AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

ReAL-dan Milli Şuraya sərt cavab: “Əsl faşist təfəkkürüdür...“


Tarix 04.09.19, 16:47	Font ölçüsü : - / +

"Milli Şura şəxsimə və REAL-a qarşı qarayaxma, çamuratma kampaniyasını ərşə qaldırıb. Fikri olub beyni olmayan bir qrup fikir formalaşdırmağa çalışır və bu kampaniya birbaşa Milli Şuranın rəhbərliyinə daxil olanlar tərəfindən qızışdırılır, idarə olunur və yönləndirilir".

AzFakt.com xəbər verir ki, bunu ReAL Partiyasının icra katibi Natiq Cəfərli səsləndirib.

N. Cəfərlinin sözlərinə görə, 25 ildir həmin siyasi düşüncə tərzinin daşıyıcısı olanlar zaman-zaman eyni kampaniyanı ya öz təşkilatlarında olanlara, ya da digər siyasi partiyalara qarşı aparıblar. N. Cəfərli qeyd edib ki, öz partiyalarından hökumət tərəfə keçib deputat, məmur olan onlarla adam var deyə, kompleksə düşüblər, fərqli düşünən görəndə sanki havalanırlar, ağılları-bilikləri yoxdur deyə, ancaq satqın söhbəti salırlar:

"Müsavat Partiyası 2013-cü ildə Milli Şuradan çıxanda eyni kampaniyanı onlara qarşı da apardılar. Bu insanlar anlamırlar ki, indiki rejimə qarşı nə qədər çoxsəsli və müxtəlif müqavimət mərkəzləri olsa, bir o qədər onların özlərinə xeyirdir. Çünki hamını gözdən salıb ortada tək qalsalar, zatən zəif durumları daha pis vəziyyətə düşəcək, məhv olacaqlar - hakimiyyət bütün gücünü tək onlara qarşı yönəldəcək. Bu, çox aydın məntiqdir və anlamırlarsa, deməli, beyinləri yoxdur”.

N. Cəfərli bildirib ki, “Söz” verlişində Tural bəyin qonağı olub və 1 saat 20 dəqiqə ərzində çox mətləblərdən söz açıb: “Həmin verilişlə bağlı videonun altında həm YAP, həm də Milli Şura trolları tərəfindən eyni sayda təhqir və söyüş yazıldığını gördüm. Həm hakimiyyət, həm də bunlar məni söyürlər. Deməli, düz yoldayıq. Video ortada, girin baxın, bəziləri 2-3 cümləni kontekstdən çıxarıb yayırlar, artıq bizə - REAL-a aidiyyatı olmayan, müstəqil insanlar da dilə gəlib cavab yazırlar ki, bu qədər yalançı olmayın”.

İcra katibinin videodakı tezisləri aşağıdakılardır:

1) İndiki prezidentin reytinqi o qədər aşağıdır ki, seçkidə prezident və vitse-prezident (ikisi ha, başqa heç kim yox) iştirak etsə, Mehriban Əliyeva öz həyat yoldaşına qalib gələr.

2) Əgər vitse-prezident seçkiyə tək getsə, rəqib cinah - müxalifət birləşməsə, birgə hərəkət etməsə, ona qalib gəlmək çətin olacaq.

N. Cəfərli həm də nəzərə çatdırıb ki, boykot həmişə bu hakimiyyətə xeyir verib, onu möhkəmləndirib:

“Amma Milli Şura üzvləri olmayan məsələ üzərində “qara piar” kampaniyası aparırlar. İndi də mənə irad bildirirlər ki, niyə "çətin olacaq" demişəm? Bəs nə deyim, 25 ildir xalqı dolayanların, aldadanların ritorikası ilə danışım? Mən də deyim ki, “Gəlirik, Az qaldı, Hakimiyyət çökür, Hamısı qaçmağa hazırlaşır?!” Mən belə məsuliyyətsiz və populist ola bilmirəm - siyasət budursa, tüpürüm belə yalan və pafos üzərində qurulmuş siyasətə!

Biz həmişə çamur atanlara və qara yaxanlara cavab veririk. İndi də Milli Şura rəhbərliyə daxil olan Gültəkin Hacıbəyli mənə qarşı status yazıb.

Hacıbəyli həm də yazır ki, İsa Məsih də gəlib YAP-ın namizədi olsa, heç bir seçkidə qalib gələ bilməz. Mən bu cümləyə görə Gültəkin Hacıbəyliyə təşəkkür edirəm. Deməli, özü Həzrəti Fatimə deyil və YAP adı ilə iki seçkini qazanmayıb, ona mandatı hədiyyə ediblər. Gözəl etirafdı, bravo! Sonra adam yenə "niyə də yox",- sözünü yada salıb, halbuki həm mediada, həm də sosial şəbəkələrdə azı 15 dəfə bunu izah etmişəm - ya başa düşməyib, ya qəsdən cığallıq edir.

Sonra da xanım deyir ki, kimin müxalif, kimin müxalif olmadığına qərar verək - əsl faşist təfəkkürüdür. YAP-dan çıxan başqa necə düşünə bilər ki?! Kimin hansı mövqedə olduğunu, kimin tez-tez mövqe dəyişdiyini xalq görür və buna xalq qərar verəcək, Gültəkin xanım yox. Ona son şans vermək istəyirəm - özü seçdiyi istənilən jurnalistlə birgə canlı yayımda debata çıxaq, bütün daşları ətəyindən töksün, jurnalist istənilən sualı versin, mən isə ondan bir zaman nədən REAL-a gəlmək istədiyini, nə cavab aldığını soruşacam. Cavab gözləyirəm".(Reyting.az)

Xəbərin oxunma sayı : 715