Bu barədə “Politico” qəzeti Avropa Komissiyasının (AK) nümayəndəsinə istinadla məlumat yayıb.

Onun sözlərinə görə, Aİ vizanın liberallaşdırılmasının mümkün müvəqqəti ləğvi də daxil olmaqla, bütün variantları müzakirə edir.

“Aİ və Gürcüstan arasında viza rejiminin liberallaşdırılması və müvafiq fəaliyyət planı üzrə dialoqun bir hissəsi olaraq Gürcüstan hakimiyyəti vətəndaşların fundamental hüquqlarının müdafiəsi və əhalinin müəyyən qruplarının ayrı-seçkiliyinin qarşısının alınması da daxil olmaqla müəyyən tələbləri yerinə yetirməli idi. Ancaq Şengen zonasının daxili təhlükəsizliyinə təhlükə yaradan belə bir inkişaf baş verəcəyi, həmçinin Gürcüstanda demokratiyanın daha da tənəzzülə uğrayacağı təqdirdə lazımi qiymətləndirmələr aparılacaq”, - AK sözçüsü əlavə edib.

Qeyd edək ki, 2017-ci il müqaviləsinə əsasən, Gürcüstan vətəndaşlarının ildə altı ay müddətinə Aİ ölkələrinə səfər etmək üçün vizaya ehtiyacları yoxdur.