AzFakt.com xəbər verir ki, bunu iqtisadçı deputat Vüqar Bayramov bildirib.

Bəs Belarusdan nə alırıq və və bu ölkəyə nə satırıq?

İqtisadçı qeyd edir ki, 2023-cü ildə iki ölkə arasında 741 adda (kodlu) mal idxal və ixrac olunub: “Belarusdan aldıqlarımıza gəldikdə isə, 89.4 milyon dollarlıq meşə materialları, şam ağacı, 20.4 milyon dollarlıq mühərrik benzinləri, 16.1 milyon dollar dəyərində sərnişin vaqonları, baqaj və poçt vaqonları, 13.1 milyon dollarlıq kənd təsərrüfatı işləri üçün təkərli traktorlar, 11.6 milyon dollar dəyərində kartof, 10.7 milyon dollarlıq ağac plitələr, 10.1 milyon dollarlıq dəmiryol və tramvay sərnişin və yük vaqonları, açıq platformalar, 8.7 milyon dollarlıq ağac fanerləri, 8.5 milyon dollar dəyərində ağ şam ağacından və ya küknardan uzununa doğranmış meşə materialları, 7.1 milyon dollarlıq kənd təsərrüfatı işləri üçün təkərli traktorlar və meşə təsərrüfatı üçün təkərli traktorlar, 6.2 milyon dollarlıq dərman vasitələri, 5.4 milyon dollarlıq kərə yağı, 5.4 milyon dollarlıq ağacdan orta sıxlığı olan, 9 mm-dən çox olan qalınlıqda ağaclifli plitələr (MDF) və s. mallar alırıq”.

Deputat vurğulayır ki, idxaldan fərqli olaraq Belarusa ixrac etdiyimiz malların çeşidi çox deyil. “Belə ki, ötən il Belarusa 5.6 milyon dollarlıq ilkin formalı propilen sopolimerləri, 3.7 milyon dollarlıq 1000 V-dan çox gərginlik üçün elektrik naqilləri, 1.8 milyon dollarlıq reaktiv mühərriklər üçün kerosin yanacağı, 1.6 milyon dollarlıq xüsusi kütləsi 0,94-dən az olan ilkin formalı polietilen, 1.4 milyon dollarlıq ev toyuqlarının hissələrə ayrılmış əti, 1.4 milyon dollarlıq konservləşdirilmiş qoz və fındıqlar, 1.3 milyon dollar dəyərində spirtli içkilər və digər məhsullar göndərmişik”, - o qeyd edib.

V. Bayramovun sözlərinə görə, bütün bunlar ilə yanaşı, ölkələr arasında ticarət dövriyyəsinin artırılması potensialı kifayət qədər yüksəkdir. “Belarus Prezidentinin son səfəri tərəflər arasında iqtisadi və strateji əlaqələrin daha da güclənməsinə töhfə verəcək”, - deputat bildirib.