AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

“Azərbaycan-İran strateji münasibətləri bölgədə sabitliyi və iqtisadi inkişafı şərtləndirən mühüm faktorlardan biridir” - Adəm İsmayıl Bakuvi


Tarix 01.05.25, 12:17	Font ölçüsü : - / +

“Azərbaycanın xarici siyasətində dost qonşu ölkələrlə münasibətlərin ən yüksək səviyyədə inkişaf etdirilməsi, əməkdaşlıq əlaqələrinin daim genişləndirilməsi hər zaman xüsusi diqqət mərkəzində olub. Əlbəttə ki, cənub qonşumuz olan İranla münasibətlər də Azərbaycan üçün xüsusi əhəmiyyət kəsb edir. Məlumdur ki, İran İslam Respublikası Azərbaycan Respublikasının müstəqilliyini 1991-ci ilin dekabr ayında tanımışdır. İki ölkə arasında diplomatik əlaqələr isə 1992-ci ilin martında qurulmuşdur. Azərbaycan İranla hər iki tərəfdən güclü siyasi iradənin mövcudluğu təməl olmaqla, mehriban qonşuluq, bərabərhüquqluluq, qarşılıqlı hörmət və faydaya əsaslanan əlaqələrin inkişafına önəm verir. Bu baxımdan İran İslam Respublikasının Prezidenti Məsud Pezeşkianın cari ilin 28 aprel tarixində Azərbaycana səfəri əlbəttə ki, ölkələrimiz arasında dostluq münasibətlərinin daha da möhkəmlənməsinə və iqtisadi sahədə əməkdaşlığın genişlənməsinə böyük töhfə olacaq. Cənab Prezident İlham Əliyev İran Prezidentinin ölkəmizə səfərinin nəticələri ilə bağlı mətbuata verdiyi bəyanatda da bildirdi ki, xalqlarımız əsrlər boyu mehribanlıq, qardaşlıq şəraitində yaşayıblar və bu gün dövlətlərarası münasibətləri də bu möhkəm təməl üzərində inkişaf edir. Həmçinin qeyd olundu ki, İran Prezidentinin Azərbaycana rəsmi səfəri mövcud əlaqələrin yüksək səviyyədə olmasının təzahürüdür.”

Bu fikirləri açıqlamasında politoloq Adəm İsmayıl Bakuvi ifadə edib.

Politoloq Azərbaycan və İranın beynəlxalq təsisatlar çərçivəsində bir-birilərini hər zaman dəstəklədiklərini vurğulayan müsahibimiz bu yanaşmanın ikitərəfli əlaqələrin inkişafı üçün mühüm amil olduğunu qeyd edib: “Azərbaycan və İran iki qonşu ölkə olaraq beynəlxalq təşkilatlar çərçivəsində bir-birilərinin mövqeylərini dəstəkləyiblər. Cənab Prezident İlham Əliyevin dediyi kimi, istər BMT olsun, istər İslam Əməkdaşlıq Təşkilatı, ECO, Qoşulmama Hərəkatı və digər təşkilatlar çərçivəsində daim ölkələrimizin nümayəndələri bir-birinin yanındadır. Hazırda ölkələrimiz arasında geniş fəaliyyət gündəliyi mövcuddur. Azərbaycan və İran Prezidentlərinin görüşü əsnasında isə ölkələrimiz arasında münasibətlərin strateji xarakteri bir daha təsdiqləndi. Əsas məsələ budur ki, hər iki tərəf Azərbaycan-İran əlaqələrinin inkişafına çalışmalıdır və çalışır. Əlbəttə ki, müzakirə olunan məsələlər arasında üçtərəfli əməkdaşlıq layihələri də öəmli yer tutmuşdur və onların da arasında Şimal-Cənub nəqliyyat dəhlizi xüsusi vurğulanmalıdır. Bu layihə bütün iştirakçı ölkələrə çox böyük səmərə gətirəcək. Eyni zamanda da Azərbaycan və İran Prezidentləri humanitar sahədə, mədəniyyət sahəsində ənənəvi dostluq əlaqələrinin davam etdirilməsi üçün konkret göstərişlər verdiklərini diqqətə çatdırıblar. Bu isə öz növbəsində xalqlarımız arasında səmimi dostluq əlaqələrinin daha da möhkəmlənməsinə böyük töhfə olacaq” – deyə, Adəm İsmayıl Bakuvi fikirlərini tamamlayıb.

Xəbərin oxunma sayı : 892