AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Eldar Quliyev həm deputatdır, həm rektor...- Bu necə olur?


Tarix 09.02.26, 15:26	Font ölçüsü : - / +

Azərbaycanda deputatlıq fəaliyyəti ilə eyni vaxtda rektor vəzifəsini icra etmək qanunvericiliyin tələblərinə zidd olsa da, buna yeganə nümunə kimi Eldar Quliyevi göstərmək olar.

AzFakt.com “Qafqazinfo”-ya isinadla xəbər verir ki, 75 yaşlı Eldar Quliyev həm deputat, həm də Kooperasiya Universitetinin rektoru kimi fəaliyyət göstərir, bu barədə təhsil ocağının saytında da məlumat yer alıb. E.Quliyevin hazırda rektor olduğunu universitetin Mətbuat xidməti də saytımıza təsdiqləyib.

Məsələ ondan ibarətdir ki, Konstitusiyanın 85-ci maddəsində Milli Məclisin deputatlığına namizədlərə dair tələblər müəyyən edilib və bu tələblər deputat mandatı ilə digər vəzifələrin uzlaşmasına dair məhdudiyyətləri nəzərdə tutur. Çünki rektor vəzifəsi icraedici və inzibati səlahiyyətlərə malik olduğundan deputatlıq fəaliyyəti ilə paralel icrası qanunvericiliyin tələblərinə ziddir.

Eldar Quliyevin həm deputat, həm də rektor kimi fəaliyyət göstərməsi qanunvericiliyin tətbiqinə dair suallar yaradır.

Mövzu ilə bağlı elə Eldar Quliyevin özü ilə əlaqə saxladıq. Deputat qeyd etdi ki, Kooperasiya Universiteti balaca, özəl universitet olduğu üçün onun rektorluğu davam edir: “O vaxt dövlət universitetinin rektorları deputat olmaq istəyəndə seçim etdilər. Bizdə isə özəl universitet olduğu üçün bir söz demədilər”.

Bununla əlaqədar Milli Məclisin İntizam Komissiyasının sədr müavini Asim Mollazadənin də mövqeyini öyrəndik. O, saytımıza açıqlamasında bildirdi ki, bu məsələ indiyə qədər İntizam Komissiyasında müzakirəyə çıxarılmayıb: “Bəli, qanunla deputatın rektor kimi fəaliyyət göstərməyi qadağandır. Amma bildiyimə görə, Eldar müəllim rektorluqdan imtina edib və sadəcə olaraq orada Şura rəhbəridir, rektor deyil.

Universitet ola bilsin ki, sizə səhv məlumat verib. Bizdə olan məlumata görə, Eldar müəllim rektor deyil. Məlumat dəqiqdirsə belə, İntizam Komissiyasında bu məsələnin müzakirəsi barədə bir şey deyə bilmərəm. Məndə bu barədə məlumat yoxdur. Olmayan şeyi necə müzakirə etmək olar?!”

Məlumat üçün bildirək ki, əvvəlki illərdə deputatlığa namizəd olan bir sıra tanınmış şəxslər məhz bu səbəbdən seçim qarşısında qalıblar. Belə ki, vaxtilə Dillər Universitetinin rektoru Səməd Seyidov, Memarlıq və İnşaat Universitetinin rektoru Gülçöhrə Məmmədova, Tibb Universitetinin rektoru Əhliman Əmiraslanov, Bakı Dövlət Universitetinin rektoru Abel Məhərrəmov, Müəllimlər İnstitutunun rektoru Aqiyə Naxçıvanlı, Bədən Tərbiyəsi və İdman Akademiyasının rektoru Ağacan Abiyev, Odlar Yurdu Universitetinin rektoru Əhməd Vəliyev deputatlığa namizəd olarkən qərar verərək ya deputat mandatını seçib, ya da fəaliyyətlərinə rektor olaraq davam ediblər.

Qeyd edək ki, E.Quliyev Milli Məclisin II, III, IV, V, VI və VII çağırış üzvü olub. Hazırda parlamentin Hesablayıcı komissiyasının sədridir. O, eyni zamanda 2020-ci ildə Azərbaycan Ağsaqqallar Şurasının sədri seçilib.

Xəbərin oxunma sayı : 889