Dövlət Departamentinin nümayəndəsi bildirib ki, Endryu Şofer öz vəzifəsini yerinə yetirdi və indi Lora Okla ATƏT-in Minsk Qrupunun ABŞ-dan olan həmsədridir.

Xəbərə görə, həmin mənbədən daha sonra bunlar bildirilib: “İyunun 21-də xanım Okla Ermənistan və Azərbaycan üçün davamlı sülhün bərqərar olması ilə bağlı Avropa İttifaqı və fransalı həmkarları ilə görüşmək üçün Brüsselə gedib. O, iyunun 27-də Minsk Qrupunun fransalı həmsədri və ATƏT-in fəaliyyətdə olan sədrinin şəxsi nümayəndəsi ilə telefonla danışıb. Təəssüf ki, rusiyalı həmsədr onun dəvətini qəbul etməyib”.

Rəsmi Bakı Qarabağ probleminin tam və hərtərfli həllində Minsk Qrupunun hər hansı rolunu görmədiyini bəyan edib. Azərbaycan rəhbərliyi bildirir ki, vasitəşilər ancaq Azərbaycan və Ermənistan arasında münasibətlərin normallaşması prosesində iştirak edə bilər.