AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Ankarada Türk İnternet Media Birliyinin II Qurultayı keçirildi - Aqil Ələsgər yenidən İdarə Heyətinə seçildi


Tarix 29.06.26, 15:09	Font ölçüsü : - / +

Türkiyə Prezidenti Rəcəb Tayyib Ərdoğanın 7 mart 2023-cü il tarixli 6906 saylı Qərarnaməsi ilə “Beynəlxalq xarakterli təşkilatların qurulması haqqında” Qanun çərçivəsində yaradılan Türkiyə İnternet Media Birliyinin (TİMBİR) II Qurultayı Ankarada keçirilib.

media-6aef8728-9851-49dd-8fbc-4d24f4b76247

Qurultayda dövlət qurumlarının, media təşkilatlarının, qeyri-hökumət sektorunun rəhbərləri, elm və ictimaiyyət nümayəndələri, həmçinin TİMBİR-in Türkiyə və xarici ölkələrdən olan üzvləri iştirak ediblər.

media-89c026de-3c32-4fa7-8408-d920fe297a8a

Qurultayın iştirakçıları arasında TİMBİR Ali Məşvərət Şurasının sədri, Türkiyə Milli Təhlükəsizlik Şurasının sabiq baş katibi Seyfullah Hacımüftüoğlu, AKP 24-cü dönəm millət vəkili Rıfat Sait, Türkiyə Daxili İşlər Nazirliyinin Vətəndaş Cəmiyyəti ilə Əlaqələr Baş İdarəsinin şöbə müdiri Fahrettin Kaya, RATEM sədri Vedat Gündoğan, Türkiyə Jurnalistlər Federasiyasının sədri Yılmaz Karaca, EkoAvrasiya Vəqfi başqanı Hikmət Eren, TÜRKSİT sədri Kamal Kurnaz, Beynəlxalq Jurnalistlər Federasiyasının sədri Şakir Gürel, HUDER-in sədri Hasan Oymak, Türk Təhsil Dərnəyinin sədri Selçuk Pehlivanoğlu, Azərbaycan Mətbuat Şurası İdarə Heyətinin üzvü Aqil Ələsgər və TİMBİR İdarə Heyətinin üzvləri yer alıblar.

media-4a9f739b-6631-4caf-81ce-0b9f17463d9d

Qurultayın açılışında çıxış edən TİMBİR Başqanı Dr. Süleyman Basa bildirib ki, birlik qısa müddətdə internet mediasının ortaq platformasına çevrilib. Onun sözlərinə görə, TİMBİR hazırda Türkiyənin 81 vilayətində və dünyanın 26 ölkəsində təmsil olunur.

media-de8b90b3-d646-4dcc-b417-0fbdf68d6697

“TİMBİR bu gün 81 şəhər və 26 ölkədə fəaliyyət göstərir. Yüzlərlə media qurumunu eyni dam altında birləşdirən güclü bir təşkilat qurmuşuq.”

media-7c92b2b6-f12f-467a-83d8-3e6f3f2fe29e

Basa vurğulayıb ki, keçirilən Qurultay yalnız rəhbərliyin müəyyənləşdirilməsi məqsədi daşımır, eyni zamanda son üç ilin fəaliyyətinin qiymətləndirilməsi və gələcək hədəflərin müəyyənləşdirilməsi baxımından mühüm əhəmiyyət kəsb edir.

“Bu gün burada sadəcə Qurultay keçirmirik. Eyni zamanda üç illik əməyimizin hesabatını verir, yeni dövrün məqsədlərini birlikdə müəyyənləşdiririk.”

Başqan qeyd edib ki, TİMBİR media etikası, mətbuat azadlığı, dezinformasiyaya qarşı mübarizə, rəqəmsal təhlükəsizlik, müəllif hüquqları, media təhsili və beynəlxalq əməkdaşlıq istiqamətlərində geniş fəaliyyət göstərir. Yerli medianın gücləndirilməsinin əsas prioritetlərdən biri olduğunu bildirən Basa deyib:

“Yerlinin səsini mərkəzə daşıdıq, yerli jurnalistikanın tək olmadığını bütün Türkiyəyə göstərdik.”

O əlavə edib ki, rəqəmsal zorakılıq, kiberzorakılıq, fəlakət jurnalistikası, media savadlılığı, mədəniyyət və turizm jurnalistikası, qastronomiya jurnalistikası, etik prinsiplər, müəllif hüquqları və asılılıqlarla mübarizə sahələrində çoxsaylı layihə və təlim proqramları həyata keçirilib.

media-a74a98e9-2833-44f6-9db3-8c6822a1598d

TİMBİR Ali Məşvərət Şurasının sədri Seyfullah Hacımüftüoğlu isə çıxışında bildirib ki, birlik yarandığı gündən etibarən davamlı inkişaf yolu keçərək güclü institusional quruma çevrilib. Onun sözlərinə görə, TİMBİR Anadolu boyunca möhkəm təşkilatlanma yaradıb və Türkiyənin hər bölgəsindən media nümayəndələrini eyni çətir altında birləşdirməyi bacarıb.

Hacımüftüoğlu yeni dövrdə daha çox çalışmalı olduqlarını vurğulayaraq bildirib: “Dayandığımız anda hədəfdən uzaqlaşarıq. Pedalı daha sürətlə çevirməliyik. Çünki dünya çox sürətlə dəyişir.”

Digər çıxışçılar da TİMBİR-in üç illik fəaliyyətinin qənaətbəxş olduğunu vurğulayıblar.

media-e7bed9ed-4e5b-4d91-bf09-2120c6f7654a

Daha sonra TİMBİR-in yeni dövr üzrə İdarə Heyəti, Nəzarət və İntizam Şuraları, Siyasət Məsləhət Şurası, İnternet Etika Şurası, Gənc TİMBİR, GİMER və Media Texnologiyaları Şurası, həmçinin regional rəhbərlərin tərkibi müəyyənləşdirilib.

media-119942ae-6324-40ba-a164-00f46efa21bd