AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Azərbaycanın prioriteti regional inkişafın və sülhün təmin edilməsidir - Ceyhun Bayramov


Tarix 06.12.25, 9:50	Font ölçüsü : - / +

Azərbaycanın xarici işlər naziri Ceyhun Bayramov Vyana şəhərində keçirilən Azərbaycan Tədqiqatları üzrə IV Avropa Konfransının yüksəksəviyyəli dialoqunda çıxış edib.

AzFakt.com xəbər verir ki, 2022-ci ildən etibarən hər il keçirilən konfrans bu il Avropanın 12 ölkəsindən aparıcı araşdırma və beyin mərkəzləri, universitetlərini təmsil edən tədqiqatçı, ekspert və ictimai rəy liderlərinin iştirakı ilə baş tutub.

Tədbirin yüksəksəviyyəli dialoqunun əsas natiqi qismində çıxış edən xarici işlər naziri konfransın müsbət ənənəyə çevrildiyini, tədbirin ölkəmizə, onun xarici siyasətinə və Cənubi Qafqazdakı roluna artan marağın göstəricisi olduğunu qeyd edib.

Nazir ötən dövr ərzində Azərbaycan Respublikasının Prezidenti İlham Əliyevin irəli sürdüyü mühüm diplomatik təşəbbüslər barədə məlumat verib, səylərin regional və beynəlxalq əhəmiyyətini diqqətə çatdırıb.

Azərbaycan və Ermənistan arasında münasibətlərin normallaşması, 8 avqust tarixində baş tutmuş Vaşinqton Sammiti və onun nəticələri, ölkəmizin COP29, İqtisadi Əməkdaşlıq Təşkilatı, Asiyada Qarşılıqlı Fəaliyyət və Etimad Tədbirləri üzrə Müşavirə (AQEM) kimi çoxtərəfli platformalara uğurlu sədrliyi haqqında məlumat verən nazir bu təşəbbüslərin Azərbaycanın regional liderlik statusunun göstəricisi olduğunu qeyd edib.

44 günlük Vətən müharibəsindən sonra məhz Azərbaycanın qalib tərəf kimi sülh təşəbbüsü ilə çıxış etməsinə diqqət çəkən C.Bayramov 30 ildən çox nəticəsiz fəaliyyət göstərən Minsk qrupu və əlaqədar strukturların ləğvinin ölkə başçısının uzaqgörən strategiyasının nəticəsi olduğunu qeyd edib və bunun regionda dayanıqlı sülh üçün əhəmiyyətli addım olduğunu vurğulayıb.

Nazir Ceyhun Bayramov ölkəmizin ABŞ, Çin, Rusiya, Avropa İttifaqı və qonşu ölkələrlə münasibətləri barədə tədbir iştirakçılarına ətraflı məlumat verib.

Avropa İttifaqı ilə əməkdaşlığa toxunan nazir Azərbaycanın enerji, o cümlədən bərpaolunan enerji sahəsində Avropanın strateji və etibarlı tərəfdaşı olduğuna diqqət yönəldib. Eyni zamanda, ölkəmizin Mərkəzi Asiya dövlətləri ilə əməkdaşlığının artan dinamikasını, bunun Orta Dəhlizin inkişafı üçün əhəmiyyətini vurğulayan nazir bu baxımından da Azərbaycanın Avropa üçün xüsusi əhəmiyyət kəsb edən tərəfdaş olduğunu qeyd edib.

Azərbaycanın beynəlxalq tərəfdaşları ilə müstəqil, bərabərhüquqlu və suveren maraqlardan irəli gələn əməkdaşlıq həyata keçirdiyini bildirən C.Bayramov ölkəmizin Avropa ilə əlaqələrinin də məhz bu müstəvidə inkişaf etdiyini diqqətə çatdırıb.

Xatırladaq ki, indiyə qədər Azərbaycan Tədqiqatları üzrə Avropa konfranslarında iştirak etmiş 100-ə yaxın tədqiqatçını sıralarında birləşdirən ekspert şəbəkəsi Avropa akademik məkanında Azərbaycan üzrə araşdırmalar sahəsində mütəmadi fəaliyyət aparmaqdadır. Konfransın builki müzakirələri Cənubi Qafqazda sülh gündəliyi, postmünaqişə dövründə Azərbaycanın artan geosiyasi rolu, Orta Dəhlizin qlobal iqtisadiyyatda rolu və Azərbaycanın Avropa İttifaqı ilə münasibətlərinin gələcək perspektivləri mövzuları ətrafında aparılıb.