AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Azərbaycanda yeni müzakirə - xəyanətə görə 20 min təzminat


Tarix 08.04.26, 9:54	Font ölçüsü : - / +

Vəkil: “Xəyanəti iddia edən tərəf onu təkzibedilməz sübutlarla əsaslandırmalıdır”

Son günlər sosial şəbəkələrin Azərbaycan seqmentində sanki bir informasiya tufanı yaşanır. Sosial şəbəkə istifadəçilərinin diqqəti 3 fərqli, lakin eyni dərəcədə gərgin qütbə bölünüb: bir tərəfdə tarixi və geosiyasi kökləri olan ABŞ-İsrail cütlüyü ilə İran qarşıdurması, digər tərəfdə aramsız yağışların ölkənin infrastrukturunda açdığı yaralar, mərkəzdə isə ailə institutunun təməllərini sarsıdan “xəyanətə görə hüquqi cəza” müzakirələri var.

Qlobal və regional mövzuların arasında yer alan bu məsələ birbaşa fərdin daxili dünyasına və cəmiyyətin ən kiçik hüceyrəsi olan ailəyə toxunur. Xəyanətə uğrayan tərəfin hüquqi yollarla kompensasiya tələb etməsi, “mənəvi təzminat” anlayışının ailə münasibətlərinə tətbiqi ətrafında gedən mübahisələr artıq sadəcə qınaq obyektindən çıxaraq hüquqi müstəviyə keçir.

Cəmiyyət indi bu suallara cavab axtarır - sədaqətsizlik sadəcə mənəvi günahdır, yoxsa şəxsiyyət hüquqlarının pozulması kimi qiymətləndirilməli olan hüquqi xətadır?

Məhkəmə instansiyaları ailə daxilindəki etimadın qırılmasına neçə manat qiymət qoya bilər? Videogörüntülər və rəqəmsal yazışmaların sübut kimi təqdim olunması şəxsi həyatın toxunulmazlığı ilə nə dərəcədə uzlaşır?

Siyasi ideologiyaların toqquşduğu, təbiətin şəhərlərimizi sınağa çəkdiyi bir vaxtda, insanların “mənəvi ədalət” axtarışına çıxması cəmiyyətin daxili regenerasiya cəhdidir.

Mənə vəkil kimi heç bir təzyiq yoxdur” — Cavad Cavadov

Cavad Cavadov

Bu mürəkkəb mövzu ilə bağlı “Yeni Müsavat”a danışan tanınmış vəkil Cavad Cavadov deyib ki, Azərbaycan Respublikasının qanunvericiliyi, konkret olaraq Ailə Məcəlləsi, tərəflərin bir-birinə sadiq qalmaq vəzifəsini mənəvi bir öhdəlik kimi tanıyır, lakin xəyanətə görə birbaşa cəza və ya təzminat mexanizmini açıq mətnlə yazmır: “Bununla belə, biz məsələyə Mülki Məcəllənin şəxsiyyət hüquqları və mənəvi zərər prizmasından baxmalıyıq. Qeyd edim ki, Azərbaycan məhkəmə təcrübəsində xəyanətə görə mənəvi təzminat almaq hələ də kifayət qədər mübahisəli bir mövzudur. Mülki Məcəllənin 21-ci və 23-cü maddələri şərəf, ləyaqət və işgüzar nüfuzun müdafiəsini nəzərdə tutur. Son illərdə mənəvi zərərin ödənilməsi ilə bağlı yanaşmalar genişlənib. Əgər sübut olunsa ki, xəyanət faktı şəxsin psixi sağlamlığına, cəmiyyətdəki nüfuzuna ciddi zərbə vurub, nəzəri olaraq iddia qaldırıla bilər. Amma realda hakim qarşısında bunu əsaslandırmaq böyük peşəkarlıq tələb edir”.

Cavad Cavadov deyib ki, məhkəmə “eşitdim”, “mənə deyiblər” sözlərinə inanmır: “Xəyanəti iddia edən tərəf onu təkzibedilməz sübutlarla əsaslandırmalıdır. Yazışmalar, fotolar, videolar. Lakin burada ehtiyatlı olmaq lazımdır. Çünki başqasının şəxsi həyatına qanunsuz müdaxilə sizi iddiaçı ikən cavabdeh vəziyyətinə sala bilər. Məsələn, xəyanəti sübut etməyə çalışarkən, gizli kameradan istifadə cinayət məsuliyyəti yarada bilər”.

Cavad Cavadov məsələnin digər tərəfinə də toxunub: “Çoxları elə bilir ki, "xəyanət edən tərəfə əmlak düşmür". Xeyr, bu yanlışdır! Azərbaycan qanunvericiliyinə görə, nikah dövründə qazanılan əmlak birgə mülkiyyətdir və tərəflərin payları bərabərdir. Yəni 50/50. Xəyanət faktı mülkiyyət hüququnu aradan qaldırmır. Yalnız uşaqların maraqları və ya digər tərəfin ailə büdcəsini qəsdən dağıtması halları payların bölünməsinə cüzi təsir edə bilər. Əgər xəyanət faktı ictimaiyyət arasında yayılıbsa və bu, zərərçəkənin şəxsi nüfuzuna birbaşa zərbə vurursa, mənəvi təzminat davası açmaq olar. Lakin yadda saxlayın ki, Azərbaycan məhkəmələri mənəvi zərəri astronomik rəqəmlərlə deyil, çox vaxt simvolik məbləğlərlə ölçür. Burada məqsəd puldan çox, mənəvi qalibiyyət və haqqın bərpası olmalıdır".

Cavad Cavadov tövsiyə edir ki, xəyanət və digər iddialarla bağlı məhkəmələrə üz tutan vətəndaşlar hisslərlə deyil, sənədlərlə hərəkət etsinlər: “Xəyanət mənəvi faciədir, lakin məhkəmədə o, yalnız sübut olunduqda hüquqi fakt sayılır”.

Xəbərin oxunma sayı : 1393