AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Toylara hansı şərtlərlə icazə verilə bilər - ekspertdən tövsiyə


Tarix 24.09.20, 8:51	Font ölçüsü : - / +

Adil Qeybulla: “Şadlıq sarayının zallarının ölçülərindən asılı olaraq orada iştirakçı sayı müəyyənləşdirilməlidir”

Oktyabr ayından toylar bərpa oluna bilər. Bu barədə bir neçə gündür ki, sosial şəbəkələrdə və mətbuatda məlumat yayılır. Qeyd edilir ki, Azərbaycanda şadlıq sarayları, mərasim zalları və ticarət mərkəzlərinin fəaliyyəti yenidən bərpa olunur. Məlumata görə, artıq bununla bağlı yerli icra hakimiyyəti orqanlarına göstəriş verilib. Bütün rayonlar üzrə sözügedən obyektlərin işlək sahələri rayon icra hakimiyyətinin əməkdaşları tərəfindən rəsmi qeydiyyata alınır. Yaxın zamanlarda toy və yas mərasimləri ilə bağlı yumşaldılmaların olacağı, eləcə də ticarət mərkəzlərinin müəyyən qaydalarla fəaliyyətə başlayacağı bildirilir.

Qeyd edək ki, bir çox ölkələrdə xüsusi qaydalarla toyların keçirilməsinə icazə verilib. Belə ki, Türkiyədə şərtlərə görə, mərasim zamanı bir neçə nəfərin toplanaraq ailə fotosu çəkdirməsinə icazə verilməyəcək. Cütlüklər də daxil olmaqla, hər kəs maska taxacaq. Bundan başqa, mərasim keçirilən zaman masalar arasında 1,5 metrlik ara məsafəsi tətbiq olunacaq. Şənliklərdə iştirak edənlərin sayı isə ərazinin kvadratmetrinə görə hesablanacaq, qonaqların hərarəti ölçüləcək.

Britaniyada isə toylara qatılan insan sayı 30-dan 15-ə endirilib, 6 nəfərdən çox insanın toplaşmasına icazə verilmir.

Azərbaycanda toylarla bağlı yayılan məlumatlara gedincə, Nazirlər Kabinetinin mətbuat xidmətinin rəhbəri İbrahim Məmmədov bildirdi ki, toylara icazə verilməsi ilə bağlı onda hər hansı məlumat yoxdur.

Əgər belə bir durum olarsa, hansı şərtlər , karantin qaydaları təmin olunmalıdır?

Professor Adil Qeybulla Azərbaycanda koronavirusun tamamən yoxa çıxacağı dəqiq vaxtı açıqladı

Adil Qeybulla

Bu sualı cavablandıran tibb elmləri doktoru Adil Qeybulla dedi ki, toylarla bağlı hələlik dəqiq bir məlumat yoxdur: “Hər halda məktəblər açıldı və məktəblərlə bağlı müəyyən təlimatlar verilsə də, yoluxmalar var. Təlimatlar olsa da, müəllimlər təəssüflər ki, qaydaları pozurlar. Müəllimlər otağında maskasız oturmaq, toplaşmaq, qapalı yerdə uzun müddət qalmaq, sinif otaqlarının havasının tənzimlənməməsi, ən çox toxunulan səthlərin, parta və qapı dəstəklərinin dezinfeksiya edilməməsi buna gətirib çıxarır”.

A.Qeybulla vurğuladı ki, əgər qaydalara əməl olunsa yoluxma olmaz: “Toylarda da həmçinin, qaydalara əməl olunmalıdır. Şadlıq saraylarının fəaliyyəti ilə bağlı havalandırma sistemi ilə bağlı, toyda iştirak edən şəxslərin sayı, onların oturma sıxlığı ilə bağlı bəlli qaydalar olmalıdır. Şadlıq sarayının zallarının ölçülərindən asılı olaraq orada iştirakçı sayı müəyyənləşdirilməlidir. Konkret limit qoyulmalıdır ki, hansı zalda neçə nəfərdən artıq adam ola bilməz. Bütün bu şərtlər daxilində biz toyları keçirə bilərik”.

Qeyd edək ki, toylara icazə verilməsi həm də iqtisadiyyatın canlandırılması baxımından faydalı ola bilər. Çünki toy sektoru həm də özündə bir çox sahələri birləşdirir ki, bu elektronika, mebel, geyim və tekstil məhsullarının satışından tutmuş, musiqiçilər, gözəllik salonları, gəlinlik və avtomobil kirayələrinə qədər bir çox xidmət sahələrini özündə birləşdirir. Toyların dayanması bazarda aktivliyi xeyli azaltmaqla yanaşı, bu sektorda çalışan yüzminlərlə insanın işsiz qalması ilə də nəticələnib. Lakin pandemiyanın ikinci dalğası ilə bağlı ehtimallar, yoluxma hallarının artması riski hökuməti də bu istiqamətdə qərar qəbul edərkən ciddi düşünməyə vadar edir. Bununla belə, aldığımız məlumata görə, şadlıq sarayları artıq Məhərrəmlik dövründən sonra keçiriləcək toylarla bağlı sifarişlərin qəbuluna başlayıblar və hətta bir çox restoranlarda ilin sonuna qədər əksər uyğun günlər dolub. Görünür, ya bu sektorda hər hansı informasiya var, ya da pandemiyanın səngiyəcəyinə ümid edərək bu addımı atırlar.

“Yeni Müsavat”

Xəbərin oxunma sayı : 742