AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

İsrail Livanda quru əməliyyatı keçirir – Nə məlumdur?


Tarix 01.10.24, 10:27	Font ölçüsü : - / +

İsrail ordusu Livanın cənubundakı sərhəd bölgələrində məhdud quru əməliyyatına başlayıb.

Yeniavaz.com xəbər verir ki, ordunun mətbuat xidmətinin açıqlamasına görə, hədəf “Hizbullah” şiə təşkilatının silahlı birləşmələrinin obyektləridir.

Ərəb televiziya kanalları İsrailin hava hücumları ilə sərhəd yaxınlığındak əraziləri atəşə tutduğunu bildirib. Bundan əlavə, İsrail Suriyaya da hava hücumu həyata keçirib.

Nə məlumdur?

İsrail ordusunun artilleriyası və tankları bazar ertəsi axşam saatlarında Livanın sərhəd rayonlarını intensiv atəşə tutub.

“Reuters” agentliyinin məlumatına görə, Livan ordusunun bölmələri, qoşunlarının mümkün itkiləri ilə bağlı xəbərlər fonunda İsraillə sərhəddən 5 kilometr içəriyə çəkilib.

İsrail qırıcıları Livanın paytaxtına səkkiz reyd keçirib. Beyrutun cənub kənarındakı El Mreyc bölgəsində səkkiz binadan ibarət yaşayış kompleksi dağıdılıb . Ruveys məhəlləsində və Rafik Həriri Beynəlxalq Hava Limanına gedən magistral yolda yerləşən Bürc əl-Barajna qaçqın düşərgəsində güclü partlayış səsləri eşidilib.

Beyrut sakinləri İsrail komandanlığı tərəfindən aviazərbələr barədə əvvəlcədən xəbərdar edilib və bombardman başlamamış təhlükə zonasını tərk edə biliblər.

İsrail qırıcısı Livanın cənubundakı Səidə şəhərinin kənarında yerləşən Ayn əl-Hilve adlı fələstinli qaçqınların böyük düşərgəsini vurub. Beş yerli sakin həlak olub. Fələstinin Fəth hərəkatının yüksək rütbəli komandiri Munir əl-Maqdah yaralanıb.

İsrailin Suriyaya hava hücumu

İsrail Hərbi Hava Qüvvələri Dəməşqin qərb bölgələrinə hücum edib, təyyarələr şəhərə dörd dəfə raket zərbələri endirib. Üç mülki şəxs həlak olub, daha 9 nəfər yaralanıb. İnfrastruktura ciddi ziyan dəyib.

Suriyanın hava hücumundan müdafiə sistemləri, ölkənin Müdafiə Nazirliyinin məlumatına görə, düşmənin raket və pilotsuz təyyarələrinin əksəriyyətini vurub.

“Al Hadath” telekanalı iddia edir ki, hücumda məqsəd tanınmış siyasətçi və ya hərbçini öldürmək olub.

İsrailə məxsus pilotsuz uçan aparat Dimas şəhərinə hava hücumu həyata keçirib. Suriya prezidentinin qardaşı briqada generalı Mahir Əsədin komandanlıq etdiyi elit 4-cü zirehli diviziyanın hədəflərindən biri vurulub. İsrail daha əvvəl Mahir Əsədi İran silahlarının Suriyadan Livana şiə milisləri Hizbullah üçün ötürülməsinə yardım etməkdə günahlandırmışdı.

Beynəlxalq reaksiya

ABŞ-nin müdafiə naziri Lloyd Ostin israilli həmkarı Yoav Qalant ilə Livandakı vəziyyəti və yəhudi dövlətinin hərbçiləri tərəfindən həyata keçirilən əməliyyatları müzakirə edib. Onlar Livan “Hizbullah”ının keçən il oktyabrın 7-də Qəzzadan həyata keçirilən hücuma bənzər İsrailin şimalındakı yaşayış məntəqələrinə hücum etmək imkanından məhrum etmək üçün sərhəd boyunca hücum infrastrukturunun məhv edilməsinin zəruriliyi barədə razılığa gəliblər.

Fransa vətəndaşlarının təxliyyə edilməsi üçün Livan sahillərinə hərbi gəmi göndərəcək. Livanda 23 minə yaxın Fransa vətəndaşı yaşayır.

Suriya və digər ölkələrlə sərhəddə olan İraq qoşunları tam döyüş hazırlığı vəziyyətinə gətirilib.

Xəbərin oxunma sayı : 1219