AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Rusiya Ukraynada kimyəvi silahdan istifadə edə bilər” - ABŞ rəsmiləri


Tarix 24.11.22, 17:37	Font ölçüsü : - / +

“Rusiya Prezidenti Vladimir Putin Ukraynada kimyəvi silahdan istifadə edə bilər. Rusiya qoşunları Ukrayna döyüş meydanında mövqelərini itirməkdə davam edərsə, NATO ilə nüvə qarşıdurmasına getməzdən əvvəl Putin ilk növbədə kimyəvi silahdan istifadəyə baş vuracaq”.

ABŞ Prezidenti Co Bayden Administrasiyasının rəsmiləri bununla bağlı dəyərləndirmələr aparıblar.

Bu barədə məsələdən məlumatlı olan altı nəfər fikirlərini bildirib.

Onların sözlərinə görə, Bayden administrasiyası müttəfiqlərin belə bir hadisəyə hazır olmasının təmin edilməsinə çalışır. Həmçinin kimyəvi silahdan istifadə halında yeni resursların və sərmayələrin detektor sistemlərinin istehsalına yönləndirilməsinə nail olmaq istəyir. Bu da məsələ ilə bağlı narahatlıqların ortaya çıxmasına səbəb olur.

Bu barədə anonim şəkildə məlumat verənlər arasında ABŞ Müdafiə Nazirliyinin nümayəndələri də var. Lakin ABŞ-nin Ukraynada belə bir hücumun qaçılmaz olduğunu söyləmək üçün heç bir kəşfiyyat məlumatı yoxdur. Faktiki olaraq ABŞ Müdafiə Nazirliyinin bir çox rəsmiləri hesab edirlər ki, qış aylarında döyüşlər dayanacaq və tərəflərdən heç biri çox sayda mövqelərin ələ keçirilməsində üstünlük qazana bilməyəcək.

Ancaq bu məsələ ilə məşğul olan bəzi yüksək vəzifəli məmurlar belə qənaətə gəliblər ki, döyüş meydanında itkilərin davam etməsi və ya Rusiya ordusunun tamamilə dağılması halında Moskva kimyəvi silahdan istifadə edə bilər. Həmçinin bu, Aleksey Navalnının zəhərlənməsində istifadə olunan kimyəvi maddə ilə əlaqələndirilir.

Rəsmilər və ekspertlərin sözlərinə görə, bu hücum gizlədilməsi asan olan kimyəvi maddələrlə aparıla bilər. Bu da Moskvaya qarşı ittihamların irəli sürülməsini çətinləşdirə bilər. Məsələn, bəzi kimyəvi maddələr kütləvi itkilərə nail olunması üçün istifadə edilir. Həmçinin rəsmilər və ekspertlər qeyd ediblər ki, Moskva bir-iki nəfərə qarşı sinir sistemini iflic edən “Noviçok” adlı maddədən istifadə edib. Məsələn, bəzi kimyəvi maddələr aerozol halına salına və ya böyük insan qruplarına zərər vermək üçün sursatlarda istifadə edilə bilir.

Qeyd olunur ki, ABŞ Rusiyanın kimyəvi silah potensialının artırılmasına sərmayə yatırdığını çoxdan bilir. ABŞ konqresmeninin köməkçisinin sözlərinə görə, həmçinin bu ilin payızında senatorlar Rusiyanın kimyəvi silah ehtiyatları və Ukraynadakı təhlükə barədə məlumatlandırılıblar.

Mənbə: Politico

Xəbərin oxunma sayı : 691