AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

PKK terrorçuları İraqdan Qarabağa köçürülür - Sensasiyalı faktlar


Tarix 18.09.20, 12:11	Font ölçüsü : - / +

Ermənistan durmadan müharibəyə hazırlaşır. Artıq aydındır ki, bu ölkənin hakimiyyəti 90-cı illərin əvvəllərində sınaqdan keçirilmiş taktikanı- Yaxın Şərq ölkələrindən terrorçuların və muzdluların cəlb edilməsi taktikasını istifadə etməyə hazırlaşır.

İraq, Suriya və Livanın erməni icmaları ilə humanitar əməkdaşlıq, habelə müharibələrdən və fəlakətlərdən zərər çəkmiş ermənilərə dəstək adı altında artıq beşinci ildir ki, Azərbaycanın işğal edilmiş ərazilərinə həmin ölkələrdən etnik ermənilərin köçürülməsi davam edir. Təkcə bu faktın özü qanunsuzdur, işğal edilmiş ərazilərə dair beynəlxalq konvensiyalara ziddir. Lakin beynəlxalq ictimaiyyətdən nəinki Qafqaz regionunun, eləcə də yaxın region ölkələrinin təhlükəsizliyini təhdid edə biləcək daha bir cinayətkar prosses gizlədilir. Ermənistan işğal edilmiş ərazilərə Yaxın Şərqdən terrorçu qruplaşmaların yaraqlılarını da yerləşdirir.

İraq hökumətinə yaxın mötəbər qaynaqlardan virtualaz.org və haqqin.az saytlarına məlum olub ki, Ermənistanın bu ölkədəki səfiri Qraçya Poladyanın vasitəçiliyi ilə bu ilin yayında Yerevan hakimiyyəti kürd təşkilatları ilə əlaqə qurub. Və Dağlıq Qarabağda PKK kürd terror təşkilatının yaraqlılarının yerləşdirilməsi haqda razılaşma əldə edib.

Səfir Qraçya Poladyan

Buna Ermənistanın İraqdakı səfiri işlədiyi iki ildən də az müddətdə Q.Poladyanın İraq Kürd muxtariyyətinə dəfələrlə baş çəkməsi də sübutdur. Üstəlik bu səfərlər heç cür elan edilən məqsədlərə-yerli administrasiya ilə əlaqələr qurmağa və Ermənistanın Ərbildə konsulluq binasının tikintisi ilə tanış olmağa cavab verməyib.

Bununla belə qeyd etmək lazımdır ki, Poladyan bu ilin iyul ayında növbəti dəfə Ərbildə olanda apardığı danışıqlar uğursuz olub. İraq Kürd muxtariyyətinin rəhbəri Neçirvan Bərzaninin və onun müşavirləri Hemen Həmrani ilə Fələh Mustafanın sərəncamları ilə Ermənistan səfirinin PKK yaraqlılarının işğal edilmiş Qarabağa göndərilməsi kanalını qurmağa kömək göstərilməsi barədə xahişi rədd edilib. Səfir kürd administrasiyası rəhbərliyini inandırmağa çalışırdı ki, PKK yaraqlıları Qarabağda Türkiyəyə qarşı fəaliyyət göstərəcəklər. Kürd administrasiyası isə erməni diplomatı tərəfindən təklif edilən bu cür beynəlxalq miqyaslı avantüraya cəlb olunmaq istəməyib.

Ərbildə öz məqsədinə nail ola bilməyən Poladyan PKK-ın dayağı olan Süleymaniyyəyə yollanıb. Burada ona erməni xüsusi xidmət orqanlarının və hərbi kəşfiyyatının İraqa qonşu İran ərazisindən keçən nümayəndələri də qoşulublar. Bu, Ermənistan səfirinin Süleymaniyyəyə ilk səfəri deyildi və Poladyan artıq orada Bərzani ailəsinin rəhbərlik etdiyi Kürd Demokratik Partiyasının düşməni olan Kürd Vətənpərvərlər İttifaqı -Türkiyə ilə qatı düşmənçilik münasibətlərində olan marksist yönümlü siyasi partiya ilə əlaqələr yarada bilmişdi.

Araz Şeyx Cəngi Tələbani

Məlumdur ki, ermənilər tərəfindən tərəfdaş kimi seçilən Kürd Vətənpərvərlər İttifaqı Rusiya ilə çoxdandır yaxşı, sınaqdan keçirilmiş əlaqələrə malikdir və hətta rus dilində “Yeni Kürdüstan” qəzeti nəşr edir. Və Poladyanın terrorçularla əlaqələr qurmasına Rusiya ali məktəblərindən birinin məzunu, Kürd Vətənpərvərlər İttifaqının əsasını qoyan Cəlal Tələbaninin qohumu və partiyanın ali şurasının üzvü olan, rus dilində sərbəst danışan Araz Şeyx Cengi Tələbani kömək edib.

Süleymaniyyə, "High Crest" oteli

Poladyanın ölkə üzrə məqsədyönümlü hərəkətləri və onun terrorçuların rəhbərləri ilə təmasları nəticəsində 2020-ci ilin iyul ayının sonlarında Süleymaniyyədəki “High Crest” otelində erməni nümayəndələri ilə Bərzani ailəsinə düşmən olan Tələbani klanının nümayəndələri arasında “isti, dostluq atmosferində” görüş baş tutub.

Erməniləri Kürd Vətənpərvərlər İttifaqının belə demək olarsa, elitası qarşılayıb-İraqın eks-prezidentinin və kürd ittifaqının əsasını qoyan Cəlal Tələbaninin oğlu Bafel Tələbani, habelə Kürd Vətənpərvərlər İttifaqının həmsədri və “Zanyari” kürd kəşfiyyat xidmətinin rəhbəri Şeyx Cengi Tələbani. Qeyd etmək lazımdır ki, “Zanyari” İŞİD-ə qarşı əməliyyatlarda iştirak edib, amma daha sonra daxili siyasi çəkişmələrə cəlb olunub və internetdə Bərzani ailəsi ilə trol-döyüşlərinə girib.

"Zanyari" kürd kəşfiyyat xidmətinin rəhbəri Lahur Şeyx Cəngi Tələbani

Lahur Tələbaninin özünü isə rəqibləri İranla sıx əlaqələrdə, xüsusən də İnqilab Keşikçiləri Korpusu ilə əməkdaşlıqda ittiham edirlər. İnqilab Keşikçiləri hazırda İraqda və Suriyada kürd yaraqlıları şəbəkəsini praktiki olaraq nəzarətində saxlayır.

Bafel Tələbani

Kürd istebleşmentinin ən davakar qanadının həmin nümayəndələri ilə Yerevandan gedən qonaqlar da görüşüblər və Türkiyənin “Cənubi Qafqaza ekspansiyasına” qarşı birgə əməkdaşlıq barədə anlaşıblar. Arqument olaraq erməni nümayəndələri iddia ediblər ki, Ankara öz ordusunu artıq Azərbaycana göndərib və oradan Ermənistana hücum etməyə hazırlaşır. Erməni nümayəndələrinin dediyinə görə, türklərə qarşı mübarizə aparmağın yollarından biri İraq Kürdüstanında PKK yaraqlılarının ələ alınması və onların erməni yaraqlılarına təlim keçmək üçün Dağlıq Qarabağa göndərilməsidir. Və Kürd Vətənpərvərlər İttifaqının rəhbərliyi qonaqların bu təklifini dəstəkləyib.

Lahur Şeyx Cəngi (solda) və Bafel Tələbani

PKK rəhbərliyinin də razılığını alan erməni qonaqlar Ermənistana geri qayıdıblar, amma “yolüstü” İrana da baş çəkiblər.

Və tezliklə kanal işə düşüb: İraqın şimalından yüzlərlə PKK yaraqlısı Süleymaniyyədən yola çıxıblar, İraqın Kala-Çivalan, Pencivan, Arbat-Ava, Diala və Başmax yaşayış məntəqələrindən keçməklə İranla sərhəd Seyran Bənd şəhərciyinə çatıblar.

Sərhədi piyada keçərək PKK yaraqlıları İranın Saqiz yaşayış məntəqəsinə daxil olublar, oradan isə İnqilab Keşikçiləri Korpusunun dəstəyi ilə Kirmanşahdan keçərək Ermənistan və Azərbaycanın işğal edilmiş əraziləri istiqamətində yola düşüblər.

Uzun yol gedən yaraqlıların istirahəti üçün İnqilab Keşikçiləri Korpusu hətta Mazandaranda kürd terrorçularına istirahət bazası da qurub. Burada daha bir neçə min kürd yaraqlısının İnqişab Keşikçiləri Korupsunun bazalarında təlim keçdiyi və onların Dağlıq Qarabağa göndərilməsi prosesinin başladığı da bildirilir.

Beləliklə, İraqdan Qarabağa kürd yaraqlılarının hərəkət marşrutu barədə bu səhih informasiyalar göstərir ki, Ermənistan hakimiyyətinin Azərbaycanla yeni toqquşmalar başladaraq təcavüzkar siyasət yürütməsi ilə yanaşı Azərbaycanla Türkiyə arasında hərbi-texniki əməkdaşlığın genişlənməsi bəzi regional dövlətləri də fəallaşdırıb, onlar Qarabağda yeni müharibə qızışdırmaq istəyirlər...(/virtualaz.org)

Xəbərin oxunma sayı : 1222