AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Bayden Putini necə dayandırmağı planlaşdırır? - Moskvaya qəti xəbərdarlıq


Tarix 04.12.21, 12:23	Font ölçüsü : - / +

ABŞ Prezidenti Co Bayden deyib ki, Rusiyanın qonşusu Ukraynaya qarşı hərbi eskalasiyasını çox-çox çətin edəcək təşəbbüslər hazırlayır. Bundan az əvvəl Kiyev Rusiyanın Ukrayna sərhədlərinin yaxınlığında böyük hərbi qüvvə toplamasından və onun gələn ay mümkün hücumundan narahatlığını bildirmişdi.

ABŞ Prezidentinin xəbərdarlığı Rusiya rəsmilərinin Bayden və Rusiya Prezidenti Vladimir Putin arasında videodanışıqların yaxın günlərdə gözlənildiyini bildirdikləri vaxta təsadüf edib.

Bayden deyib ki, o hazırda Putinin qorxulan addımı atmasını çətin, son dərəcə çətin edəcək ən geniş və ən mənalı təşəbbüslər paketi hazırlayır. Bayden jurnalistlərə deyib ki, onun administrasiyası vəziyyətlə bağlı Ukrayna və Avropa müttəfiqləri ilə daimi əlaqədədir.

Bundan əvvəl Rusiyanın Ukraynaya yaxın bölgələrdə 90 minədək əsgəri qüvvə topladığı xəbər verilmişdi.

Rusiya 2014-cü ildə Ukraynanın Krım yarımadasına müdaxilə edib. Bunun ardınca yarımada ilhaq olunub və Ukraynanın şərqində rusiyayönlü separatçılıq baş qaldırıb. NATO və Qərb liderləri bundan əvvəl dəfələrlə Rusiyanın hərbi eskalasiyanı artırmasının nəticələri barədə xəbərdarlıq ediblər.

Dekabrın 3-də Ukraynanın müdafiə naziri Oleksiy Reznikov millət vəkillərinə deyib ki, kəşfiyyat Rusiya tərəfindən geniş hərbi eskalasiyanın baş verə biləcəyini bildirib. Nazir parlamentdə etdiyi çıxışda deyib ki, kəşfiyyat belə bir eskalasiyanın yanvarın sonlarında ola biləcəyi qənaətindədir. O bildirib ki, hərbi eskalasiya təhlükəsinin azaldılmasının ən münasib yolu müttəfiqlərlə işləmək və mümkün təcavüzün təcəvüzkara baha başa gəlməsinə çalışmaqdır.

Bu arada Putinin köməkçisi Yuri Uşakov deyib ki, Putin və Bayden arasında videodialoqun konkret günü və saatı məlumdur, amma rəsmi məlumatdan əvvəl belə bir danışıqların bütün parametrləri amerikalılarla razılaşdırılmalıdır. Onun sözlərinə görə, yalnız bundan sonra videokonfransın vaxtı barədə rəsmi məlumat veriləcək.

Uşakov deyib ki, Putin Baydenlə söhbət zamanı NATO-nun şərqə doğru genişlənməsini və Ukrayna da daxil, qonşu ölkələrdə bizə hədə yaradacaq silah sistemlərinin yerləşdirilməsini hüquqi baxımdan istisna edən öhdəlik götürülməsini tələb edəcək.

Bəzi məlumatlara görə, Putin dekabrın 3-də Türkiyə Prezidenti Rəcəp Tayyip Ərdoğanla danışıb və Ukraynanın, Donbas münaqişəsində Türkiyə istehsalı dronlardan istifadə etməsindən narazılığını bildirib.

Lakin Ankaradan alınan rəsmi məlumatda iki liderin Suriya və Liviyanı müzakirə etdikləri bildirilir. (azadliq.org)

Xəbərin oxunma sayı : 898