Qol.az "Sky Sports"a istinadən xəbər verir ki, müqavilə imzalanacağı təqdirdə argentinalı hücumçu ildə 200 milyon funt-sterlinqdən (227 milyon avro) çox qazanacaq və dünyanın ən çox maaş alan futbolçusu olacaq.

Bundan başqa, Səudiyyə klubunun rəhbərliyi “Mançester Siti”nin yarımmüdafiəçisi Kevin de Brüyne və “Liverpul”un hücumçusu Məhəmməd Salahı da heyətinə qatmaq niyyətindədir.

Daha əvvəl bildirilmişdi ki, Messinin atası oğlunun transferi ilə bağlı "Əl-Hilal"la danışıqlar aparır . Daha sonra bəzi KİV-lər bu məlumatı təkzib ediblər .

Qeyd edək ki, 35 yaşlı futbolçu 2021-ci ilin avqustundan PSJ-də çıxış edir. Bu mövsüm o, bütün yarışlarda 22 oyuna çıxıb, 13 qol vurub və 14 qolun ötürməsini verib. Messinin Paris təmsilçisi ilə hazırkı müqaviləsi 2023-cü ilin iyununda başa çatır.