“Futbol siyasət deyil. Gəlin olmayan bir şeyi görməyək. Macarıstan millisi harada yaşayırlarsa yaşasınlar, bütün macarların komandasıdır!”, - deyə baş nazir yazıb.

Xəbər verdiyimiz kimi, Macarıstanın Baş naziri Viktor Orban Budapeştdə Macarıstan və Yunanıstan milli komandaları arasında keçirilən yoldaşlıq futbol oyununa şərflə gəlib. Şərfin üzərində tərkibində qonşu dövlətlərin - müasir Slovakiya, Avstriya, Rumıniya, Xorvatiya, Serbiya və Ukraynanın müəyyən hissələrinin yer aldığı “Böyük Macarıstan” xəritəsi əks olunub.