AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Güney Azərbaycan artıq kənardan izlənilən region deyil“ - TƏHLİL


Tarix 24.03.26, 18:06	Font ölçüsü : - / +

Yaxın Şərqdə gedən müharibə artıq coğrafi sərhədləri aşır. ABŞ və İsrailin İrana qarşı həyata keçirdiyi hərbi əməliyyatlar yalnız strateji obyektlərlə məhdudlaşmır. Zərbələrin coğrafiyası genişlənir və bu genişlənmə İranın şimal-qərb bölgələrini, o cümlədən Güney Azərbaycanı da birbaşa risk zonasına daxil edir.

Bu, ehtimal deyil. Bu, artıq faktlarla təsdiqlənən reallıqdır. "Middle East Eye" saytı İranın Iranian Students’ News Agency (İSNA) agentliyinə istinadən xəbər verir ki: “A US-Israeli strike killed at least six people and injured nine in one of the residential areas of East Azerbaijan Province.” (ABŞ-İsrail zərbəsi Şərqi Azərbaycan vilayətində yaşayış məntəqələrindən birində azı 6 nəfərin ölümünə, 9 nəfərin yaralanmasına səbəb olub.)

Məlumata görə, zərbə Ermənistan, Azərbaycan və Türkiyə sərhədlərinə yaxın yerləşən Şəhid Müfəttəh bölgəsinə endirilib: “…the strike hit the Shahid Mofatteh region of the province…”

Bu fakt artıq bir şeyi dəyişir. Müharibə yalnız cəbhədə getmir. O, yaşayış zonalarına daxil olub.

Beynəlxalq mediada yayılan digər məlumatlar da göstərir ki, hücumların əsas istiqaməti İranın qərb və şimal-qərb bölgələridir. Bu bölgələrdə hərbi infrastrukturlar, raket sistemləri və logistika xətləri yerləşir. Lakin bu coğrafiya eyni zamanda sıx məskunlaşmış mülki əraziləri də əhatə edir. Bu isə Güney Azərbaycanın artıq müharibənin periferiyasında deyil, onun içində olduğunu göstərir.

Təbrizlə bağlı xəbərlərin artması da bu kontekstdə diqqət çəkir. Şəhər və ətraf ərazilərlə bağlı partlayış səsləri, hava hücumları və hərbi obyektlərin hədəf alınması barədə məlumatlar dövri şəkildə yayılır. Bu məlumatların hamısı təsdiqlənməsə də, onların tezliyi və istiqaməti regionda təhlükənin real olduğunu göstərir.

Ən ciddi məsələ isə mülki itkilərlə bağlıdır. Müxtəlif beynəlxalq mənbələr İranda son hərbi əməliyyatlar nəticəsində ölənlərin sayının yüzlərlə, bəzi hallarda isə min nəfəri keçdiyini bildirir. Bu rəqəmlərin içərisində mülki şəxslərin və uşaqların olduğu da qeyd olunur. Lakin bu statistika ümumidir. Əsas sual isə cavabsız qalır.

Güney Azərbaycanda bu müharibə nəticəsində nə qədər insan həyatını itirib?

Bu suala hazırda beynəlxalq mediada dəqiq və sistemli cavab yoxdur. Bu, sadəcə məlumat çatışmazlığı deyil. Bu, informasiya boşluğudur. Bu isə real mənzərənin hələ tam görünmədiyini göstərir.

Güney Azərbaycan eyni zamanda yalnız hərbi risk zonası deyil. O, strateji keçid nöqtəsidir. Türkiyə, Azərbaycan və İranın kəsişdiyi bu coğrafiya gələcək nəqliyyat dəhlizləri, enerji xətləri və siyasi əlaqələr baxımından xüsusi əhəmiyyət daşıyır.

Bu səbəbdən burada baş verənlər təkcə lokal hadisə kimi qiymətləndirilə bilməz. Bu, daha böyük geosiyasi prosesin tərkib hissəsidir.

Güney Azərbaycan artıq kənardan izlənilən region deyil. O, müharibənin birbaşa təsirinə məruz qalan ərazidir. Və ən təhlükəlisi odur ki, bu proses baş verərkən onun real miqyası hələ tam şəkildə ortaya çıxmayıb...

Elbəyi Həsənli

Xəbərin oxunma sayı : 607