“Qafqazinfo” TASS-a istinadən xəbər verir ki, bunu Rusiya Prezidenti Vladimir Putin Şərq İqtisadi Forumunun plenar sessiyasında çıxışı zamanı deyib.

Onun sözlərinə görə, hətta Durovun Bakıda olmasından xəbərsiz olub.

Rusiya lideri qeyd edib ki, sahibkarla illər əvvəl cəmi bir dəfə Moskvada görüşüb və Durov bu görüş zamanı biznesinin inkişafı barədə planlarından bəhs edib.

O, həmçinin əlavə edib ki, digər ölkələrin rəhbərliyindən fərqli olaraq, Rusiyanın Pavel Durova hər hansı iradı olmayıb. 

Xatırladaq ki, P.Durov avqustun 24-də Parisdə hava limanında saxlanmışdı. Avqustun 28-də isə o, məhkəmə nəzarəti altında sərbəst buraxılıb. Paris Prokurorluğu Durovu 6 qanun pozuntusunda, o cümlədən qanunsuz əməliyyatlar aparmaq məqsədilə onlayn platformanın idarə edilməsində ittiham edir.

“O, 5 milyon avro məbləğində girov ödəmək, həftədə iki dəfə polis bölməsinə məlumat vermək öhdəliyi ilə məhkəmə nəzarəti altına alınıb və ona Fransa ərazisini tərk etmək qadağan edilib”, - prokurorluğun açıqlamasında bildirilir.