham irəli sürülüb.

Mahir Quliyev rayon ərazisində fərdi sahibkarlıq fəaliyyəti ilə məşğul olan şəxslərdən müxtəlif adlar altında pul tələb etməkdə, dövlət büdcəsindən təmir-tikinti, abadlıq işlərinə ayrılan vəsaitləri mənimsəməkdə, rayon ərazisində torpaq sahələrini özbaşına tutaraq şəxsi məqsədlər üçün istifadə etməkdə, ayrı-ayrı vətəndaşların adına açılmış əmək haqqı kartlarına köçürülən pulların nağdlaşdırılmasında suçlanır.

Ona qarşı vəzifə səlahiyyətlərindən sui-istifadə etmə, külli miqdarda təkrar rüşvət alma və mənimsəmə maddələri ilə ittiham irəli sürülüb.

Əldə etdiyimiz məlumata görə, Mahir Quliyev barəsində həbslə bağlı olmayan qətimkan tədbiri seçilməsi ehtimalı da var. Buna səbəb onun bir neçə həftə əvvəl ürəyindən əməliyyat edilməsi, səhhətində ciddi problemlərin olmasıdır.

Hazırda cinayət işi üzrə araşdırma davam etdirilir.

Qeyd edək ki, Mahir Quliyevlə birgə birinci müavini Xanlar Bayram oğlu Məmmədov, müavini - sosial-iqtisadi inkişafın təhlili və proqnozlaşdırılması şöbəsinin müdiri Elsevər Cəmil oğlu Həsənov, müavini - ictimai-siyasi və humanitar məsələlər şöbəsinin müdiri Ləman Cəbrayıl qızı Yüzbaşova da istintaqa cəlb edilib.

Mahir Quliyev kimdir?

Mahir Quliyev 2011-ci ildən Biləsuvar Rayon İcra Hakimiyyətinin başçısı vəzifəsinə təyin edilib.

62 yaşlı Mahir Quliyev Kəlbəcər rayonunda anadan olub. 2000-ci ildə Bakı şəhərində"Naxçıvan" universitetinin İnzibati İdarəetmə ixtisasını bitirib. 1975-1976-cı illərdə Kəlbəcər rayon kolxoz tikinti idarəsində fəhlə, 1976-cı ildə “Yenilik” qəzeti mətbəəsində mürəttib, 1976-1977-ci illərdə Kəlbəcər rayon İstehlak cəmiyyətində satıcı, 1977-1979-cu illərdə həqiqi hərbi xidmətdə olub. 1980-1981-ci illərdə “Azərnəqliyyat” tikinti trestində usta, 1981-2005-ci illərdə “26 Bakı Komissarı” adına rayonun İctimai iaşə idarəsində satıcı, inzibatçı, kafe müdirinin müavini, restoran müdiri, 2005-2006-cı illərdə Səbayel bələdiyyəsində sədr müavini, 2006-cı ildən 2011-ci ilədək Astara Rayon İcra Hakimiyyətinin başçısı olub.

Mahir Quliyev mətbuatın diqqətində əsasən ofisiantlıqdan icra başçısı postuna yüksəlməsi ilə qalıb. Bu haqda Mahir Quliyevin vikipediya məlumatında da yazılırdı. Lakin Mahir Quliyev sonradan həmin məlumatları vikipediyadan sildirdi.

Haqlı olaraq o da sual edilirdi ki, Mahir Quliyev Biləsuvar rayonundan əvvəl Astaranın icra başçısı olana qədər dövlət idarəetməsində bircə gün belə işləmədiyi halda bu posta necə yüksəlib?

Mahir Quliyevin təhsili ilə bağlı da ilginc məlumat var. Maraqlıdır ki, Mahir Quliyev 2000-ci ildə Bakıda “Naxçıvan” universitetinin İnzibati İdarəetmə ixtisasını bitirib.

Məlum olur ki, Mahir Quliyev bu təhsilini 42 yaşında alıb. Amma bu universitet Bakıda yox, Naxçıvanda yerləşir. Həm də universitet 1999-cu ildə yaranıb. Mahir Quliyev isə həmin universiteti 2000-ci ildə bitirib!? Onun hər hansı bir ali və ya orta ixtisas təhsili müəssisəsini bitirməsi haqqında “Tələbə-Məzun” dövlət elektron məlumat sistemində də məlumat yoxdur.

Mahir Quliyev başçısı olduğu rayonda hansı narazılıqlarla yadda qalıb?

Hesablama Palatası tərəfindən dövlət büdcəsindən 2013-2015-cı illərdə Biləsuvar Rayon İcra Hakimiyyətinə ayrılmış vəsaitlərin proqnozlaşdırılması və istifadəsi vəziyyəti ilə bağlı həyata keçirilmiş auditin nəticələrində yazılır ki, büdcədən ayrılmış vəsaitlərin bir qismi müxtəlif yollarla mənimsənilib.

Belə ki, tikinti obyektinin layihə ilə uyğunluğunu təmin etmək, həmçinin tikilən və ya yenidən qurulan kommunikasiyalarda yüksək keyfiyyətin təmin olunması məqsədilə layihənin müəllif nəzarətinin təmin olunması barədə qeydlər aparılmayıb, 2 layihə üzrə tərtib edilmiş dövlət ekspertiza rəyində bildirilmiş iradlar aradan qaldırılmayıb.

Bundan başqa, Biləsuvar sakinləri adından yazılan şikayətlərdə qeyd edilir ki, Mahir Quliyev icra başçısı təyin olunandan sonra rayonda özü üçün hektarlarla əkin sahələri yaradıb. M.Quliyev əsasən taxıl, qarpız və sarımsaq əkininə üstünlük verib. M.Quliyev həmçinin tovuzquşunu çox sevməsi ilə də bilinir.

Xəbərin oxunma sayı : 2014