AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Şirzad Abdullayevin şirkətləri “PaşaBank”a da kələk gəlir - Dubayda milyonluq şirkət


Tarix 20.09.19, 18:49	Font ölçüsü : - / +

İqtisadiyyat nazirinin müavini Şirzad Abdullayevin himayə etdiyi şirkətlər Sahibkarlığa Kömək Milli Fondunun vəsaitləri hesabına xaricdə şirkətlər açıblar.

AzFakt.com aztoday.az-a istinadən xəbər verir ki, Sahibkarlığa Kömək Milli Fondunun icraçı direktoru işlədiyi dövrdə və indi də İqtisadiyyat Nazirliyində tutduğu yüksək vəzifə səlahiyyətlərindən sui-istifadə edən Şirzad Abdullayevin büdcə vəsaitləri hesabına özünə yaxın şirkətlərə verdiyi böyük məbləğdə güzəştli kreditlər Azərbaycan iqtisadiyyatına deyil, xarici ölkələrə fayda gətirməkdədir. Belə ki, Sahibkarlığa Kömək Milli Fondunun kreditlərindən ən çox yararlanan "D.Fruit”, "Ecofruit” və "Ecodry” MMC-lərin sahibi olan İsaməddin Dəmirov Birləşmiş Ərəb Əmirliklərində "Al Faydah Foodstuf Trading” LLC adlı şirkət açıb. Şirkətin fəaliyyətin milyonlarla manat vəsait investisiya edilib. Şirkət Dubayda böyük soyuducu sistemi qurub. Hansı ki, Sahibkarlığa Kömək Milli Fondunun vəsaitləri birmənalı olaraq Azərbaycan iqtisadiyyatının ayrı-ayrı sahələrinin inkişafı üçün nəzərdə tutulub.

Qeyd edək ki, "D.Fruit”, "Ecofruit” və "Ecodry” MMC-lərin sahibi olan İsaməddin Dəmirov 2017-ci ildə Sahibkarlığa Kömək Milli Fondunun vəsaitlərini "PaşaBank”dan kredit kimi götürüb. Bu kreditlərin təyinatı üzrə xərclənməsinə birbaşa məsul olan qurum da məhz "PaşaBank”dır. Aztoday.az-a daxil olan məlumatlara görə, Dəmirovlar qardaşları güzəştli şərtlərlə aldığı kreditləri belə "PaşaBank”a düz-əməlli ödəmir. Bunun üçün emal etdiyi meyvə həcmini az göstərməklə "PaşaBank”ı aldadır.

Məlumata görə, "PaşaBank”ın rəhbər şəxslərdən biri də Dəmirov qardaşlarının kredit öhdəliklərinə əməl etməməsinə göz yumur və onların xaricə pul çıxarmasına şərait yaradır. Şirzad Abdullayevin himayə etdiyi şirkətlərin ölkə daxilindəki borc və kredit öhdəliklərini yerinə yetirməməsi, işçilərin əmək haqqısını vaxtlı-vaxtında verməməsi ilə bağlı AzToday.az-a daxil olan şikayətlərdə bildirilir ki, "D.Fruit”, "Ecofruit” və "Ecodry” MMC-lərin sahibi olan Dəmirov (İsaməddin, Dəmir və Əmir) qardaşlarının "Gilan” Holdinqə də borcu var və bu borcu mümkün olduğu qədər gecikdirməyə çalışır.

Həmçinin, sözügedən şirkətlərin sosial ödəmələri də şəffaf deyil, işçilərin sayı və maaşların məbləği rəsmi qurumlara minimum həddə göstərilir. Hansı ki, Dəmirovlar qardaşlarının idarə etdiyi şirkətlərin real maliyyə vəziyyəti bütün borc öhdəliklərini vaxtında ödəməyə imkan verir. Onlar isə Azərbaycanda qazandığı vəsaitləri ölkədən çıxarmaqdadır.

Müşahidələr göstərir ki, Şirzad Abdullayev və himayə etdiyi şəxslər xaricdə böyük biznes qurduqları səbəbindən Azərbaycandakı fəaliyyətlərinə son verib, birdəlik ölkəni tərk etmək niyyətindədir. Şirkətin borclu olduğu şəxslər də bu baxımdan narahatdır və rəsmi qurumlardan məsələyə qarışmasını tələb edirlər…

Xəbərin oxunma sayı : 1408