İqtisadiyyat.az "Bloombergi"ə istinadən xəbər verir ki, bu kəskin qiymət enişi Çin bazarındakı azalan satışlarla bağlıdır.

Dünyanın ən böyük lüks avtomobil istehsalçısı olan "Mercedes-Benz" Çində satış proqnozlarını azaltmağa məcbur olub.

Xüsusilə "S-Class" və "Maybach" modellərinin Çin bazarındakı zəif nəticələri şirkətin əsas avtomobil bölməsinin gözləntilərini aşağı salıb. Şirkət gəlir proqnozunu əvvəlki 11 faizdən 7,5-8,5 faiz səviyyəsinə endirib.

Eyni zamanda, Çinin "BYD" şirkəti "Mercedes-Benz"in bu ölkədəki zavoduna nəzarəti ələ keçirib. Bir çox xarici avtomobil istehsalçıları Çin bazarındakı mövqelərini zəiflədərkən, "BYD" bu zavodun səhmlərini satın alıb.

Bundan əlavə, beş böyük Avropa avtomobil istehsalçısının (BMW, Mercedes-Benz, Stellantis, Renault və VW) əsas zavodlarının təxminən üçdə biri 2023-cü ildə tam yüklənməyib. Satışların pandemiyadan əvvəlki səviyyələrdən üç milyon az olması minlərlə iş yerinin gələcəyini təhlükə altında qoyur.