Bu barədə bazar ertəsi Ağ Evin mətbuat xidməti məlumat yayıb.

“Milli təhlükəsizlik üzrə köməkçim Ceyk Sallivan mənə dedi ki, biz atəşkəs razılaşmasına yaxınıq, amma hələ işimiz bitməyib. Ümid edirəm ki, gələn bazar ertəsinə kimi biz atəşkəs sazişi əldə edəcəyik”, - deyə ABŞ Prezidenti bildirib.

Qeyd edək ki, bundan əvvəl “Axios” portalı öz mənbələrinə istinadən xəbər vermişdi ki, İsrail HƏMAS-ın altı həftəlik atəşkəs elan olunması və yüzlərlə fələstinli məhbusun azad edilməsi müqabilində 40-a yaxın girovu azad edəcəyi təklifini aldıqdan sonra Parisdəki məsləhətləşmələrdə irəliləyiş əldə edilib. Bildirilir ki, bu irəliləyiş yaxın bir neçə gün ərzində razılaşma ilə bağlı daha ciddi danışıqlara səbəb ola bilər. Portal yazır ki, Vaşinqton administrasiyasının əsas məqsədi razılığın martın 11-də başlayacaq müqəddəs Ramazan ayı ərəfəsində əldə olunmasıdır.