AzFakt

Neft ucuzlaşır, dollar bahalaşır - Dünya yeni böhrana sürüklənir

Putin niyə səfərbərliyə gedir? – “Vaşinqton Post”

“Şəhidlərimizin canı, qanı bahasına bu gün bu torpaqlardayıq” - Ali Baş Komandan

General və rütbəli şəxslər vəzifədən niyə uzaqlaşdırılıb? - FHN-də nə baş verir?

Nazirlikdə “Qarınqulu”ya ayrılan yüz minləri kimlər yeyir? - Yarım milyonluq layihə ilə bağlı qalmaqal

Cinayətkar dəstənin “xaç ataları” bu gün azadlıqdadırlar - MTN generalının məhkəməsində

ARDNF qızıldan yarım milyarda yaxın zərər edib - Ötən il Fondun mənfəəti 71 faiz azalıb

“ABŞ və Fransa Azərbaycanın ərazi bütövlüyünü, yoxsa bərpa işlərinimi həzm edə bilmir?” - Prezidentin köməkçisi

Laçın şəhərində Azərbaycan bayrağı ucaldılıb - General Prezidentə məruzə edib (VİDEO)

Prezident “Qisas“ əməliyyatından danışdı - Ermənistana sərt xəbərdarlıq etdi

Məmurlar mülkləri ilə bağlı məlumatları dövlət reyestrindən necə sildirir? - FOTO

Nazirlər Kabinetinin şöbə müdiri milyonluq obyekt tikdirir - FOTOFAKT

“Biz istədiyimizə nail olacağıq” - Dövlət başçısı

Dövlət Əmlak Xidmətindəkı həbslər - Baş verənlərdən Eldəniz Qafarov xəbərsiz olub?

Azərbaycanın milyonçu qadınları: Onlar kimdir?


Tarix 08.06.21, 13:49	Font ölçüsü : - / +

Azərbaycanda şirkətlərə rəhbərlik edən (qanuni təmsilçilər) şəxslərin kim olduğu ictimaiyyət üçün açıq olsa da, şirkət sahiblərinin (təsisçi, səhmdar) kim olduğu əksər hallarda bilinmir.

Yalnız bank və sığorta şirkətlərinin sahibləri (səhmdarları) haqqında məlumatlar insanlar üçün əlçatandır.

Bu səbəbdən həmin şəxslərin banklar və sığorta şirkətlərində nə qədər səhmlərinin (pulunun) olduğunu bilmək mümkündür.

Qeyd edək ki, açıqlanan məlumatlara görə hazırda Azərbaycanda ən çox pulu olan qadın Zərifə Həmzəyeva hesab olunur. Zərifə Həmzəyeva "Premium Bank” ASC-nin əsas səhmdarıdır. Bank səhmlərinin 84,5%-i Zərifə Həmzəyevaya məxsusdur. Bu isə o deməkdir ki, “Premium Bank” ASC-də Zərifə Həmzəyevaya məxsus 130,6 milyon manat var. Mətbuatın yazdığına görə, nizamnamə kapitalı 26,5 milyon manat olan “Gazelli Group” MMC-nin də təsisçisi Zərifə Həmzəyevadır.

Onu da bildirək ki, “Premium Bank” 1993-cü ildə “AZAL Bank” adı ilə yaradılıb. 2008-ci ildə adı dəyişdirilərək “Silk Vey Bank” olub. 2018-ci ildə bankın adı yenidən dəyişdirilib və “Premium Bank” adlandırılıb. Bankın əsas səhmdarı olan Zərifə Həmzəyeva “Azərbaycan Hava Yolları”(AZAL) Qapalı Səhmdar Cəmiyyətinin prezidenti Cahangir Əsgərovun həyat yoldaşıdır.

Yeri gəmişkən qeyd edək ki, Azərbaycanın milyoner qadınları arasında Zərifə Həmzəyevanın qızları – Cəmilə və Məlahət Əsgərovalar da yer alıb.

“İpək Yolu” sığorta şirkətinin iki əsas səhmdarı (hər biri 38,7% paya sahibdir) arasında yer alan Cəmilə və Məlahət Əsgərovanın hər birinin 5,7 milyon manat sərvətinin olduğu məlumdur.

Azərbaycanda milyonlara sahib olan daha bir qadın Nigar İsmayıl qızı Mehdiyeva hesab olunur. “Bank BTB” ASC-nin əsas səhimdarı olan Nigar Mehdiyevanın bankdakı payı 74,9% –ə bərabərdir. Bu isə o deməkdir ki, Nigar Mehdiyevanın bankda 49,8 milyon manat vəsaiti var. Nigar Mehdiyevanın ixtisasca həkim olduğu bildirilir.

Məlumat üçün bildirək ki, mətbuatda Nigar Mehdiyevanın uzun illər Nazirlər Kabinetində yüksək vəzifələrdə çalışan İsmayıl Sadıqovun qızı, Prezident Administrasiyasının sabiq rəhbəri Ramiz Mehdiyevin isə gəlini olduğu yazılır və bu məlumat bugünə kimi təkzib olunmayıb.

Daha bir milyoner qadın “Rabitəbank” ASC-də 30%-lik paya sahib olan Validə Abbasovadır. Açıqlanan rəsmi məlumatlara görə Validə Abasovanın bankda 30,4 milyon manat pulunun olduğu bildirilir.

Azərbaycanda yaşayan və 1 milyon manatdan çox pulu olan qadınların adı və sahibi olduğu şirkətlərin (bank və sığorta şirkəti) siyahısını təqdim edirik (Yeniavaz.com):