AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Şahzadə Endryu ilə bağlı fayllar da açıqlandı - “Epşteyn zəlzələsi” davam edir


Tarix 02.02.26, 10:27	Font ölçüsü : - / +

ABŞ Ədliyyə Nazirliyi tərəfindən açıqlanan və həcmi 3 milyondan çox sənədi əhatə edən Ceffri Epşteyn fayllarında Britaniya kral ailəsinin üzvlərinə dair yeni iddialar yer alıb.

Yeniavaz.com “The Guardian”a istinadən xəbər verir ki, sənədlərdə “The Duke” (“Hersoq”), “The Invisible Man” (“Görünməz Adam”) və “Sarah” adlı hesablar vasitəsilə aparılmış elektron yazışmaların keçmiş York hersoqu şahzadə Endryu (Andrew Mountbatten-Windsor) və onun sabiq həyat yoldaşı Sara Ferqyusona (Sarah Ferguson) aid olduğu ehtimal edilir.

Fayllara əsasən, şahzadə Endryu Epşteynin 2010-cu ilin avqustunda ev dustaqlığından azad edilməsindən dərhal sonra onunla əlaqəni davam etdirib. Həmin il dekabrda Endryunun ABŞ-yə etdiyi səfərdən sonra da yazışmaların olduğu bildirilir. Qeyd edək ki, Epşteyn 2008-ci ildə azyaşlıya qarşı cinsi istismar məqsədilə fahişəliyə cəlbetmə ittihamı ilə təqsirli bilinib və 13 ay cəza çəkib.

Sənədlərə daxil edilən materiallar arasında tarix və məkan göstərilməyən fotoşəkillər də var. Həmin fotolarda şahzadə Endryunun yerdə uzanan, üzü gizlədilmiş bir qadının üzərində əyildiyi görünür. Sənədlərdə bu görüntülərin hər hansı qanunsuzluğu sübut etdiyinə dair açıq qeyd yoxdur.

Elektron məktublarda Endryunun Epşteynlə “26 yaşlı, rus, gözəl” kimi təsvir edilən bir qadın haqqında yazışdığı, onunla görüşməkdə maraqlı olduğu bildirilir. Həmin yazışmalar Epşteynin ev dustaqlığından sonra baş tutub.

2010-cu ilin sentyabrına aid digər e-poçtlarda Epşteynin Londona səfəri zamanı şahzadə Endryudan “xüsusi vaxt” istədiyi görünür. Cavab məktubunda Bukingem sarayında şam yeməyi və “tam məxfilik” təklif edildiyi qeyd olunur. Görüşün baş tutub-tutmadığı isə məlum deyil.

Sənədlərdə Epşteynin Sara Ferqyusondan onun haqqında “pedo deyil” məzmunlu açıqlama verməsini istədiyi iddia edilir. 2011-ci ildə aparılmış yazışmalarda Ferqyusonun belə bir açıqlama verməkdən imtina etdiyi və bunu şəxsi imicini qorumaqla əsaslandırdığı göstərilir. Ferqyusonun nümayəndələri daha əvvəl onun Epşteynlə əlaqələrindən peşman olduğunu və azyaşlılara qarşı istismarı açıq şəkildə pislədiyini bildirib.

Bundan başqa, 2009-cu ilə aid bir e-poçtda Ferqyusonun qızları – şahzadə Beatris və Evgeniya ilə birlikdə Epşteynlə görüşdüyünü eyham etdiyi görünür. Həmin dövrdə Epşteyn ev dustaqlığında idi və görüşün dəqiq baş verib-vermədiyi təsdiqlənməyib.

Şahzadə Endryu 2025-ci ilin oktyabrında kral tərəfindən bütün titullarından və fəxri adlarından məhrum edilib. O, daha əvvəl Epşteynlə dostluğunu 2010-cu ildə kəsdiyini bildirmişdi. Açıqlanan yeni sənədlər isə bu iddianı sual altına alır.

Xəbərin oxunma sayı : 310