Bu barədə jurnalistlərə çərşənbə axşamı Rusiya xarici işlər naziri Sergey Lavrov bəyan edib. Xəbəri oktyabrın 12-də TASS agentliyi yayıb.

«Rusiya dünyanın əksər ölkələri kimi, Tayvanı Çin Xalq Respublikasının bir hissəsi hesab edir. Biz, bu prinsipdən çıxış edirik və siyasətimizi də bu prinsip əsasında qururuq» - Lavrov deyib.

Tayvan 1949-cu ildən öz administrasiyası tərəfindən idarə olunur. O zaman Çan Kayşi (1877-1975) başda olmaqla Qomindon qüvvələrinin qalıqları vətəndaş müharibəsində məğlub olaraq, adaya qaçıblar. O vaxtdan bəri orada əvvəlki Çin Respublikasının bayrağı və digər atributları saxlanır. Həmin dövlət kommunistlərin hakimiyyətə gəlməsinə qədər materikdə mövcud olub. Pekinin rəsmi mövqeyinə əsasən, əksər ölkələr tərəfindən, o cümlədən Rusiya tərəfindən dəstəklənən mövqeyə görə, ada Çinin əyalətlərindən biri hesab edilir.