AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Məhkəmə məni təqsirli bilsə...” - Vəkilliyə qəbul olunan sabiq MTN əməkdaşı danışdı


Tarix 13.01.22, 14:18	Font ölçüsü : - / +

“Mən 2018-ci ildən Vəkillər Kollegiyasının üzvüyəm. Həmin ildə, yəni vəkilliyə qəbul olunduğum zaman barəmdə istintaq orqanı tərəfindən hər hansı cinayət təqibi aparılmayıb, şübhəli və ya təqsirləndirilən şəxs qismində cəlb edilməmişəm. "Vəkillər və vəkillik fəailiyyəti haqqında" Azərbaycan Respublikasının Qanununda vəkil üçün nəzərdə tutulan bütün tələblərə cavab vermişəm. Cinayət işi ilə bağlı araşdırma 3 il sonra - 2021-ci ilin avqustunda başlasa da, hazırda mənim haqqımda məhkəmə hökmü yoxdur. Bu baxımdan bəzi kütləvi informasiya vasitələrində yayılan məlumatlar əsassızdır”.

AzFakt.com xəbər verir ki, bunu e-huquq.az-a açıqlamasında vəkil, sabiq MTN əməkdaşı, hazırda təqsirləndirilən şəxs qismində məhkəməsi gedən Sahib Ələkbərov deyib.

O, azadlıqdan məhrumetmə cəzasına məhkum edildiyi barədə yayılan informasiyaların həqiqətə uyğun olmadığını bildirib: “1993-cü ildən 2014-cü ilədək keçmiş Milli Təhlükəsizlik Nazirliyinin İstintaq Baş İdarəsində müxtəlif vəzifələrdə, o cümlədən İstintaq Baş İdarəsinin şöbə rəisinin müavini vəzifəsində çalışmışam. Hər zaman dövlətimə, vətənimə layəqətlə, şərəflə xidmət etmişəm. Heç vaxt dövlətimə, xidmət etdiyim orqana, vətəndaşların hüquq və azadlıqlarına toxunan qanunsuz hərəkətlərə yol verməmişəm. Peşəkar fəaliyyətimə görə dəfələrlə təltif olunmuşam. Mən ehtiyata buraxıldıqdan sonra isə bəzi kütləvi informasiya vasitələrində haqqımda informasiyalar yayılmışdı. Bu məlumatlardan biri də ondan ibarət olub ki, guya mən 2017-ci ildə azadlıqdan məhrumetmə cəzasına məhkum edilmişəm və 5 il həbsdə olmuşam. Bunlar tamamilə yanlış informasiyalardır. Mənim barəmdə heç vaxt məhkəmənin qanuni qüvvəyə minmiş hökmü olmayıb”.

S.Ələkbərov vəkilliyə qəbul olduğu zaman bütün tələblərə cavab verdiyini deyib: “Vəkillər Kollegiyasına qəbul oldunduğum zaman da mənim barəmdə hər hansı bir cinayət təqibi aparılmayıb. Şübhəli və ya təqsirləndirilən şəxs qismində cəlb edilməmişəm. Həmin dövrdə bir neçə epizod üzrə məni şahid qismində dindiriblər. Hətta ölkədən giriş-çıxışıma qoyulan qadağa da 2019-cu ildə götürülüb. Mən 2017-ci ildə Vəkillər Kollegiyasının üzvlüyünə qəbul olmaq üçün imtahanlarda iştirak edib yüksək nəticə əldə etmişəm. 2018-ci ildə and içib vəkilliyə qəbul olunmuşam. Bu zaman "Vəkillər və vəkillik fəailiyyəti haqqında" Azərbaycan Respublikasının Qanununda vəkil üçün nəzərdə tutulan bütün tələblərə cavab vermişəm. Hamıya məlumdur ki, hörmətli Anar müəllim Bağırov Vəkillər Kollegiyasının rəhbərliyinə gəldikdən sonra çox ədalətli, obyektiv imtahanlar keçirilir. Heç bir qanun pozuntusuna yol verilmir”.

Vəkil məhkəmənin onu təqsirli biləcəyi halda Vəkillər Kollegiyasının üzvlüyündən xaric oluncağını qeyd edib: “2021-ci ilin oktyabrın 15-dən Bakı Hərbi Məhkəməsində barəmdə məhkəmə araşdırması aparılır. Ümid edirəm ki, obyektiv, ədalətli məhkəmə araşdırmasının sonunda günahsızlığım sübut olunar. Ümumiyyətlə, Cinayət-Prosessual Məcəlləsinin 21-ci maddəsinə (təqsirsizlik prezumpsiyası) əsasən, məhkəmənin qanuni qüvvəyə minmiş hökmü olmadan kimisə hər hansı bir cinayəti törətməkdə təqsirli bilmək olmaz. Məhkəmə məni təqsirli bilsə, onsuzda "Vəkillər və vəkillik fəaliyyəti haqqında" Qanuna əsasən, Vəkillər Kollegiyası tərəfindən vəkillik fəaliyyətimə xitam veriləcək. Əgər elə bir şey olarsa, o zaman özüm də Vəkillər Kollegiyasında üzv qalmaram, istəmərəm mənə görə Kollegiyanın nüfuzuna zərər gəlsin”.

Xəbərin oxunma sayı : 775