AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Avropa dövlətləri ilə əməkdaşlıq Azərbaycanın xarici siyasətinin prioritet istiqamətlərindəndir


Tarix 18.03.23, 17:25	Font ölçüsü : - / +

Azərbaycan Respublikasının Prezidenti cənab İlham Əliyevin 13-14 mart tarixlərində Almaniyaya işgüzar səfəri, səfər çərçivəsində müzakirə edilən məsələlər, ölkə Prezidentinin Almaniyanın aparıcı şirkətlərinin rəhbərləri ilə görüşü və sair kimi mühüm məqamlardır.

Keçirilən görüşlərdən sonra Azərbaycan Prezidenti ilə Almaniya Kansleri Olaf Şolts birgə mətbuat konfransında mühüm məqamları diqqətə çatdırdılar. Reallıq budur ki, Almaniya Azərbaycanı özünün etibarlı tərəfdaşı kimi görür və Azərbaycan hökuməti ilə müxtəlif istiqamətlərdə əməkdaşlığın genişləndirilməsində maraqlıdır. Əməkdaşlığın inkişaf etdirilməsi Cənubi Qafqaz regionunda dayanıqlı sülhün və təhlükəsizliyin təmin olunması ilə birbaşa bağlıdır. Bunu şərtləndirən əsas amil isə Azərbaycanın regionda liderliyi, ölkəmizin təşəbbüsü ilə həyata keçirilən, müxtəlif ölkələri, xalqları bir araya gətirib onlar arasında əməkdaşlıq körpüsü rolunu oynayan enerji və nəqliyyat layihələridir.

Bu mühüm məqamı xüsusi qeyd etməliyik ki, 30 illik işğal dövründə də Qarabağ münaqişəsinin mövcudluğu regionda iqtisadi inkişafa böyük maneə kimi qeyd olunurdu. Artıq iki ildən çoxdur ki, Qarabağ münaqişəsi tarixə qovuşub. Azərbaycan regionda dayanıqlı sülhə və təhlükəsizliyə nail olmaq, Ermənistanla münasibətlərində yeni səhifə açmaq üçün qarşı tərəfə beynəlxalq hüququn 5 əsas prinsipini özündə əks etdirən sülh müqaviləsinin imzalanmasını təklif edib.

Cənubi Qafqazda təhlükəsizliyin bərqərar olunması ilə bağlı Almaniya hökumətinin Azərbaycanın ədalətli mövqeyinə münasibəti və ölkəmizin ərazi bütövlüyünü birmənalı olaraq dəstəkləməsi dövlətimiz tərəfindən yüksək dəyərləndirilir. Bu dəstək Kansler Olaf Şolts tərəfindən verilən bəyanatlarda bir daha öz əksini tapdı. Həmçinin Almaniya Kansleri ilə birgə mətbuat konfransında Qarabağ münaqişəsinin tarixi və hərbi-siyasi yolla həlli barədə ətraflı məlumat verən Prezident İlham Əliyev iki ölkə arasında sülhün yaradılması üçün dövlətimizin atdığı addımlardan danışdı və media nümayəndələrini bölgədəki real vəziyyətlə məlumatlandırdı.

Azərbaycanın Avropanın enerji təhlükəsizliyinə verdiyi əvəzsiz töhfələrinə görə Azərbaycan Prezidentinə minnətdarlıq ifadə edildi. Səfər çərçivəsində Prezident İlham Əliyevin 30-a yaxın biznes təmsilçisi ilə görüşü oldu. Bu görüşlərdə ölkəmizin biznes imkanları və xarici investorlar üşün yaradılan şərait, enerji sektorunda qazanılan uğurlar barədə ətraflı məlumat verildi. Xatırlatmaq istərdik ki, 2022-ci ilin iyulun 18-də Azərbaycan Prezidenti İlham Əliyev və Avropa Komissiyasının Prezidenti xanım Ursula Fon der Lyayen tərəfindən enerji sahəsində Strateji Tərəfdaşlığa dair Anlaşma Memorandumu imzalanıb. Sənədə əsasən, Azərbaycan 2027-ci ilə qədər təbii qazın təchizat həcmini ən azı iki dəfə artırmağı planlaşdırır. Bu sənəd, eyni zamanda, Azərbaycan ilə Avropa İttifaqı arasında bərpaolunan enerji sahəsində əməkdaşlığın inkişaf etdirilməsini nəzərdə tutur.

Dövlətimizin başçısı İlham Əliyevin Almaniyaya səfəri Azərbaycan-Almaniya etibarlı tərəfdaşlığının hərtərəfli və yüksələn xətlə inkişafının əyani göstəricisidir. Əminliklə söyləmək olar ki, bu səfər bütün sahələr üzrə əməkdaşlığın daha yüksək səviyyəyə qaldırılmasına əhəmiyyətli təkan verəcək, gələcək inkişaf üçün böyük perspektivlər açacaq.

Leyla Fərəcova,

Sabirabad rayonu, Cavad bələdiyyəsinin üzvü

Xəbərin oxunma sayı : 337