AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Vətəndaş prezidentə şikayətini necə çatdıra bilər - Deputat bunun yollarını göstərdi


Tarix 14.11.19, 11:53	Font ölçüsü : - / +

"Bir daha vətəndaşlara müraciət etmək istəyirəm, əgər görsəniz ki, rəhbər şəxslər əyri yola gedirlər, mütləq məlumat verin” - prezident İlham Əliyev İlqar Abbasovu Şirvan şəhər, Mərdan Camalovu Zərdab, Əziz Əzizovu Bakının Suraxanı, Elşad Həsənovu Yasamal, Rafiq Quliyevi Xətai rayonlarının icra hakimiyyətlərinin başçıları vəzifələrinə təyin olunmaları ilə bağlı qəbul edərkən belə deyib.

Dövlət başçısı icra başçılarına xitabən bildirib ki, onlar peşəkar olmalıdırlar, bilikli olmalıdırlar və onlar işlədikləri rayonda, şəhərdə nüfuz qazanmalıdırlar.

"Bu, onların sırf öz işindən asılıdır. Prezidentin etimadı artıq xalqa bir mesajdır ki, prezident bu şəxslərə etimad göstərir. Ancaq bu etimad mütləq deyil, bu gün var, sabah olmaya bilər. Bu, artıq sizin işinizdən asılıdır. Siz işi elə qurmalısınız ki, vətəndaşlar sizi dəstəkləsinlər, sizə dayaq olsunlar. Əgər siz hansısa bəd əmələ düçar olsanız, əlbəttə ki, biz dərhal bundan xəbər tutacağıq və cəzanızı alacaqsınız. Elə işləməlisiniz ki, xalq sizdən razı olsun. İlk növbədə, xalqa xidmət etmək və öz vəzifənizin öhdəsindən peşəkarcasına gəlmək sizin borcunuzdur. Digər tərəfdən, rəhbərlik edəcəyiniz şəhər və rayonlarda xoşagəlməz hallara qarşı çox ciddi mübarizə aparmalısınız. Korrupsiya, rüşvətxorluq Azərbaycanın gündəliyindən silinməlidir. Düzdür, elə ölkə yoxdur ki, bu problem orada olmasın. Amma əsas məsələ ondadır ki, rəhbərlik və hakimiyyət, o cümlədən yerli icra orqanları bu məsələyə necə münasibət göstərirlər. Əgər gözlərini yumurlarsa, yaxud da ki, özləri bu çirkin işlərə qarışırlarsa, əlbəttə ki, layiqli cəzalarını da alacaqlar və almalıdırlar. Bir daha vətəndaşlara müraciət etmək istəyirəm, əgər görsəniz ki, rəhbər şəxslər əyri yola gedirlər, mütləq məlumat verin, mütləq xəbər göndərin və biz, əlbəttə ki, bütün siqnalları yoxlayıb düzgün qərar qəbul edəcəyik” -deyə ölkə başçısı qeyd edib.

Deputat Aydın Mirzəzadə hesab edir ki, prezidentin məlum müraciəti onun xalqla sıx birliyini göstərir: "Cənab prezidentin vətəndaşlara məlum çağırışı aparılan siyasətin yerlərdə vətəndaşın maraqlarına nə dərəcədə cavab verdiyini öyrənmək istəyindən irəli gəlir. Vətəndaşlar bu çağırışı dəstəkləyirlər”.

Aydın Mirzəzadə prezidentə müraciət etmənin formalarından danışarkən deyib ki, ən asan üsul president.az saytında "Müraciətlər” bölümünə daxil olub orada "Prezidentə məktub yazmaq” düyməsini seçməkdən keçir: "Vətəndaş bu yolla sərbəst qaydada müraciətini prezidentə yollayır. Vətəndaş prezidentə məktub və teleqram vasitəsilə də müraciət edə bilər. Eyni zamanda yerlərdə Prezident Administrasiyasının nümayəndələri, nazirlər, ayrı-ayrı təşkilat rəhbərləri də vətəndaşları qəbul edib dinləyirlər. Vətəndaşlar sosial şəbəkə vasitəsilə də prezidentə müraciət edə bilərlər. Bunun üçün cənab prezidentin sosial şəbəkədə olan hesablarının mesaj bölməsinə yaza bilərlər. Prezidentin sosial media hesabları kifayət qədər aktivdir və burada yazılan müraciətlərə reaksiya verilir.

Cənab prezident bu yaxınlarda bildirdi ki, rayonların birində ciddi problemlə bağlı mətbuatdan xəbər tutub. Həmin problemin həlli üçün tapşırıq verilib. Bu, açıq cəmiyyət olduğumuzu, vətəndaşla hakimiyyət arasında böyük bir əlaqə körpünün olduğunu göstərir. Cənab prezident vətəndaşların müraciətlərinin araşdırılmasında, problemlərinin həll olunmasında maraqlıdır.

Vətəndaşlar problemləri ilə bağlı, yerlərdə məmurların qanunsuz əməlləri ilə üzləşərlərsə, çəkinmədən mətbuat vasitəsilə ölkə başçısına müraciət edə bilərlər. Prezident müsahibə və çıxışlarında dəfələrlə medianı izlədiyini bildirib".

Aydın Mirzəzadə deyir ki, mətbuatda dərc olunan materiallar oxunur, analiz edilir, diqqətə götürülür: "Mən çox bəyənirəm ki, Daxili İşlər Nazirliyi vaxtaşırı bu və ya digər yerdə qanun pozuntusu ilə bağlı yayılan videolara operativ reaksiya verir. Mətbuat, sosial şəbəkə diqqətdə saxlanılır. Qaldırılan məsələ öyrənilir, məsələlərin həll edilməsi dövlətçiliyimizin möhkəm olması deməkdir. Vətəndaşımızın dövlətə, hakimiyyətə inamının möhkəmlənməsi deməkdir”. (musavat.com)

Xəbərin oxunma sayı : 337