AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“BANK VTB”-də nə baş verir? - Bankın sədri məhkəməyə verilib


Tarix 22.01.21, 22:00	Font ölçüsü : - / +

Tanınmış hüquqşünas Əkrəm Həsənov özünün “feysbuk” səhifəsində “Bank VTB” ilə bağlı maraqlı məlumat paylaşıb.

“AzPolitika.info” xəbər verir ki, hüquqşünas bankın idarə rəisi ilə “Bank VTB” (Azərbaycan) ASC-nin rəhbəri arasında məhkəmə çəkişməsi yarandığını bildirib. Hüquqşünas qeyd edib ki, Azərbaycanda ən çox problemli kreditləri olan bankın idarəçiliyində baş verənlər ciddi araşdırma tələb edən mövzudur.

Həmin paylaşımı təqdim edirik: “Rusiyanın VTB Qrupunun ölkəmizdəki törəməsi Bank VTB (Azərbaycan) ASC-də çox maraqlı hal baş verib. Təhlükəsizlik idarəsinin rəisi Zahid Səmədzadə 19 yanvar tarixində işlədiyi banka və onun İdarə Heyətinin sədri Yevgeniy Kirinə qarşı iddia ilə Nəsimi rayon məhkəməsinə müraciət edib (iş № 2(006)-1956/2021, hakim Natavan Tağıyeva). Xeyr, əmək mübahisəsi deyil. Elektron məhkəmə sistemindən görünür ki, işin mahiyyəti mülki hüquq pozuntularından (deliktlərdən) əmələ gələn öhdəliklər üzrə mübahisədir və iddiaçı mənəvi zərərin ödənilməsini tələb edir.

Ölkə tarixində hələ belə iddia olmamışdı! Görəsən, bank və onun rəhbəri Təhlükəsizlik idarəsinin rəisinə necə mənəvi zərər vura bilərdi axı? Vurubsa belə, bankda işləyə-işləyə həmin şəxs necə cürət edib bankı və onun rəhbərini məhkəməyə verib axı? Güman edirəm ki, jurnalistlərimiz bu iş üzrə araşdırma apararaq suallarına cavab tapa biləcəklər.

Hər bir halda görünən odur ki, bu bankın daxilində ciddi toqquşmalar gedir. Bank yarandığı andan da belə olub. Orada 5 rəhbər dəyişib. Dəyişməyən təkcə Təhlükəsizlik idarəsinin rəisidir: bütün rəhbərləri bir-bir yola salır, onlar isə ona heç nə edə bilmir, çünki birbaşa Moskvadakı baş banka tabedir. Düz 10 il əvvəl Səmədzadəyə satınalmada yol verdiyi pozuntuya görə töhmət də elan olunmuşdu. Buna görə də o zaman bankı məhkəməyə vermişdi. Moskvanın göstərişi ilə töhmət ləğv olundu və o, iddianı geri götürdü. Yəni bankda kifayət qədər güclü şəxsdir və idarəetmənin bütün sahələrinə, o cümlədən kreditlərin verilməsinə ciddi təsir edə bilir.

Yeri gəlmişkən, bu bank ölkəmizdə ən iri problemli kreditlər portfeli olanlardandır. Ötən ilin 9 ayının nəticəsinə görə verdiyi 243 mln. manat məbləğində kreditlərin 161 mln. manatı (yəni 2/3 hissəsi) problemli idi. Özü də bu kreditlərin adekvat təminatı da yoxdur: götürdüyü girovlar, bir qayda olaraq, verilən kredit məbləğlərindən bir neçə dəfə azdır. Təbii, belə vəziyyət ilk növbədə bankın təhükəsizlik sisteminə dair əsaslı suallar yaradır…

P.S. Bir sözlə, çox maraqlı məhkəmə prosesi ola bilər. Əlbəttə, əgər Moskvanın göstərişi ilə bankın rəhbəri tabeliyində olan Səmədzadənin istədiyini etməsə və o da iddiasını geri götürməsə. Bir də gördüz ki, bu rəhbəri də yola saldılar və problemli kreditlərin həddi növbəti rekordu vurdu!”

Xəbərin oxunma sayı : 568