AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Sabiq nazirin şirkəti dövlətin vergi borcunu ödəməkdən niyə yayınır? - Fazil Məmmədov müflis olub?


Tarix 01.09.21, 12:25	Font ölçüsü : - / +

İqtisadiyyat Nazirliyi yanında Dövlət Vergi Xidməti Bakı şəhər Lokal Gəlirlər İdarəsi “Synergy Group” MMC-ni məhkəməyə verib. Musavat.com-un məlumatına görə, iddia Bakı Kommersiya Məhkəməsinin hakimi Zaur Pirverdiyevin icraatındadır. MMC 48 min manat vergi borcunu ödəməkdən yayınır.

“Synergy Group” MMC 50 milyon manatlıq nizamnamə kapitalı ilə 25 yanvar 2010-cu il tarixdə yaradılıb. Şirkətin qanuni təmsilçisi Elnur Xaləddin oğlu İsgəndərovdur. Elnur İsgəndərov Binəqədi Rayon İcra Hakimiyyətinin keçmiş başçısı Xaləddin İsgəndərovun oğludur. “Synergy Group” MMC-nin əsl sahibi isə keçmiş vergilər naziri Fazil Məmmədovdur. Yeri gəlmişkən, Xaləddin İsgəndərov Fazil Məmmədovun bacısının əridir.

Fazil Məmmədov nazir olduğu dönəmdə “Synergy Group” MMC Azərbaycanın ən iri holdinqlərindən biri kimi tanınıb. O, şirkətə istehsalat, tikinti, kənd təsərrüfatı, İKT, hotelçilik, təhsil, səhiyyə və bank işi sahələri üzrə iri yatırımlar edib. Fazil Məmmədov işdən çıxarıldıqdan sonra şirkətin işi axsayıb. 2019-cu ildə yayılan məlumata görə, sabiqlərin sırasına qoşulduqdan sonra bir müddət səhhətindəki problemlərlə məşğul olan keçmiş nazir yenidən əsas diqqətini “Synergy Group” MMC-yə yönəldib.

Kimsəyə sirr deyil ki, Fazil Məmmədov nazir işlədiyi dövrdə milyonlar toplayıb, çoxunu xaricə qaçırıb. O günlərdə Xaləddin İsgəndərov Binəqədinin icra başçısı idi və öz qanunsuz əməlləri ilə ad çıxarmışdı. Rəhbərlik etdiyi rayon o zaman vergilər naziri postunu tutan Fazil Məmmədovun patronajlığı altında idi. Xaləddin İsgəndərov özünü qətiyyən bir məmur və ölkə prezidentinin sadə şəkildə ifadə etdiyi kimi “xalqın xidmətçisi” olaraq aparmırdı.

Lüzumsuz lovğalıqlar, sərvət və vəzifənin verdiyi hakimiyyəti həddindən artıq nümayiş etdirmək, özünü ətrafındakı insanlardan yüksəkdə tutmaq, hər fürsətdə işçilərini aşağılamaq Xaləddin İsgəndərovun həyat tərzinə çevrimişdi. Xaləddin İsgəndərovun tək özünü deyil, ailəsini də mühafizəçilər ordusu qoruyurdu. Bir yerə gedərkən onu 6-7 maşın mühafizəçi maşını müşahidə edirdi. Xaləddin İsgəndərovun oğlu Elnur İsgəndərov da atasından geri qalmırdı. Atası kimi şəhərdə ən azı 4-5 maşının müşayiəti ilə hərəkət edirdi. Digər ailə üzvləri də xüsusi maşınların müşayiəti olmadan evi tərk etmirdilər.

Fazil Məmmədov isə əksinə, şəxsi həyatını və sərvətini gözə soxmağa çalışmırdı. Bu baxımdan onun patronajlığı altında olan rayonun başçısının hərəkətləri diqqət çəkirdi və haqlı olaraq Xalədin İsgəndərov “qudurğan məmur” imicini qazanmışdı. Bu gün isə Xaləddin İsgəndərovun oğlunun rəhbərli etdiyi MMC-nin dövlətə 48 min manat vergi borcunu ödəyə bilməməsi suallar doğurur.

Bəs Xaləddin İsgəndərov saxladığı 18 mühafizəçinin 3-5 aylıq maaşına bərabər vergini ödəməkdən niyə yayınır? Bu mövqe onun və patronu Fazil Məmmədovun özlərini müflis durumda göstərmək istəklərinə daha yaxındır. Vəzifədən çıxarılandan sonra hər iki şəxs özlərini var-yoxları “milliləşdirilmiş” məmur kimi təqdim etməyə çalışsalar da, buna kimsəni inandıra bilməyiblər.

17 il Vergilər Nazirliyinə rəhbərlik etmiş Fazil Məmmədov həmin dövrdə vergi şəklində yığılan vəsaitdən 4 milyard manata yaxınını büdcədən yayındıraraq ofşorlara yönləndirdiyi barədə xəbərlər yayılmışdı və həmin xəbərlər bu günə qədər təkzib edilməyib. Sabiq nazirin ata yurdu Şəmkirdə isə demək olar ki, hər tində bir müəssisəsi, fabriki, istixanaları, quşçuluq fabrikləri və s. biznes strukturları vardı. Onun qohum-qardaşının yaşadığı Şəmkir rayonunda salınan parka görə büdcədən nə az, nə çox, düz 830 milyon manat silinmişdi. Faktiki isə parkda görülən işlərin dəyəri 8 milyon manatdan da az olub.

Fazil Məmmədov nazirliyi dövründə Azərbaycan iqtisadiyyatına yönəlməli olan milyardları xarici ölkələrdə öz biznes şəbəkəsini yaratmağa sərf edib. Belə ölkələrdən biri də Ukraynadır.

Fazil Məmmədovun Ukrayna paytaxtında 5 ulduzlu hoteli, siqaret, təkər zavodu və böyük bazarı var. Hotel Kiyevin mərkəzində, “11 Mirrors Design Hotel” adlanır.

Kiyevdəki “Vladimirski” bazarı sabiq vergilər nazirinin böyük biznesinin kiçik bir parçasıdır. Kiyevdəki bazarlar arasında böyüklüyünə görə ilk üçlükdə olan bu bazarda paltar və meyvə-tərəvəz satılır.

Sabiq nazirin Ukraynanın kurort şəhəri Truskovetsdə də olduqca lüks hoteli var. Həmin hotel “Mir” adlanır. Nazirin hotelində ən müxtəlif kateqoriyadan nömrələr var. Bu nömrələr arasında “Prezident stili” kateqoriyasından olanlar xüsusi diqqət çəkir. Hotelin ölçücə ən böyük olan bu nömrəsi 126 kvadratmetrdir. Bunlar sabiq nazirin xaricdəki böyük biznesi haqda kiçik məlumatlardır.

Azərbaycanda vəzifədə olarkən sabiq nazirin kurasiyasında bir neçə rayon vardı. Binəqədi, Şəmkir, Gədəbəy və Yardımlı rayonları sabiq nazirin qeyri-rəsmi “qubernatorluğuna” daxil idi. Həmin dövrlərdə Gədəbəydəki istirahət mərkəzlərinin demək olar ki, hamısı Fazil Məmmədovun kurasiyasında idi.

Rayonda “Narzan” adlanan istirahət mərkəzi, “Eldorado” hoteli və çoxsaylı obyektlər Fazil Məmmədova hər gün milyonlar qazandırırdı. Fazil Məmmədov vergilər naziri postundan çıxarılandan sonra özünün və yaxınlarının adına rəsmiləşdirdiyi əmlakları digər şəxslərin adına keçirməsi haqda məlumatlar yayılmışdı. Məlum olmuşdu ki, Fazil Məmmədov nazir postunda ikən Şəmkirdə inşa etdirdiyi müxtəlif tikililəri “özgəninkiləşdirməklə” əlindən çıxarılmasını önləməyə çalışırdı.

Bütün bunlardan başqa, Fazil Məmmədov vəzifədən çıxarılandan sonra bir müddət ağır xəstə olması haqda məlumatlarla mətbuatın gündəmindən düşmürdü. Həmin günlərdə belə xəbərlərin Fazil Məmmədovun maraqlarına xidmət etdiyi deyilirdi.

2021-ci ildə isə Fazil Məmmədovun kürəkəni Əbdül Əliyevin sorağı İngiltərədən gəldi. Məlum oldu ki, 100 milyon manata yaxın vəsait xərcləməklə sabiq nazirin kürəkəni Londonda bir neçə mülk alıb.

Həmin xəbərə əlavə edilən sənədlərdən məlum olurdu ki, Fazil Məmmədovun kürəkəni Əbdül Əliyev az qala Londonun yarısını alıb. O, 2021-ci ilin aprelində Londonda dəyəri milyonlarla funt-sterlinq olan daha 4 bahalı əmlak müqaviləsi bağlayıb. Müqavilələr Britaniya paytaxtının işgüzar səmtlərindən olan Windmill Street-dəki 37, 38, 39 və 40 saylı binaları əhatə edir. Həmin ünvanlarda hazırda “The Lyric”, “Olives & Meze”, “Wok to Walk” restoranları, “West & End” daşınmaz əmlak agentliyi yerləşir. Əbdül Əliyev hələ ötən ilin iyulunda Nottinqem şəhərinin mərkəzində də dəyəri 1.5 milyon funt sterlinq (3,3 milyon manat) olan binanı (Long Row küçəsi 50, 51 və 52) satın almışdı.

Ötən ilin sentyabrında isə o, Britaniya paytaxtının Ladbroke Grove 131 və Ladbroke Crescent 25A ünvanlarında 1 milyon funt-sterlinq dəyərləndirilən iki binanı, eləcə də Croydon, Thornton Heath, Parchmore Road 84a ünvanında Lancaster Business Park-dakı keçmiş əyləncə mərkəzinin (Leisure Centre) ərazisi (LAN21656 saylı mülkiyyət sənədi) də satın almışdı.

Xüsusi olaraq qeyd edək ki, bütün bu əmlaklar Fazil Məmmədov vəzifədən çıxarılandan illər sonra əldə edilib. Əgər Fazil Məmmədov müflis durumdadırsa, onun kürəkəni milyonlarla manat dəyərində varidatı necə əldə edib? Əbdül Əliyev Fazil Məmmədovun müavini Namiq Əliyevin oğludur və varidat baxımından müavinin nazirdən bir pillə aşağı olması da təbiidir.

Belə bir halda, sabiq nazirin şirkətinin dövlətə 48 min manatlıq vergi borcunu ödəməməsi sıradan hal hesab edilməməlidir. Digər sahibkarlar kimi Fazil Məmmədovun da şirkətinin rəhbəri Elnur İsgəndərov vergi borcunu ödəməkdən yayınan biri kimi istintaqa cəlb olunmalıdır.

Xəbərin oxunma sayı : 1621