AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Gözlənilən arxiv açıldı - Fotolarda Tramp da var


Tarix 13.12.25, 9:15	Font ölçüsü : - / +

ABŞ Nümayəndələr Palatasının Nəzarət Komitəsindəki Demokratlar milyarder Ceffri Epşteynin arxivinə aid 19 yeni fotonu ictimaiyyətə açıqlayıb.

“Qafqazinfo” xəbər verir ki, yeni fotolar arasında ABŞ prezidenti Donald Trampla yanaşı, keçmiş prezident Bill Klinton, ABŞ prezidentinin keçmiş müşaviri Stiv Bennon, milyarder Bill Qeyts və “Virgin Group”un qurucusu Riçard Bransonun da Epşteynlə eyni mühitdə çəkilmiş görüntüləri yer alır. Komitə İngiltərənin keçmiş şahzadəsi Endryu, Harvardın sabiq prezidenti Larri Sammers və vəkil Alan Derşovitzin olduğu fotoların da yayımlandığını bildirib.

Açıqlanan şəkillərdən birində Donald Trampın bir qrup qadınla birlikdə olduğu, həmin qadınların üzlərinin isə məxfiliyə görə gizlədildiyi görünür. Fotoların çəkilmə tarixi və konteksti barədə isə əlavə məlumat verilməyib.

Komitə üzvləri yayımlanan görüntülərin Epşteynin sosial dairəsinin miqyası haqqında daha geniş təsəvvür yaratdığını bildirirlər.

Donald Trampın Epşteynlə keçmişdə sosial əlaqələrinin olduğu məlum olsa da, Tramp işgüzar və şəxsi münasibətlərin cinayət xarakterli iddialarla heç bir əlaqəsi olmadığını dəfələrlə bildirib.

ABŞ Konqresinin qəbul etdiyi “Epşteyn Fayllarının Şəffaflığı Qanunu”na əsasən, Ədliyyə Nazirliyi Epşteynlə bağlı bütün sənədləri 19 dekabr 2025-ci ilə qədər ictimaiyyətə təqdim etməlidir. Demokratlar yayımlanan fotoların yalnız ilkin materiallar olduğunu, qalan sənədlərin də tam şəkildə açıqlanmasını tələb edirlər.

Yeni görüntülərin yayılması Ceffri Epşteynin sosial çevrəsi və əlaqələrinin miqyası ilə bağlı sualları yenidən gündəmə gətirib.

Qeyd edək ki, uzun müddətdir gözlənilən Epşteyn sənədlərinin açıqlanmasına dair qanun layihəsi Konqresin hər iki palatasında qəbul olunub. ABŞ Baş prokuroru Pam Bondi 19 noyabrda sənədlərin 30 gün ərzində açıqlanacağını elan edib, ABŞ Prezidenti Donald Tramp isə layihəni təsdiqləyib.

Ən kiçiyi 14 yaşında olmaqla, 18 yaşından kiçik onlarla qızı cinsi istismar etməkdə və fahişəlik şəbəkəsi idarə etməkdə ittiham olunan Epşteyn 10 avqust 2019-cu ildə Nyu-Yorkun Manhetten Metropolitan Mərkəzi Həbsxanasındakı kamerasında ölü tapılıb.

ABŞ Federal Təhqiqat Bürosu (FTB) ABŞ Ədliyyə Nazirliyi ilə apardığı araşdırmada məşhur şəxslərin “müştəri siyahısı”na dair heç bir dəlil tapmadığını açıqlayıb. Məhkəmədə hökumət rəsmilərinin, məşhurların və iş adamlarının cinayətlərində iştirakının gizlədilməsi məqsədilə öldürüldüyü iddia edilən Epşteynin, əslində, kamerasında intihar etdiyi qənaətinə gəlinib.