AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Novruz - milli dəyərlərimizi rəmzləndirən bayram


Tarix 19.03.25, 6:25	Font ölçüsü : - / +

Qədim Novruz bayramı xalqımız üçün ulu babalarımızın yüksək həyat eşqini, zəngin mənəviyyatını, geniş dünyagörüşünü və gələcəklə bağlı nikbin düşüncələrini dolğun təcəssüm etdirən çox dəyərli bayramdır. Bu bayramda həyatın təbiətlə vəhdətinin və insanlığa xas ali dəyərlərin - xeyirxahlığın, mərhəmətin, şəfqətin təntənəsi vardır. Xalqımızın milli özünüdərkində mühüm rol oynamış bu əziz bayram yurdumuzda, yüz illər əvvəl olduğu kimi, indi də xoş ovqatda rəngarəng mərasimlər və çoxsaylı el şənlikləri ilə qarşılanır.

Xalq varlığını adət-ənənələrini saxlamaqla qoruyur. Min illərdi xalqımız yaratdığı, yaşatdığı adət-ənənələrini, bayramlarının müqəddəsliyini yaşadır. Ona görə də dünya dövlətləri Azərbaycanlıların milli mentalitetinə də bələddir, adət-ənənələrinə sədaqətinə də...

Sovetlər dönəmində Novruz bayramının geniş qeyd olunması rəsmən qadağan edilmisdi. Respublika rəhbərliyi bu qadağalara qarşı çıxa bilmirdi. Ona görə də bu müqəddəs bayram rayonlarda, kəndlərdə, müəyyən mənada, gizlin, nəzəri cəlb etmədən keçirilirdi. Kənd yerlərində nisbətən coşqu hiss olunurdu. Böyük tarixi şəxsiyyət Heydər Əliyev Azərbaycan KP MK-nın birinci katibi olanda Bakıda ilk dəfə Novruz bayramı böyük təntənə ilə qeyd olundu.

Müstəqillik illərində də Ulu Öndər Heydər Ədiyev bu bayramın yüksək dəyəri barədə demişdi: "Bu bayram bir də onunla fərqlənir və səciyyələnir ki, bu bayramda siyasi baxışlarından, siyasi dünyagörüşündən asılı olmayaraq hamı bayram edir. Əgər bu günümüzü götürsək, iqtidar da, müxalifət də bayram edir, bir-birini sevən də bayram edir, bir-birinə düşmən olan da. Amma bayramın bizə bəxş etdiyi ən gözəl nemət ondan ibarətdir ki, qədim zamanlardan bu bayramda insanlar kin-küdurəti unudur, küsülülər barışır, ziddiyyətlər aradan götürülür. Demək, bu, dostluq, həmrəylik, yüksək mənəviyyat bayramıdır. Ona görə də Novruz bayramını hər il böyük el bayramı kimi, hər bir insanın şəxsi bayramı kimi qeyd edərək biz istəyirik, arzu edirik və bu, Azərbaycan vətəndaşlarının əksəriyyətinin arzusudur ki, ölkəmizdə milli həmrəylik, vətəndaş həmrəyliyi, birliyi olsun. Bu ali məqsədləri, ali fikirləri ulu babalarımız bizə nəsihət ediblər. Bu bayram yaranandan onun xüsusiyyətləri insanları həmişə dostluğa, həmrəyliyə, qarşılıqlı anlaşmaya dəvət edibdir".

Azərbaycanın Birinci vitse-prezidenti Mehriban xanım Əliyevanın böyük səyi nəticəsində Novruz bayramı UNESCO tərəfindən Qeyri-Maddi Mədəni İrs üzrə Reprezentativ siyahısına daxil edilib. 28 sentyabr - 2 oktyabr 2009-cu ildə Birləşmiş Ərəb Əmirliklərinin Abu-Dabi şəhərində keçirilmiş UNESCO-nun Qeyri-Maddi Mədəni İrs üzrə Hökümətlərarası Komitəsinin 4-cü Sessiyası çərçivəsində qəbul edilmiş qərara əsasən, Novruz çoxmillətli (Azərbaycan, Türkiyə, Özbəkistan, Qırğızıstan, Pakistan, Hindistan, İran) nominasiya kimi UNESCO-nun Qeyri-Maddi Mədəni İrsin Reprezentativ siyahısına salınıb.

İslamdan əvvəlki tarixi dövrdə yaranan Novruz bayramı Azərbaycanla yanaşı bütün Şərqdə qeyd olunur. Novruz təkcə onu keçirən türk xalqlarının deyil, ümumilikdə bəşəriyyətin mənəvi dəyəri hesab edilir. 23 fevral 2010-cu ildə BMT Baş Assambleyasının 64-cü sessiyasının iclasında martın 21-i "Beynəlxalq Novruz Günü" elan olunub. 28 noyabr - 2 dekabr 2016-cı il tarixlərində Efiopiyanın Əddis-Əbəbə şəhərində keçirilmiş UNESCO-nun Qeyri-Maddi Mədəni İrs üzrə Hökumətlərarası Komitəsinin 11-ci sessiyasında İraq, Qazaxıstan, Tacikistan, Türkmənistan və Əfqanıstan da Novruz bayramı nominasiyasına qoşulub.

Novruz bayramı həm də sabahlara qayğının bayramıdır, sabahların gözəlliyinə həm mənəvi, həm də işgüzar borcödəmə bayramıdır: 2007-ci il Novruz bayramı ərəfəsində Mehriban xanımın təşəbbüsü ilə başlanan "Hərəyə bir ağac əkək" kampaniyası Novruzun həm də kütləvilik bayramı olduğunu bir daha təsdiqlədi.

İkinci Qarabağ müharibəsi başa çatdı və Azərbaycan Ordusu tarixi Zəfər qazanaraq Azərbaycanın ərazi bütövlüyü tam bərpa olundu. Bunula da ilaxır çərşənbələri və Novruz bayramı Azərbaycanın işğaldan azad olunan bütün torpaqlarında qeyd olunur. İşğaldan azad olunmuş ərazilərə qayıdanlarımız da ilaxır çərşənbənin, Novruz bayramının tonqallarını alışdıracaq. On illər sonra bu ərazilərdə də bayram əhval-ruhiyyəsi tonqalların şöləsi ilə nurlanacaq. Azərbaycan Respublikasının Prezidenti cənab İlham Əliyev 2021-ci il martın 20-də Şuşada, Cıdır düzündə dedi: "Bilirəm, hər birimiz, xüsusilə keçmiş məcburi köçkünlər hər dəfə bayram ərəfəsində və bayram günlərində deyirdik ki, İnşallah, gələn il azad edilmiş torpaqlarda, Qarabağda Novruz bayramını qeyd edəcəyik və artıq bu, reallıqdır... Bu gözəl bahar bayramını biz işğaldan azad edilmiş torpaqlarda qeyd edirik... Şadam və xoşbəxtəm ki, artıq bu, bir ənənəyə çevrilib və Novruz bayramını biz burada, doğma Qarabağ diyarında qeyd edirik".

Novruz bayramı xalqımızın ruhunun bayramıdır. Ali Baş Komandanımız 2024-cü ildə Novruz tonqalını terrorçu- separaçılardan təmizlənmiş Xankəndidə şəxsən yandırmaqla Azərbaycan dövlətinin suverenliyinin və müstəqilliyinin daimi olacağı mesajını verdi.

Bir sözlə, Novruz bayramı təkcə Azərbaycanda deyil, dünyanın müxtəlif dövlətlərində, əsasən türkdilli dövlətlərdə də mənəvi bir dəyər kimi qiymətləndirilir və qeyd olunur. Bu, insanları bəşəri dəyərlərə çağırış bayramıdır.

Ağalar Ağammədov

Xəbərin oxunma sayı : 535