AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

“Putin NATO”su belə güclənməyə qərar verdi - yeni hərbi plan


Tarix 12.11.26, 12:24	Font ölçüsü : - / +

Kollektiv Təhlükəsizlik Müqaviləsi Təşkilatında aviasiya və mobil hava hücumundan müdafiə qüvvələri yaradılır

Rusiya KTMT-ni (Kollektiv Təhlükəsizlik Müqaviləsi Təşkilatı) yeni hərbi imkanlarla gücləndirməyə hazırlaşır. Moskva təşkilatın kollektiv qüvvələrinin tərkibində aviasiya komponentinin yaradılmasını, həmçinin mobil hava hücumundan müdafiə bölmələrinin formalaşdırılmasını nəzərdə tutur. Bu isə postsovet məkanında hərbi əməkdaşlığın yeni mərhələyə keçə biləcəyindən xəbər verir.

Заседание Совета коллективной безопасности Организации Договора о коллективной безопасности в Москве - Sputnik Южная Осетия, 1920, 11.11.2026

Musavat.com xəbər verir ki, bu barədə Rusiyanın “Nezavisimaya qazeta” nəşri noyabrın 11-də Moskvada Rusiya Prezidenti Vladimir Putinin sədrliyi ilə keçirilən KTMT Kollektiv Təhlükəsizlik Şurasının iclasını şərh edərkən yazıb.

Nəşrin diqqət çəkdiyi əsas məqamlardan biri təşkilatın hərbi potensialının genişləndirilməsi ilə bağlıdır. Putin sammitdə çıxışı zamanı kollektiv qüvvələrin müasir silah və hərbi texnika ilə təchiz edilməsi istiqamətində işlərin davam etdiyini bildirib.

Rusiya liderinin sözlərinə görə, KTMT-nin kollektiv qüvvələrinin gələcək inkişafı ilə bağlı mühüm qərarlar qəbul edilməlidir. Buraya aviasiya komponentinin yaradılması və birgə hərbi əməliyyatlar zamanı istifadə olunacaq mobil hava hücumundan müdafiə bölmələrinin formalaşdırılması da daxildir.

Putin konkret olaraq hansı aviasiya vasitələrinin və hava hücumundan müdafiə sistemlərinin nəzərdə tutulduğunu açıqlamayıb. Lakin “Nezavisimaya qazeta” ehtimal edir ki, söhbət yeni hərbi texnologiyalardan, xüsusilə hücum və müdafiə təyinatlı pilotsuz uçuş aparatlarından gedə bilər. Beləliklə, KTMT çərçivəsində pilotsuz sistemlərin tətbiqi və vahid müdafiə imkanlarının yaradılması gündəmə gələ bilər.

Qeyd edək ki, son illərdə müharibələrin xarakterinin dəyişməsi, xüsusilə Ukrayna müharibəsində dronların geniş tətbiqi hava hücumundan müdafiə sistemlərinin və pilotsuz aviasiyanın əhəmiyyətini artırıb. Rusiya da bu təcrübəni nəzərə alaraq müttəfiqləri ilə hərbi-texniki əməkdaşlığı dərinləşdirməyə çalışır. Maraqlıdır ki, təşkilatın hərbi imkanlarının genişləndirilməsi ilə bağlı planlar açıqlansa da, Moskva sammitinin yekun bəyannaməsində KTMT-nin əsasən sülhpərvər xarakteri ön plana çəkilir.

“Nezavisimaya qazeta”nın diqqət çəkdiyi Moskva Bəyannaməsində təşkilatın münaqişələrin həllində siyasi və diplomatik vasitələrə üstünlük verdiyi vurğulanır. Sənəddə qarşılıqlı hörmət, bərabərlik, dövlətlərin daxili işlərinə qarışmamaq və onların qanuni maraqlarını nəzərə almaq prinsipləri xüsusi qeyd olunur.

Bu yanaşma onu göstərir ki, Moskva hərbi potensialı artırmaqla yanaşı, KTMT-nin aqressiv hərbi blok kimi təqdim olunmasından da ehtiyatlanır. Çünki təşkilatın NATO-ya alternativ hərbi ittifaq kimi formalaşdırılması üzv dövlətlərin xarici siyasət prioritetləri baxımından əlavə suallar yarada bilər.

Xəbərin oxunma sayı : 64