AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Rusiyanın Ukraynadakı məğlubiyyətindən kim istifadə edir? – Azərbaycan, yoxsa Ermənistan?


Tarix 15.09.22, 10:08	Font ölçüsü : - / +

Sentyabrın 13-də ABŞ Dövlət katibi Entoni Blinkenin adından yayılan bəyanatda bildirilir ki, Rusiya Ukraynada üzləşdiyi məğlubiyyətdən diqqəti yayındırmaq üçün Azərbaycanla Ermənistan arasında münaqişəni "qarşıdıra" bilər.

Politoloq Fərhad Məmmədov bildirir ki, hazırda Ukraynada resursları məhdudlaşan Rusiya haqqında belə rəylər var. Onun sözlərinə görə, Ermənistanda və onu xaricdə müdafiə edən bəzi ekspertlər daha çox öz şərhlərində Azərbaycanın zərbələrini Xarkovdakı məğlubiyyətlə əlaqələndirirlər: "Gəlin, baxaq, öyrənək, əslində hansı ölkə Rusiyanın Ukraynadakı acizliyindən istifadə edir: Azərbaycan, yoxsa Ermənistan?! Azərbaycan 44 günlük müharibənin sonunda Rusiyanın vasitəçiliyini qəbul etdi, Üçtərəfli Bəyanat imzaladı, Rusiya sülhməramlılarının Qarabağda 5 il müddətinə yerləşdirilməsinə icazə verdi... Daha sonra Rusiyanın rəsmən tərəfə çevrildiyini göstərən və mövqeyini möhkəmləndirən 11 yanvar 2021-ci il bəyanatını imzaladı. Amma bu sənədin müddəalarını vaxtında yerinə yetirməyən Ermənistan oldu".

Ekspert əlavə edir ki, Azərbaycan Avropa İttifaqını (Aİ) vasitəçiliyə dəvət etməyib. Onun sözlərinə görə, yalnız Aİ Azərbaycan və Ermənistana ayırdığı maliyyə yardımlarını bərabərləşdirəndən sonra avropalıların vasitəçiliyinə razılıq verib: "Bununla yanaşı, Rusiyanın tərəf olduğu bütün mövzulara yenidən baxılması məsələsi yoxdur. Amma nəqliyyat dəhlizlərinin açılmasını əngəllədi, dəhliz məntiqindən imtina etdi və Rusiyanın rolunu aşağı saldı. Xatırladaq ki, Brüsseldəki ilk görüşdən sonra kommunikasiyaların açılmasına ümidlər yaranmışdı, lakin Rusiyanın Ukraynaya qarşı hücumundan sonra Ermənistan növbəti dəfə gözləmə mövqeyini tutub".

F.Məmmədov xatırladır ki, Azərbaycan 2021-ci ilin may və noyabr aylarında dövlət sərhədlərini dəqiqləşdirməyə başlamışdı, o zaman Ukrayna işğal edilməmişdi və Rusiya hələ dünyanın ikinci ordusu statusunda idi: "Azərbaycan danışıqlar platformasında mövqeyini sinxronlaşdırdı, xüsusilə "Qarabağ", "status" və "Minsk Qrupu" mövzularını heç bir platformada müzakirə etmədi. Ermənistan uğursuz şəkildə bu məsələləri canlandırmağa çalışıb, nəticədə Moskva xəttindən uzaqlaşdı.

Nəhayət, Azərbaycan Azərbaycan avqustun sonundan sentyabrın əvvəlinə qədər sərhəddə baş verən erməni təxribatları barədə ardıcıl məlumatlar yaydı, o zaman yəqin Xarkov əməliyyatı yalnız Zelenski və Zalujnıya məlum idi. Yəni Rusiyanın Xarkovdan geri çəkilməsi bundan xeyli sonralar baş verdi".

F.Məmmədov xatırladır ki, Brüssel görüşündən sonra Rusiya fəallaşdı, Putin Əliyevə zəng etdi, daha sonra Paşinyan Vladivostoka dəvət olundu və Səmərqənddə ŞƏT sammiti zamanı görüş təşkil etmək niyyətini açıqladı: "Bu, Rusiyanın təşəbbüsüdür, onun motivləri isə başqa söhbətin mövzusudur. Lakin görünür, Paşinyan Səmərqəndə getməmək qərarına gəldi və Azərbaycanla sərhəddə təxribat həyata keçirdi. Beləliklə, sülh gündəmi prosesini pozmağa çalışdı, paralel olaraq ölkə daxilində Rusiya və KTMT-ni "ifşa etdi". Rusiyanın “diqqətinin Ukraynaya yönəldiyini” anlayan Ermənistan rəhbərliyi Moskvanın kommunikasiyaların açılması təşəbbüsünü puça çıxarmaq üçün təxribata əl atdı. Ermənistan öz hərəkətləri ilə üçtərəfli formatdan çıxmağa, gündəmi dəyişməyə və yeni vasitəçilər - məsələn, ABŞ və BMT-ni gətirməyə çalışır. Bütün bunlar isə Rusiyanın və onun maraqlarına qarşıdır".

Ekspert vurğulayır ki, Azərbaycanın Rusiyanın vasitəçiliyi ilə heç bir problemi yoxdur. Amma Ermənistan Rusiyanın səylərini ləngitməklə öz gündəmini həyata keçirməyə çalışır: "Rusiya sülhməramlılarının fəaliyyətindən narazılıq Rusiyanın Ukraynaya müdaxiləsindən əvvəl də ifadə olunub. Bununla yanaşı, Azərbaycan Rusiya və İranla birlikdə “Şimal-Cənub” layihəsini həyata keçirir və eyni zamanda Avropaya qaz nəqlinin artırılmasına çlışır. Bu isə Rusiyada normal qarşılanır, çünki Avropa Rusiya qazından Azərbaycan qazının bazara çıxmasına görə yox, Ukraynadakı müharibəyə görə imtina edib. Beləliklə, Rusiyanın Ukraynada başının qarışmasından hansı ölkənin istifadə etməsi ilə bağlı arqumentləri dəyərləndirməyi oxucuların ixtiyarına buraxıram. Bir şeyi deyim ki, Ermənistanın indiki məsuliyyətsiz hərəkətləri ermənilərin özlərini çətin vəziyyətə salacaq. Ermənistanın bələkə də şansı var idi, amma ondan istifadə etmədi..."

Xəbərin oxunma sayı : 937