AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Tramp niyə Hindistanı seçdi? - 4 səbəb


Tarix 25.02.20, 15:45	Font ölçüsü : - / +

ABŞ-da noyabr ayında keçiriləcək prezident seçkisi kampaniyasının qızğın çağında Ağ Ev sahibi Donald Tramp, xanımı və böyük heyətlə Hindistana iki günlük səfər etdi. Maraqlıdır ki, Tramp bu ərəfədə niyə məhz Hindistanı seçdi?

“Atlas” Araşdırmalar Mərkəzi bunun birinci səbəbi kimi əhalisinin sayına görə Çindən sonra dünyanın ikinci ən böyük dövləti olan Hindistanda Donald Trampa simpatiya böyük olması ilə izah edir. Hindistan həm də əhalisinin sayına görə dünyanın ən böyük demokratik ölkəsi sayılır. Təsadüfi deyil ki, Hindistanın baş naziri Narenda Modi sosial şəbəkədə yazdığı statusda Hindistanla Amerikanı demokratiya və fikir müxtəlifliyinə sadiq dövlətlər adlandırdı. Çindən fərqli olaraq, Hindistanda müxtəlif siyasi partiyalar var və seçkilər şəffav keçirilir. Ona görə də Amerika prezidentləri illərdir səfər yeri kimi Çini deyil Hindistanı seçirlər.

İkinci səbəb kimi Hindistan əhalisinin təxminən 50 faizinin Trampı dəstəkləməsi göstərilir. Bu, yüz milyonlarla insan deməkdir. Təsadüfi deyil ki, Trampın səfərinə başladığı Əhmədabat şəhərində 22 kilomert boyu Ağ Ev sahibini yüz minlərlə insan qarşılayıb. Tramp hakimiyyətdə olduğu dövrdə ilk dəfəydi bu cür qarşılanma mərasimiylə üzləşirdi. Bu cür qarşılanmadan sonra Tramp şəhərin yüzminlik stadionunda hidistanlılar qarşısında nitq söyləyib. Tramp bəlkə də Amerikada öz ünvanına bu qədər insandan eşitmədiyi tərif dolu sözləri stadionda hindistanlıların dilindən eşidib: “Tramp, biz Səni sevirik!”.

Üçüncü səbəb kimi hakimiyyətə gəldiyi gündən bu yana bir çöx dövlətə qarşı iqtisadi sanksiyalar tətbiq edən Donald Trampın Hindistanla bağlı fərqli sityasət yürütməsi göstərilir.

Vaşinqton yalnız Çinə qarşı deyil, qonşusu olan Meksika və Kanadaya qarşı da sərt ticarət tələbləri irəli sürdü. Tramp hətta NATO-dakı tərəfdaşlarını da zaman-zaman hədələdi. Hindistan bəlkə də yeganə böyük ölkədir ki, Trampın bu dövlətə qarşı heç bir sərt tələbi olmayıb. Əksinə, Amerika ilə Hindistan arasında ticarət əlaqələrinin miqyası artır. Amerika Hindistanın əsas ticarət tərəfdaşıdır.

Dördüncü səbəb kimi isə Hindistan Amerika ilə hərbi əməkdaşlığı inkişaf etdirmək istəməsi göstərilir. Hindistan tək-tük ölkələrdəndir ki, həm Rusiyadan, həm də Amerikadan silah alır. Bu dəfə Donald Tramp Hindistana 3 milyard dollar dəyərində helikopterlər satmağı planlaşdırır. Amerika 2007-ci ildən bu yana Hindistana 17 milyard dollar həcmində hərbi texnika satıb.

Donald Trampın Hindistana səfərini diqqətlə izləyən 3 dövlətin adını çəkmək olar: Çin, Pakistan və Rusiya. Birinci iki dövlətin qonşu Hindistanla münasibətləri soyuqdur. Ona görə də Trampın Hindistana səfərini və imzalanan hərbi anlaşmaları həm İslamabad, həm də Pekin özləri üçün təhlükə kimi qiymətləndirəcəklər.

Rusiyaya gəldikdə isə Moskva da Trampın Hindistanda bu cür sevgi ilə qarşılanmasından narahat olmaya bilməz. Rusiya prezidenti Vladimir Putin Hindistana səfəri zamanı Tramp qədər coşquyla qarşılanmamışdı. Digər tərəfdən Hindistana ən çox hərbi texnika satan ölkə Rusiyadır. Amerika bu bazarda Rusiyanı sıxışdırmağa çalışır. Bu da Kremli narahat etməyə bilməz.

Xəbərin oxunma sayı : 730