AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Azərbaycan benzini Ermənistana neçəyə satır? - Papoyandan açıqlama


Tarix 18.12.25, 16:50	Font ölçüsü : - / +

Yaxın günlərdə Azərbaycan yanacağını daşıyan 20 vaqon Ermənistana çatacaq.

Yeniavaz.com xəbər verir ki, bunu Ermənistanın iqtisadiyyat naziri Gevorq Papoyan “News.am”a verdiyi müsahibə zamanı deyib.

Nazir Azərbaycan mediasında yayılan, Azərbaycan benzininin ilk partiyasının artıq Ermənistana yola salındığı barədə xəbərləri təsdiqləyib.

Gevorq Papoyan bildirib ki, Ermənistan tərəfinin əsas məqsədi biznes münasibətlərini münaqişə müstəvisindən çıxararaq ticarət sahəsinə yönəltməkdir.

“Müharibə qurban və itkilər gətirir, ticarət isə rifah yaradır”, – deyə nazir vurğulayıb.

Nazir Azərbaycan yanacağının fasiləsiz təchizatı ilə bağlı Bakı ilə razılaşmanın olub-olmaması sualına müsbət cavab verib. Onun sözlərinə görə, razılaşma mövcuddur, lakin proses gələcək bazar şərtlərindən asılı olacaq.

Azərbaycan yanacağının hansı qiymətə alındığı məsələsinə toxunan Papoyan bunun özəl şirkətlər arasında razılaşdırılan kommersiya məsələsi olduğunu bildirib.

“Qiymətə müdaxilə düzgün deyil. Dövlətin vəzifəsi mühit yaratmaqdır. Misirdən və ya Rusiyadan benzin idxal edərkən də eyni yanaşma tətbiq olunur: hüquqi və müqavilə çərçivəsi yaradılır, siyasi mühit formalaşdırılır, qalanını isə biznes həll edir”, – deyə nazir qeyd edib.

Ermənistan bazarında Azərbaycan benzininin qiymətinin necə formalaşacağı ilə bağlı suala cavab olaraq Papoyan bildirib ki, ilk tədarüklər qeyri-standart olacaq. Onun sözlərinə görə, yalnız bazarda daha sabit vəziyyət yarandıqdan sonra qiymətlərlə bağlı dəqiq fikir söyləmək mümkün olacaq. Nazir vurğulayıb ki, özəl sektorda qiymətlər rəqabət əsasında müəyyən edilir və məqsəd bazarda mümkün qədər çox iştirakçı və müxtəlif mənbələrin təmin olunmasıdır ki, bu da rəqabətin artmasına və qiymətlərin azalmasına gətirib çıxara bilər.

İqtisadiyyat naziri Azərbaycan yanacağını alan özəl şirkətin adını açıqlamayıb. O, bu barədə rəsmi sorğu göndərilməsini tövsiyə edib.

Qeyd edək ki, Gürcüstan hökuməti bir neçə gün əvvəl Azərbaycan neft məhsullarının ilk partiyasının tranziti üçün rüsumdan imtina etdiyini elan edib. Lakin Azərbaycan yanacağının Ermənistana sonrakı daşınmaları ilə bağlı Gürcüstan tərəfi ilə yeni razılaşmanın olub-olmaması barədə Gevorq Papoyan açıqlama verməyib.

Xəbərin oxunma sayı : 109