AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Təhqirə görə qisas: Qəbələdəki qətlin dəhşətli təfərrüatları


Tarix 12.08.26, 14:12	Font ölçüsü : - / +

Şəki Ağır Cinayətlər Məhkəməsində qəsdən adam öldürmədə təqsirləndirilən Teymur Səfərəliyevin cinayət işi üzrə məhkəmə istintaqı başa çatıb.

AzFakt.com Pravda.az-a istinadla xəbər verir ki, hakim Günay Aşurovanın sədrliyi ilə keçirilən prosesdə hökm oxunub.

Məhkəmənin hökmü Teymur Səfərəliyevə 10 il 6 ay müddətinə azadlıqdan məhrumetmə cəzası təyin edilib.

İttihama əsasən, 1986-cı il təvəllüdlü Teymur Səfərəliyev uşaqlıq illərindən tanıdığı həmkəndlisi, 1974-cü il təvəllüdlü Dəmir Eyvazovu qəsdən öldürərək həyatdan məhrum edib.

Hadisə 2025-ci il iyunun 16-da saat 17 radələrində Qəbələ rayonunun Solquca kəndində baş verib.

Belə ki, təqsirləndirilən şəxs yaşadığı həyət evində olarkən Dəmir Eyvazovla mobil telefon vasitəsilə əlaqə saxlayıb. O, Dəmir Eyvazovu doğradığı odunları idarə etdiyi QAZ-53 markalı yük avtomobili ilə özünün yaşadığı həyət evinə daşıması üçün kəndin yaxınlığında yerləşən meşəlik əraziyə çağırıb.

Dəmir Eyvazov kənd sakinləri arasında Teymur Səfərəliyevin müəyyən nüfuza malik olmasından çəkindiyi üçün Solquca kəndindən təxminən 450 metr aralıda yerləşən həmin meşəlik əraziyə gedib. Oraya çatdıqdan sonra Dəmir Eyvazovun göstərişi ilə təxminən 10-15 ədəd odun parçasını avtomobilin yük yerinə yükləyib. Daha sonra o, əlində olan kustar üsulla metal materialdan hazırlanmış dəhrə ilə kolluq ərazinin təmizlənməsində istifadə olunan yabanın taxta tutacaq hissəsini yonmağa başlayıb.

Bu zaman Dəmir Eyvazov təqsirləndirilən şəxsə odunları yandırdıqdan sonra hazırlayacağı kömürləri növbəti gün Qəbələ rayonunun Nic qəsəbəsindəki bazara daşımalı olduğunu bildirib. Lakin Teymur Səfərəliyev əvvəllər də Dəmir Eyvazovun ona doğranmış odunları daşıtdırdığını, bunun müqabilində isə heç bir ödəniş və yanacaq pulu vermədiyini əsas gətirərək kömürləri daşımayacağını deyib.

Ətraflı

Bundan sonra tərəflər arasında mübahisə yaranıb.

Dəmir Eyvazov təqsirləndirilən şəxsi təhqir edərək onun evinə gəlib anasına, həyat yoldaşına və övladlarına qarşı nalayiq hərəkətlər edəcəyi barədə ifadələr işlədib. Dəmir Eyvazov daha sonra arxa tərəfə çevrilərək natamam əyilmiş vəziyyətdə doğranmış odunları əli ilə yığmağa davam edib. Teymur Səfərəliyev isə onun işlətdiyi nalayiq ifadələrdən qəzəblənib. Həmçinin əvvəllər də Dəmir Eyvazov tərəfindən bir neçə dəfə təhqir edildiyini əsas gətirərək ona qarşı kinli olub.

Təqsirləndirilən şəxs yaranmış vəziyyətdə Dəmir Eyvazovdan qisas almaq və onu öldürmək qərarına gəlib. Bu zaman o, sağ əlində olan dəhrəni iki əli ilə tutaraq Dəmir Eyvazovun kürək nahiyəsinə bir zərbə endirib. Zərbə nəticəsində Dəmir Eyvazov əllərini yerə qoyaraq ayağa qalxmağa çalışıb. Bu zaman Dəmir Eyvazov yenidən Teymur Səfərəliyevin ailə üzvlərinin ünvanına nalayiq ifadə işlədib. Lakin aldığı xəsarətin təsirindən müvazinətini itirən zərərçəkmiş üzüüstə yerə yıxılıb.

Bundan sonra təqsirləndirilən şəxs onu öldürmək məqsədilə dəhrəni yenidən hər iki əli ilə tutaraq yerdə üzüüstə uzanmış vəziyyətdə olan Dəmir Eyvazovun baş nahiyəsinə ardıcıl zərbələr endirib.

Beləliklə, onun başının müxtəlif nahiyələrinə ümumilikdə 4 zərbə, əvvəlki zərbə ilə birlikdə isə cəmi 5 zərbə vurulub.

İttihamda qeyd olunur ki, zərbələrdən hər biri ayrılıqda ölüm törədə biləcək xarakterdə olub.

Nəticədə Dəmir Eyvazova açıq kəllə-beyin travması, baş beyinin ağır dərəcəli əzilməsi, baş beyin toxumasına və qişalarına qansızma, kəllə qapağı sümüklərinin qəlpəli sınığı, sol 11-ci qabırğanın onurğa sütununa yaxın hissədən kəsilməsi və digər ağır xəsarətlər yetirilib. Hadisə zamanı Dəmir Eyvazov aldığı xəsarətlərdən həyatını itirib.

Beləliklə, Teymur Səfərəliyev həmkəndlisini qisas almaq niyyəti ilə çox sayda zərbə endirərək qəsdən öldürüb.

Xəbərin oxunma sayı : 139