AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Ukrayna Kursk planlarını Qərbdən gizlədib - “Bloomberg“


Tarix 15.08.24, 13:31	Font ölçüsü : - / +

Ukrayna hücum planlarını qoşunları Rusiyaya girənə qədər Qərbdən gizli saxlayıb.

"Bloomberg"in Qərb kəşfiyyatındakı mənbəyə istinadən yazdığına görə, Ukraynanın qərbli müttəfiqləri onun Kursk bölgəsinə hücumunun təfərrüatlarını tam sürətlə davam edənə qədər bilməyiblər.

Ukraynalılar avqustun 6-da Rusiyaya qurudan hücuma başlayıb. Hücum Ukraynanın Qərb tərəfdaşlarına da təsir edən qatı müharibə dumanı ilə örtülüb.

Məlumatlar Rusiya rəsmiləri, rus hərbi bloqçuları və sosial şəbəkələrdəki yazılar vasitəsilə daxil olub, onların çox az hissəsini müstəqil şəkildə yoxlamaq mümkün olub. Ukraynalılar rəsmi olaraq konkret açıqlamalar olmadan təcrid olunmuş bəyanatlar veriblər. Ancaq ortaya çıxan mənzərə böyük miqyasda diqqətlə planlaşdırılmış bir əməliyyatdır.

Ukrayna Kurska zərbə də daxil olmaqla bir neçə ideya üzərində düşünüb, - planla tanış olan və adı açıqlanmayan Qərb rəsmisi deyib. Müttəfiqlər basqına faktdan sonra, hücum tam sürətlə davam edərkən reaksiya veriblər.

Ağ Evin sözçüsü Karin Jan-Pier bildirib ki, Birləşmiş Ştatlar Ukraynadan strateji məqsədləri və planları haqqında daha çox məlumat tələb edəcək. Deməli, o zaman Ukrayna artıq ABŞ-a müəyyən məlumat veribmiş.

Prezident Volodimir Zelenski çərşənbə axşamı bildirib ki, onun qoşunları bölgədəki 74 yaşayış məntəqəsinə nəzarət edir, Ukrayna Silahlı Qüvvələrinin baş komandanı Aleksandr Sırski isə Ukraynanın təxminən 600 kvadrat kilometr əraziyə sahib olduğunu açıqlayıb.

Bu arada, Rusiya Federasiyasının Kursk və Ukrayna ilə həmsərhəd olan Belqorod vilayətinin qubernatoru fövqəladə vəziyyət elan edib.

Ukraynanın NATO-dakı müttəfiqləri, keçən həftə Avropa Komissiyasının Ukraynanın Rusiya torpaqlarında əməliyyat keçirmək üçün "qanuni hüququ" olduğunu bildirmələri istisna olmaqla, hücumla bağlı əsasən susublar.

Ukraynanın Kurskdakı hərəkətlərini və döyüş meydanında qərarların qəbulunu Qərb müttəfiqlərindən asılı olmayan kimi göstərməkdə böyük marağı var. Prezident Vladimir Putin bazar ertəsi hücumun "Qərb"in əliylə olduğunu təkid edib.

"Düşmən Qərb ağalarının köməyi ilə onların göstərişlərini yerinə yetirir, Qərb isə ukraynalılardan istifadə edərək bizə qarşı müharibə aparır”, - Putin bildirib.

Bu, tanış xəttdir - Putin və onun müttəfiqləri uzun müddətdir ki, Ukraynaya dəstəyi bir oyuncaq kimi göstərməyə çalışırlar. Qərb ölkələri deyirlər ki, dəstək versələr də, Ukrayna müharibəni təkbaşına aparır.

Kurskda əməliyyat - son xəbərlər

UNİAN-ın xəbərinə görə, avqustun 13 və 14-də Ukrayna Silahlı Qüvvələri Rusiya Federasiyasının Kursk vilayətinə doğru irəliləyib. Ukraynalılar bir sıra yaşayış məntəqələri yaxınlığında əhəmiyyətli ərazi uğurları əldə ediblər. Eyni zamanda ruslar səngərlər qazır və Ukrayna Silahlı Qüvvələrinin sıçrayışı genişləndirəcəyindən qorxurlar.

Öz növbəsində, Prezident Aparatı rəhbərinin müşaviri Mixail Podolyak əmindir ki, Ukrayna Silahlı Qüvvələrinin Kursk vilayətinə daxil olmaq qərarının effektivliyi göz qabağındadır. Onun sözlərinə görə, Bu əməliyyatın qlobal mənası böhran vəziyyətlərinə operativ reaksiya verməyə hazır olmaq nöqteyi-nəzərindən, daxili məkana nəzarət baxımından "Rusiyanın hərbi baxımdan uğursuzluğunu göstərmək”dir.

Xəbərin oxunma sayı : 1069