Qaynarinfo xəbər verir ki, İmanov Rizvan Gülümxan oğlu adlı vətəndaş Murad Məlikovu məhkəməyə verib. İddia Bakı Kommersiya Məhkəməsinin hakimi Zeynəb Axundovanın icraatındadır. 

İşin mahiyyəti korporativ mübahisələrdən ibarətdir. Rizvan İmanov Murad Məlikovla yanaşı, "Aqro-Mur” MMC-ni də məhkəməyə verib.

Araşdırmalarımız zamanı bəlli olub ki, Rizvan İmanov "Aqro-Mur” MMC-nin qanuni təmsilçisidir. Onun qanuni təmsilçisi olduğu şirkəti məhkəməyə verməsi maraq doğruduğundan araşdırmalarımız davam edib və aydın olub ki, əslində sözügedən MMC-nin təsisçisi Murad Məlikvodur. Şirkətin adındakı "Mur” ifafdəsi də onun adının ilk üç hərfidir. 

Bundan əvvəl Murad Məlikov Qaybalıyev Xaqani Alcan oğlu tərəfindən məhkəməyə verilmişdi. Bu işdə cavabdehlərdən biri də "Aqro Səlyan” MMC-dir. Xaqani Qaybalıyevin özü isə "Şəmkir Aqropark”ın direktoru vəzifəsində çalışıb. 

Həmçinin Nağıyev Oqtay Rüfət oğlu adlı şəxs Əbülfəz Məlikovu, "MA Group” və "Agro Land MMC” şirkətlərini də məhkəməyə verib. Ehtimal olunur ki, "Aqro Səlyan”, "MA Group” və "Aqro Land MMC” şirkətləri də Məlikovlara məxsusdur. 

Əbülfəz Məlikov Dövlət Təhlükəsizliyi Xidmətində (DTX) Dövlət Gömrük Komitəsinin (DGK) yüksək vəzifəli şəxsləri barəsində davam edən cinayət işi çərçivəsində saxlanılıb. O, Cinayət Məcəlləsinin 209.3 (gömrük ödənişlərinin ödənilməsindən yayınma, xüsusilə külli miqdarda törətdikdə), 213.3 (vergiləri ödəməkdən yayınma - xüsusilə külli miqdarda törədildikdə) və 313 (vəzifə saxtakarlığı) maddələri ilə cinayət əməli törətməkdə şübhəli bilinir.