AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Alko Holdinq“də minlərlə saxta aksiz markalı içki aşkarlandı - Direktor hakim qarşısında


Tarix 20.07.26, 20:47	Font ölçüsü : - / +

"Alko Holdinq" MMC-yə məxsus anbarda saxta aksiz markaları ilə markalanmış minlərlə ədəd spirtli içki aşkarlanıb.

Qaynarinfo xəbər verir ki, Dövlət Vergi Xidmətinin əməkdaşlarının keçirdiyi operativ vergi nəzarəti tədbirləri zamanı qanunsuz məhsullar dövriyyədən çıxarılıb. Faktla bağlı Azərbaycan Respublikası Cinayət Məcəlləsinin 205-1-ci maddəsi ilə cinayət işi başlanılıb.

Cinayət işinə Tovuz Rayon Məhkəməsində baxılıb.

Məhkəmə araşdırması zamanı müəyyən edilib ki, "Alko Holdinq" MMC-nin direktoru 2025-ci ilin iyun ayının sonlarında istintaqa məlum olmayan mənbədən saxta aksiz markaları ilə markalanmış ümumilikdə 5 589 ədəd müxtəlif növ spirtli içki əldə edərək satış məqsədilə şirkətə məxsus Tovuz rayonunun Əyyublu kəndində yerləşən anbarda saxlayıb.

Aşkarlanan məhsullar arasında 2 655 ədəd "N1 ORGANIC", 1 020 ədəd "ORGANIC SARI", 616 ədəd "ORLOVSKAYA KREPOST", 592 ədəd "ORGANIC PRIRODA", 252 ədəd "ORGANIC ROSINKA YAŞIL", 198 ədəd "ORGANIC ROSINKA", 163 ədəd "ORGANIC KRAFİNKA", 72 ədəd "ORGANIC PREMIUM" və 21 ədəd "ORGANIC PREMIUM PARLAMENT KVADRAT" markalı spirtli içki olub.

Təqsirləndirilən şəxs məhkəmədə özünü təqsirli bilib. O bildirib ki, 2024-cü ildə "Alko Holdinq" MMC-ni təsis edib və Tovuz rayonunun Əyyublu kəndində yerləşən anbarı aylıq 400 manat müqabilində icarəyə götürərək alkoqollu və alkoqolsuz içkilərin topdan və pərakəndə satışı ilə məşğul olub.

Onun sözlərinə görə, yoxlamadan təxminən bir həftə əvvəl tanımadığı bir şəxs ona bazar qiymətindən xeyli aşağı qiymətə alkoqollu içkilər təklif edib. O da həmin şəxsdən təxminən 5 600 ədəd spirtli içki alaraq anbarda saxlayıb. Təqsirləndirilən şəxs məhsulların alışı zamanı heç bir elektron qaimə-fakturanın təqdim edilmədiyini, ödənişi nağd şəkildə etdiyini və aksiz markalarının saxta olmasından xəbərsiz olduğunu iddia edib.

Məhkəmənin hökmünə əsasən, "Alko Holdinq" MMC-nin direktoru 1 il 6 ay müddətinə spirtli içkilərin alğı-satqısı fəaliyyəti ilə məşğul olmaq hüququndan məhrum edilib və 2 300 manat məbləğində cərimə cəzasına məhkum olunub.

Qeyd edək ki, "Alko Holdinq" MMC 2024-cü ildə dövlət qeydiyyatına alınıb. Şirkətin nizamnamə kapitalı 100 manatdır. 2024-cü ilin sentyabr ayından etibarən şirkətin qanuni təmsilçisi Həsənov Məhəmməd Ənvər oğludur.

Xəbərin oxunma sayı : 538