Musavat.com xarici agentliklərə istinadən xəbər verir ki, bu barədə “PA Media” portalı məlumat yayıb.

“Əgər o (Zelenski) Ukraynanı tərk edə bilsə və dəvətimizi qəbul etsə, o zaman Böyük Britaniya onu qəbul etməkdən şərəf duyacaq”, - deyə Boris Conson jurnalistlərə bildirib.

Britaniya hökumətinin rəhbəri Vladimir Zelenskini tərifləyib və onun “belə bir dəhşətli zamanda ölkəsini və dünyadakı ictimai rəyi idarə etmək üçün inanılmaz iş gördüyünü” vurğulayıb.

Qeyd etmək lazımdır ki, “The Sunday Times” qəzeti rəsmi Londonun Ukrayna rəhbərinin ölkəyə səfərini, o cümlədən kraliça II Elizabet ilə görüşü təşkil etməyi nəzərdən keçirdiyini xəbər edib.

Bundan başqa, hakim Mühafizəkarlar partiyası oktyabr ayında keçiriləcək konfransda Ukrayna prezidentinin videobağlantı vasitəsilə onlara müraciət etməsini istəyir.

Xatırladaq ki, Boris Conson özü bu ilin aprel və iyun aylarında iki dəfə Ukraynaya qəfil səfər həyata keçirib.