Bu gün artıq Azərbaycan danışıqlar masasında Qarabağı deyil, Zəngəzuru müzakirə edir. Bu önəmli faktordur. Soçi görüşünün gedişatı və imzalanmış sənədə əsasən söyləmək olar ki, yaxın zamanda Prezident İlham Əliyevin

də dediyi kimi “Zəngəzur dəhlizini açacağıq”. Bir məqamı isə xüsusilə vurğulamaq gərəkir. Rusiya Federasiyasının Prezidenti Vladimir Putin Soçidə keçirilən üçtərəfli  görüşdə  “nəqliyyat dəhlizləri” və  “dəmir yolu eləcə də nəqliyyat əlaqələrinin açılması” məsələləri ilə bağlı detalları vurğulamaqla,  əslində  Zəngəzur dəhlizinin həyata keçirilməsi məsələsinin danışıqlar masasının əsas gündəmi olduğundan xəbər verir. 

Ermənistanın Rusiyadan yardım istəməklə bərabər ABŞ və Avropanın bir sıra

aparıcı dövlətləri arasında ikiyüzlü bir siyasət yürütməsi Rusiyanın gözündən qaçmayıb.

Soçi görüşü zamanı bu kimi faktorları gözardı etmək olmazdı. ABŞ-Rusiya

münasibətlərində gərginlik müşahidə edildiyi bir anda Paşinyanın qeyri-adekvat siyasi

pozisiyası və ABŞ-ın təşkil etdiyi “demokratiya sammiti”nə dəvət alması ilə övünməsi

rəsmi Moskvanı əməlli başlı qıcıqlandırırdı, deyə bilərik. Əslində Ermənistanın Rusiyaya

qarşı satqınçılıq və riyakar bir siyasi pozisiya tutması yaxşı oldu. Rəsmi Moskva

Ermənistanın bu siyasətini gördükcə Azərbaycanla olan açıq, şəffaf və etibarlı tərəfdaşlıq

münasibətlərini layiqli şəkildə dəyərləndirəcəyinə şübhə yoxdur.

Elşən Əsgərov,