AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Ciddədə danışıqların yeni raundu olacaq - Atəşkəsin detalları razılaşdırılacaq


Tarix 19.03.25, 15:36	Font ölçüsü : - / +

Martın 23-də Səudiyyə Ərəbistanının Ciddə şəhərində Ukraynada atəşkəslə bağlı danışıqların növbəti raundu keçiriləcək.

“AzPolitika” xəbər verir ki, bunu ABŞ Prezidenti Donald Trampın xüsusi nümayəndəsi Stiv Vitkoff bir gün əvvəl ABŞ və Rusiya prezidentləri arasında baş tutan telefon danışıqlarından sonra “Fox News” telekanalına müsahibəsində deyib.

“ABŞ dövlət katibi Marko Rubio və Prezident Trampın milli təhlükəsizlik üzrə müşaviri Mayk Valz yenidən Səudiyyə Ərəbistanına səfər edəcək”, - Vitkoff bildirib. Onlar da Vitkoff kimi əvvəllər həmin ölkədə aparılan danışıqlarda iştirak ediblər - fevralda Amerika nümayəndə heyəti Rusiya nümayəndələri ilə, martda isə Ukrayna nümayəndələri ilə danışıqlar aparıb.

Vitkoffun sözlərindən belə çıxır ki, martın 23-də Rusiya ilə danışıqlar aparılmalıdır. Ukraynanın bu müzakirələrdə iştirak edib-etməyəcəyi məlum deyil. Hələlik nə Rusiya, nə də Ukrayna ABŞ nümayəndə heyəti ilə Ciddədə həmin gün keçiriləcək görüşdə iştirak edəcəklərini bildirməyib.

Vitkoff deyib ki, qarşıdan gələn danışıqlarda mümkün atəşkəsin detallarına diqqət yetirilməlidir. Bundan əvvəl Ukrayna ABŞ-nin 30 günlük atəşkəslə bağlı təklifinə razılıq verib. Prezident Vladimir Putinlə Donald Tramp arasında telefon danışığından sonra Kreml bəyan edib ki, Rusiya enerji infrastrukturunun atəşə tutulmasına 30 günlük moratorium tətbiq etməyə, həmçinin Qara dənizdə atəşkəs imkanlarını müzakirə etməyə hazırdır. Ukrayna Prezidenti Volodimir Zelenski qeyd edib ki, Ukrayna buna hazırdır, lakin Rusiya öhdəliklərini pozarsa, cavab zərbəsi endirəcək.

Çərşənbə günü gecə Rusiya pilotsuz təyyarələrdən istifadə edərək Ukrayna ərazisinə növbəti kütləvi zərbələr endirib. Ukrayna Prezidenti V.Zelenski deyib ki, Kremlin bu cür hərəkətləri Rusiyanın müharibəni bitirmək istəmədiyini nümayiş etdirir. Ukrayna pilotsuz uçan aparatları da öz növbəsində Krasnodar vilayətindəki neft anbarına hücum edib və orada yanğın başlayıb. Son aylarda neft bazaları, neft emalı zavodları və digər yanacaq-energetika obyektləri getdikcə daha çox Ukraynadan hücumlara məruz qalır.

Bir sıra ekspertlər qeyd edirlər ki, Rusiyanın enerji obyektlərinə zərbələrə moratoriumla razılaşması bu zərbələrlə bağlı artan narahatlığı əks etdirə bilər. Kremlin Putinin Trampla telefon danışığına dair bəyanatında deyilir ki, Putin “xarici hərbi yardımın tamamilə dayandırılmasını və Kiyevə kəşfiyyat məlumatlarının verilməməsini” sülhün şərti adlandırıb. Bundan əvvəl Rusiya Prezidenti bəyan etmişdi ki, Moskvanın nöqteyi-nəzərindən hərbi yardım atəşkəs zamanı verilməməlidir. Tramp da öz növbəsində iddia edir ki, Putinlə hərbi yardımla bağlı söhbət olmayıb. Amerika lideri “Fox News” telekanalının jurnalistlərinə deyib: "Biz ümumiyyətlə yardımdan danışmadıq. Çox şeylər haqqında danışdıq, lakin yardım heç vaxt müzakirə olunmadı".

Xəbərin oxunma sayı : 466