AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Gənclər və İdman Nazirliyinin seçki saxtakarlığı: qanunsuzluğu kim edib? - FOTO


Tarix 20.09.21, 23:34	Font ölçüsü : - / +

Gənclər və İdman Nazirliyi yanında İctimai Şuraya seçkilər zamanı saxtakarlıq edilib.

Bakupost.az xəbər verir ki, iyulun 17-də baş tutan seçkidə kommersiya təşkilatını federasiya kimi qələmə verib, ictimai şuraya üzv seçiblər.

Belə ki, 15 nəfər şura üzvündən biri – Nuranə Şıxəliyevanın namizədliyi Azərbaycan Alpaqut Federasiyası tərəfindən irəli sürülüb.

Araşdırma zamanı məlum olub ki, Azərbaycan Alpaqut adlı Federasiya Ədliyyə Nazirliyinin qeydiyyat sistemində yoxdur.

İqtisadiyyat Nazirliyi yanında Dövlət Vergi Xidmətində isə “Alpaqut Turan Döyüş Sistemləri Mərkəzi” Məhdud Məsuliyyətli Cəmiyyəti adlı kommersiya təşkilatı var.

Bu halda “Alpaqut Federasiyası” MMC olmasına baxmayaraq, İctimai Şuraya necə üzv seçildiyi sual doğurur...

Gənclər və İdman Nazirliyi yanında İctimai Şuranın sədri Azər Əliyev Bakupost.az -ın rəsmi sorğusuna bu sözlərlə cavab verib:

“Ünvanladığınız sual üçün təşəkkürümüzü bildiririk. Lakin təəssüf ki, sualınızla bağlı bizdə heç bir məlumat yoxdur”.

Alpaqut Federasiyasının İdarə Heyətinin sədri Vasif Namazov Bakupost.az -a təsdiqləyib ki, bu qurum rəsmi qeydiyyata alınmayıb:

“Bizim Federasiya neçə illərdir fəaliyyət göstərir. Hətta 2019-cu ildə Alpaqut üzrə İkinci Dünya Çempionatını da keçirmişik. Bunu mərhum nazir Azad Rəhimov da öz çıxışında qeyd edib. Biz nazirliklə sıx işləyirik, orada akkreditasiyadan keçmişik. Federasiya kimi qeydiyyatdan keçmək üçün sənədlərimizi Ədliyyə Nazirliyinə göndərmişik, amma təəssüf ki, hələ qeydiyyata alınmamışıq”.

Qeydiyyata alınmayan təşkilatın İctimai Şuraya necə seçilməsi sualına isə V.Namazov belə cavab verib:

“Biz həm də Dünya Alpaqut Federasiyasının Azərbaycandakı nümayəndəliyiyik. İctimai Şuraya da sənədələrimizi bu təşkilatın blankında təqdim etmişik”.

Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsinin koordinatoru, Konstitusiya Araşdırmaları Fondunun rəhbəri Əliməmməd Nuriyev saytımıza açıqlamasında qeyd edib ki, MMC-lər ictimai şuraya namizədlik verə bilməzlər:

“Qeyri-hökumət təşkilatları (ictimai birliklər və fondlar) haqqında qanunda 4 qrup göstərilib:

1. Qeyri-hökumət təşkilatları (ictimai birliklər və fondlar),

2. Kütləvi informasiya vasitələri,

3. Həmkarlar ittifaqları,

4. Vətəndaşların təşəbbüs qrupları və bələdiyyələrin məhəllə komitələri.

Orada hansısa kommersiya qurumundan söhbət gedə bilməz. Kommersiya təşkilatlarına MMC-lər, səhmdar cəmiyyətləri daxildir. Onların heç biri ictimai şuraya namizədlik verə bilməzlər. Əgər belə təşkilatlar tərəfindən namizədlik verilirsə, qeydə alınmamalıdır. Hər hansı bir şəxs qeyri-hökumət təşkilatının üzvü oldu və ya olmadı, onu verə bilər. Amma MMC-lər ictimai şuraya namizədlik verə, üzv seçilə bilməzlər. Kommersiya təşkilatları, dövlət və bələdiyyə orqanları, eyni zamanda, dövlət qurumunda çalışan nümayəndə, yəni dövlət qulluqçusu da ictimai şuraya üzv ola bilməz”.

Qeyd edək ki, Alpaqut Federasiyası 2014-cü ildə yaranıb. Federasiyasının prezidenti Qüdrət Nuriyev, birinci vitse-prezidenti Nuranə Şıxəliyevadır.