Əlavə gəlir mənbəyi əldə etmək üçün dövlət sirrini satmaq kimi riskli bir işi seçmisinizsə, aldanmaq - həbsxanaya getməyin ən etibarlı yoludur.

Ötən həftə həbs edilən və Atom Enerjisi Qanunu pozmaqda ittiham olunan amerikalı mühəndis Conatan Tebba və həyat yoldaşı Diana, indi bu sadə həqiqətin doğruluğunu şəxsən yoxlamaq məcburiyyətində qalacaq. Onlar xarici dövlətinin nümayəndəsi olduğuna inandıqları bir şəxsə bir il ərzində nüvə enerjisi ilə işləyən bir döyüş gəmisinin planlarını satdıqdan sonra tutuldu.

Onun casus olduğuna necə inandılar? Cavab sadədir - naməlum bir şəxslə e-poçtla yazışdılar, bu da onlara xarici dövlətin nümayəndəsi olduğunu deyib (FTB ölkənin adını açıqlamır, məhkəmə sənədlərində isə o sadəcə COUNTRY1 kimi qeyd olunur). Və ABŞ Hərbi Dəniz Qüvvələrinin dizayn bürolarından birində çalışan Tebbe cütlüyünə sahib olduqları sirləri məqbul bir qiymətə almaq istəyində olduğunu bildirib.

Qiyməti olduqca tez razılaşdırdılar – 30 min dollar kriptovalyutada, 10 min avans. Sonra cəsarətli cütlük "casus"la görüşə gedib, gizli məlumatları isə ona sendviçin içində gizlənilən fleşkada ötürüb. Görüş "yaxşı keçib". Tebbe ailəsi kriptovalyutada daha 20 min dollar alıb və "casus" daha çox məlumat istəyib. Belə görüşlər üç dəfə baş verib.

İnternetdə özlərini "xarici casuslar" kimi təqdim edən rast gəldiyiniz şəxslərə inanmayın

Bundan sonra, Tebbe həyat yoldaşları, sendviçdə növbəti fleşkanı ötürəndə tutuldu. Və sonra məlum olub ki, "casus" casus deyil, FTB agenti idi.

İndi Conatan və Diana Tebba, ayrı həbsxanalardan ancaq yazışmalarla ünsiyyət saxlaya biləcək. Burada məntiq sadədir - İnternetdə özlərini "xarici casuslar" kimi təqdim edən rast gəldiyiniz şəxslərə inanmayın. Ən azından sənədlərini yoxlayın. Ən yaxşısı isə - başa düşmədiyiniz casus oyunlarına qarışmayın.

Fərid İsayev (virtualaz.org)