AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Magna Trans“ MMC: vergidən yayınmanın, hüquqi nihilzmin ünvanı


Tarix 28.06.22, 9:45	Font ölçüsü : - / +

Azərbaycanda son illər iqtisadi sahədə şəffaflığın artırılması istiqamətində ciddi islahatlar aparılmaqdadır. Dövlət başçısının hökumət qarşısında qoyduğu əsas məqsədlərdən biri iqtisadi reformaların sürətlə həyata keçirilməsi, bu sahədə fəaliyyət göstərən iş adamlarına əlverişli şəraitin yaradılması və büdcə daxilolmalarının artırılmasıdır.

Bu sahədə mühüm işlər görülsə də, hələ də neqativ hallar qalmaqda davam edir. Belə ki, bəzi özəl sektorlarda hələ də büdcədən yayınma, qeyri- şəffaflıq, ciddi qanunsuzluqlar hökm sürməkdədir. Əlbəttə ki, qanunların aliliyinə tabe olmayan, qazandığı pullara rəğmən dövlətə cüzi miqdarda vergi ödəyən təşkilatlar reallıqda böyük vəzifələrdə çalışan, geniş əlaqələrə malik məmurlara və yaxud da onların yaxınlarına aiddir.

Bu cür qalmaqallı təşkilatlardan biri də uzun illər Azərbaycanın Baş Prokuroru vəzifəsində çalışmış Zakir Qaralovun kölgəsinə sığınaraq, "AKKORD” şirkətinə uzun illər rəhbərlik etmiş Bürhan Həmidov adlı şəxsin həmtəsisçisi olduğu "MAGNA TRANS” MMC-dir.

Sərnişindaşıma sahəsində fəaliyyətə başlayan "MAGNA TRANS” MMC 2010-cu ildə 3 nəfər şəxsin həmtəsisçiliyi və səhmdarlığı ilə yaradılıb. Şirkətin həmtəsisçiləri: Əfqanıstan Müharibəsi veteranı, Qarabağ Müharibəsi iştirakçısı, III qrup müharibə əlili, qazi Ağasəf İslam oğlu İsmayılov və yeznə-qayın qohumları olan Bürhan Əhməd oğlu Həmidovla Namıq Gülosman oğlu Hacıyev olub.

"MAGNA TRANS” MMC 79 ədəd müxtəlif markalı avtobuslarla 113, 208, 209, 213 saylı şəhərdaxili marşrutlarla Bakı şəhərində, həmçinin iritutumlu reys avtobusları ilə Bakı - Lənkəran - Bakı və Bakı Astara - Bakı rayonlararası marşrut xətləri ilə, gündəlik sərnişindaşıma həyata keçirməklə məşğul olub.

Yeznə-qayın həmtəsisçilərin "planı"

Şirkətin fəaliyyəti tam nizama düşəndən sonra, yeznə-qayın olan həmtəsisçilərdən Bürhan Həmidov "krışa"sından istifadə edərək, "MAGNA TRANS” MMC-nin əsas təşkilatçısı olan Ağasəf İsmayılovdan "qopmaq”, yəni onu MMC-nin həmtəsisçiliyindən uzaqlaşdırmaq, daha doğru desək, əmlakını əlindən çıxarmaq planı hazırlayır.

Belə ki, Ağasəf İsmayılovun ona olan etibarından istifadə etməklə MMC-nin direktor vəzifəsinə "öz adamı" olan və həmin vaxtda "Akkord" şirkətində şöbə rəisi vəzifəsini tutan Ağayev Mirzahid Mirsahib oğlunu təyin edir. Əslində isə, sonradan özünün yazılı olaraq etiraf etdiyi kimi "işlədiyi 10 il müddətində 1 manat əməkhaqqı almayan" Mirzahid Ağayev direktor vəzifəsini formal tutub.

Bürhan Həmidov MMC-nin "altından girib-üstündən çıxıb", yəni "Magna Trans" MMC-ni tam müflisləşdirib - 79 ədəd sərnişin daşıyan avtobusların yarıdan çoxunu sənədləri saxtalaşdırma yolu ilə satıb pulunu da "həzmi-rabe"dən keçirib, yerdə qalanları da söhüb talayıblar.

113, 208,209, 213 saylı şəhərdaxili marşrutları da Bürhan Həmidov oğlunun adına yaratdığı "Transkontrol" MMC-yə ötürüb. Bürhan Həmidovun bu əməlləri Ağasəf İsmayılova məlum olanda, ondan hesabat tələb etmək üçün axtaranda, Bürhan Həmidov "atlı olub", Ağasəf İsmayılov isə "piyada".

Eyni vaxtda "Akkord" ASC-nin də icraçı direktoru olan Bürhan Həmidov mühafizəçilərinin müşaiyəti ilə bahalı avtomobillərlə hərəkət etdiyindən ona yaxın düşmək olmayıb ki, olmayıb. Hətta, iddialara görə "Akkord" ASC şirkəti yerləşən küçəyə Bürhan Həmidovun avtomobil karvanı daxil olanda əks istiqamətdən gələn hərəkəti saxlayırmışlar. Beləliklə, şəriki Ağasəf İsmayılovun telefon zənglərinə, sms yazışmalarına, poçt vasitəsilə rəsmi müraciətlərinə cavab verməyən, sözün əsl mənasında gizlənən Bürhan Həmidovun "ağ yelkənli gəmisi daşa çırpılır" və ocağı sönmüş "Akkord"da onun fironluğu sona çatır.

"10 il müddətində 1 manat almayan" direktorun təsisçilərə ərizəsi

Digər həmtəsisçiləri Bürhan Həmidovla Namiq Hacıyevin və direktor Mirzahid Ağayevin onunla üz-üzə gəlməkdən hər bir cəhdlə yayındıqlarına görə, hər üçünün hesabat verməkdən açıq-aşkar imtina etdiklərinə görə Ağasəf İsmayılov üz tutur hüquq-mühafizə orqanlarına. Və onların hər üçünün üzərinə məhkəmə qaydasında hesabat vermək öhdəliyi qoyulur. Bax burada sözün əsl mənasında "Kərəmi ağlamaq tutur".

Ağasəf İsmayılovun qanunun aliliyindən və gücündən istifadə edərək atdığı "kəməndin" onları "sıxıb-boğmaq" məqamının yetişdiyini hiss etdikləri və özlərinin qazdıqları "quyudan" çıxmaq üçün yollar axtarırlar. Hələ bir il öncə ondan hesabat verməyi yazılı olaraq tələb edən Ağasəf İsmayılova və digər təsisçilərə direktor Mirzahid Ağayev ərizə ilə müraciət edərək işdən azad olunmağını xahiş edir. Direktor təsisçilərə ünvanladığı bu məktubunda işlədiyi müddətdə bir manat da olsun əməkhaqqı almadığını yazır.

İki təsisçiylə direktorun "müdafiə xətti"

Müəssisəni müflisləşdirməkdə "sağ əli" direktor Mirzahid Ağayev olan Bürhan Həmidov özünün ətrafında toplayıb başçılıq etdiyi və MMC-yə heç bir aidiyyatı olmayan dəstə üzvləri bu qanunazidd əməllərini elə bu günlərdə də davam etdirirlər. Bürhan Həmidovun illər ərzində MMC-nin əmlakını talamasını, milyonlarla manat məbləğdə pulları hesabatdan gizlətmə yolu ilə mənimsəməsinin Ağasəf İsmayılov tərəfindən araşdırılmasına başlayanda, cavab verməyin vaxtı çatdığını duyan həmtəsisçilər Bürhan Həmidovla Namiq Hacıyev ərizə ilə MMC-də olan paylarının satmaqları ilə bağlı müraciət edirlər.

Ağasəf İsmayılov da həmin payları almağa razı olduğunu bildirir. Lakin MMC-də satmağa avtobus, digər avadanlıq olmadığı üçün Bürhan Həmidov "öz dəstəsini" "sudan quru çıxarmaq üçün" özünü, direktor Mirzahid Ağayevi, direktor müavini Ramil Xəlilovu müdafiə etmək üçün vəkil Bəşir Camalovu işə cəlb edir. (Bu vəkilin istifadə etmiş olduğu "müdafiə üsulu" ilə bir qədər sonra ətraflı açıqlama veriləcək).

Təsisçi Ağasəf İsmayılovun direktordan tələbi nədir?

Dədə-babadan görmüşük ki, işdən çıxan şəxs sadəcə olaraq "ayağında olan mal-mülkü" təhvil verir, "təmizlik kağızı" alıb, halallaşıb gedir. Sual yaranır ki, axı görəsən bu həmtəsisçilər, Bürhan Həmidovla Namiq Hacıyevdən və direktor Mirzahid Ağayevdən ibarət olan üçlüyü nə yaxud kim belə arxayın salıb ki, onlar həmtəsisçi Ağasəf İsmayılovun qanuni tələbinə dirəniş göstərirlər və güman edirlər ki, heç bir halda cavabdehlik daşımayacaqlar. Oxşar işlərə dair çox misallar gətirmək olar. Lakin yaxın keçmişə nəzər salsaq, vaxtı ilə "at oynadan", "babam mənə kor deyib, gəlib-gedəni vur deyib", yaxud da "burda mənəm, Bağdadda kor xəlifə" havasına oynayanların hamısının vaxtı gəldikcə, cabahdehliyi necə daşıdıqlarının hamımız şahidiyik. Bələd olanlar bilirlər ki, qanunun aliliyi və gücü "dəvəni də iynənin deşiyindən keçirir"

Məhkəmə qərarı "heçə", hüquqa bir "qoz" deyənlər

"MAGNA TRANS MMC-nin həmtəsisçisi və səhmdarı Ağasəf İsmayılov qarşılaşdığı qanunsuzluqla bağlı Abşeron rayon Məhkəməsinə "məlumatların verilməsinin və iştirakçıların ümumi yığıncağında iştirakını təmin edilməsi vəzifəsinin həvalə edilməsi" tələbi ilə bağlı müraciət edib.

"MAGNA TRANS" MMC-nin direktoru və qanuni təmsilçisi Ağayev Mirzahid Mirsahib oğlu, MMC-nin digər həmtəsisçiləri Hacıyev Namiq Gülosman oğlu və Həmidov Bürhan Əhməd oğlunun cavabdeh qismində tanındığı Abşeron Rayon Məhkəməsinin 19.04.2021-ci il tarixli qəqətnamədə deyilir: ""MAGNA TRANS MMC-nin indiyədək və bundan sonra təsərrüfat fəaliyyəti və maliyyə vəziyyəti barədə bütün məlumatların müraciəti əsasında iddiaçı İsmayılov Ağasəf İslam oğluna verilməsi, eləcə də iştirakçıların növbəti və növbədənkənar ümumi yığıncaqlarında iştirakının təmin edilməsi vəzifəsi cavabdehlər "MAGNA TRANS MMC-nin direktoru (qanuni təmsilçi) Ağayev Mirzahid Mirsahib oğlunun, "MAGNA TRANS MMC-nin iştirakçısı Həmidov Bürhan Əhməd oğlunun və "MAGNA TRANS MMC-nin iştirakçısı Hacıyev Namiq Gülosman oğlunun üzərinə qoyulsun".

Ədliyyə Nazirliyi İcra Baş İdarəsinin nəzərinə çatdırırq ki, aidiyyəti icra qurumları məhkəmənin bu qətnaməsinin icrası üçün hələ ki, barmaqlarını belə tərpətməmişlər.

Bir sıra hüquq-mühafizə qurumlarının, digər aidiyyəti vəzifə sahiblərinin qaldırılmış məsələ ilə bağlı biganəliyi, yaxud məsuliyyətsizliyi, hətta məmur özbaşınalığı barədə növbəti açıqlamalarda məlumat veriləcək.

Sonda isə Azərbaycan Respublikasının Prezidenti hörmətli İlham Əliyevin sözlərini bir daha xatırlatmağı özümüzə borc bilirik: "Azərbaycanda korrupsiyaya və rüşvətxorluğa yer olmamalıdır. Bütün dövlət məmurları bunu eşitsinlər, bilsinlər və elə işləsinlər ki, həmişə dövlət və xalq qarşısında alnıaçıq, üzüağ olsunlar. Dövlət məmuru xalqın xidmətçisidir. Xalqın birinci xidmətçisi mənəm və bütün dövlət məmurları belə işləməlidirlər. Ona görə, mən bir daha bunu demək istəyirəm ki, rüşvətxorluğa bulaşmış insanlar çox ciddi şəkildə cəzalandırılacaqlar. Kimsə nəticə çıxarmayıbsa, nəticə çıxarsın. Azərbaycan korrupsiyaya və rüşvətxorluğa qarşı mübarizədə də nümunəvi ölkə olmalıdır”.

Mənbə:Sivil

Xəbərin oxunma sayı : 859