AzFakt.com xəbər verir ki, açılış mərasimi zamanı Azərbaycan və Türkiyə Prezidentləri arasında maraqlı dialoq yaşanıb.

Belə ki, lenti kəsərkən Türkiyə Prezidenti Rəcəb Tayyib Ərdoğan qayçının qızıldan olub-olmadığı ilə maraqlanıb.

"İlham qardaşım, bu qızıldandırmı?", - deyə o soruşub.

İlham Əliyev isə belə cavab verib:

"Qızıla bənzəyir. Ancaq siz ki kəsəcəksiniz, qızıldan da qiymətlidir".

Ərdoğan "Zəngilan hava limanımız öncə Azərbaycan, sonra dünya üçün xeyirli olsun", deyərək lenti kəsib.

Daha sonra Türkiyə prezidenti kəsilən lenti və qayçını xatirə kimi götürmək istəyini dilə gətirib. İlham Əliyev isə cavabında bunun “ gözəl bir xatirə” olacağını bildirib.

Daha sonra AZAL Prezidenti Cahangir Əsgərov Zəngilan Hava Limanının rəmzi açarını Ərdoğana təqdim edib və onun qızıldan olduğunu deyib.