AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

“MTK kralı“ çətin durumda - Asiman Hüseynov qardaşını xilas edə biləcəkmi?


Tarix 19.12.24, 9:42	Font ölçüsü : - / +

Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin rəis müavini Asiman Hüseynovun kurasiya etdiyi tikinti biznesində problemlər yaranıb.

Dövlət Şəhərsalma və Arxitektura Komitəsinin Asiman Hüseynovun qardaşı Ramal Hüseynovun inşa etdirdiyi yaşayış binalarını təftiş edir.

Bu barədə AzFakt.com-un mötəbər mənbədən əldə etdiyi məlumatda deyilir.

Məlumata görə Tikintidə Təhlükəsizliyə Nəzarət Dövlət Agentliyinin rəis müavini Asiman Hüseynov qurumun "qara kassası" olmaqla yanaşı, eyni zamanda yaxın ətrafına tikinti sektorunda "yaşıl işıq" yandırıb.

Asiman Hüseynovun səlahiyyətlərindən yararlanaraq dəstək verdiyi, tikinti biznesinə cəlb etdiyi şəxslərdən biri də qardaşı Ramal Hüseynov olub.

Ramal Hüseynovun əsasən Bakının Nizami rayonunda bina tikintisi ilə məşğul olduğu bildirilir.

Belə ki, şəhərin ən prestijli yerlərindən olan Qara Qarayev metrosu ətrafında Hüseynovlar qardaşlarına məxsus çoxsaylı yaşayış binalarının olduğu, lakin bu binaların bəzilərinin tikinti zamanı sahəni artırmaq məqsədi ilə normativ qaydalardan kənara çıxdığı vurğulanır.

Ramal hüseynovun inşa etdirdiyi yaşayış binalarında faktiki sahənin sənədlərdə əksini tapmadığı, əldə edilən gəlirlərin vergisinin dövlətdən gizlədildiyi iddia edilir.

Ramal Hüseynovun bu illər ərzində Nizami rayonunda tikib satdığı binalardan on milyonlarla manat qazandığı vurğulanır.

Bakı şəhərinin Baş Planının təsdiq edilməsindən sonra paytaxtda aparılan yeni yaşayış binalarının yoxlanışı zamanı Ramal Hüseynovun tikdirdiyi binalarda qanun pozuntusunun aşkarlanıb.

Qeyd edək ki, Asiman Hüseynov Tikintidə Təhlükəsizliyə Nəzarət Dövlət Agentliyinin "qara kassası" hesab edilir. Onun adı bir neçə il öncə Bakıda fəaliyyət göstərən çörək zavodunun sahibindən 100 min manat rüşvət tələb etməkdə hallanmışdı.

Məlumatda qeyd edilir ki, Asiman və Ramal Hüseynov qardaşları tikinti bizneslərində aparılan yoxlamalara görə Dövlət Şəhərsalma və Arxitektura Komitəsinin rəhbərliyinə müxtəlif kanallar vasitəsilə çıxmağa çalışsalar da, hələ ki, buna nail ola bilməyiblər.

Onu da qeyd edək ki, Hüseynovlar qardaşlarının İsmayıllı, Xaçmaz və Quba rayonlarında xeyli sayda mülklərinin olduğu da məlumatlar sırasında yer alır.

Məsələ ilə bağlı Tikintidə Təhlükəsizliyə Nəzarət Dövlət Agentliyindən mövqe öyrənə bilmədik.

Xəbərin oxunma sayı : 2131