AzFakt.com xəbər verir ki, bunu politoloq Elxan Şahinoğlu V.Putinin Monoqlustana nəzərdə tutulan səfəri ilə bağlı yaranmış vəziyyəti şərh edərkən deyib.

Ekspert xatırladır ki, Monqolustan Roma statutuna qoşulanda Putinin bu ölkəyə səfəri mövzusu müzakirə predmeti deyildi: “Bəlkə də Ulan-Bator Putini Monqolustana Roma statutuna qoşulmadan əvvəl dəvət edib. Monqolustan Çingizxanın dövründəki imperiya deyil ki, Rusiya Prezidentinin əllərini qandallayıb Beynəlxalq Məhkəməyə təhvil versin. BRİCS-in zirvə toplantısı Cənubi Afrika Respublikasında keçiriləndə bu ölkənin dövlət başçısı Putin zəng edərək, ona açıq dedi ki, tədbirə gəlməməyiniz məsləhətdir, onlayn qoşulun. Çünki Cənubi Afrika Respublikası da Roma statutuna qoşulub. Putin ora getmədi”.

Ekspert qeyd edir ki, Monqolustan Cənubi Afrika Respublikası deyil, Rusiya və Çin arasında sıxılıb qalmış ölkədir. Onun sözlərinə görə, Monqolustanı pis vəziyyətə salan Putindir.

“O bu ölkəyə səfərə getməyə də bilərdi. Bu ölkə ilə iqtisadi mövzuları Rusiyanın Baş naziri Mişustin müzakirə edə bilərdi. Putin Monqolustana getməklə beynəlxalq aləmə mesaj göndərib ki, Roma statutunu saymır və onu imzalayan ölkə Rusiya prezidentini həbsinə risq etməz”, - E.Şahinoğlu əlavə edib.